1 Yohane 4:14 - Testamente Leyimpsha Xichangana

¹⁴ Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

BIBELE Mahungu Lamanene

¹⁴ Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

Xitsonga (Bibele)

¹⁴ Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

1 Yohane 4:14 Referans Kwoze

1 Yohane 4:10

Leri hi rona rirhandzu ra ntiyiso, hikuva ahi hina hingarhandza Xikwembu, kambe hi xona xihirhandzeke, kutani xirhumela N'wana wa xona lesvaku ava mukutsuli wa svijoho sva hina.

Yohane 4:42

hi loko vabzela lweyi wansati vaku: “Ahahapfumeli hikolaho ka rito ra wena; hikuva na hina hi mutwile, kutani hasvitiva lesvaku lweyi hi yena Kriste hakunene, muponisi wa misava.”

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:29

Amundzuku wakona Yohani avona Yesu na ali karhi ata, amukongomile, kutani aku; hi lexi Xinyempfana xa Xikwembu lexisusaka svijoho sva misava!

1 Yohane 5:9

Loko hipfumela vumboni bza vanhu va misava, ahitiveni lesvaku vumboni bza Xikwembu i bzikulu ngopfu, hikuva vumboni bza Xikwembu hi lebzi xibzinyikeke mayelanu ni N'wana wa xona.

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

Yohane 12:47

Mun'wana ni mun'wana lweyi atwaka marito ya mina, kambe angamahlayisi, animuyavanyisi, hikuva anitelanga kutayavanyisa misava, kambe kutaponisa misava.

Yohane 5:39

Mikambisisa Matsalwa, hikuva miyanakanya lesvaku, ka wona, mitakuma vutomi lebzingaheliki; kasi hi wona lawa mavekaka vumboni henhla ka mina.

Yohane 3:34

Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

Timhaka 18:5

Loko Silasi na Timotewu vatile hi le Makedoniya, Pawulo atinyiketa kujondzisa Rito ntsena, angahatirhi svin'wana; atiyisa ka Vayuda lesvaku Mesiya, hi yena Yesu.

Yohane 10:36

Kutani-ke, hikolaho ka yini miku: “Asandza Xikwembu hi mhaka ya lesvi ningate: Ni N'wana-wa-Xikwembu xana? Kasi hi mina lweyi Tatana angamukwetsimisa ni kumurhuma misaveni.

Yohane 3:32

Kutani aveka vumboni bza lesvi asvivoneke ni kusvitwa; kambe aku na munhu lweyi apfumelaka vumboni bza yene.

Yohane 3:11

Nitiyisile nili ka wena, hina hivulavula lesvi hisvitivaka nasvona hiveka vumboni bza lesvi hisvivoneke; kambe amipfumeli vumboni bza hina.