1 Yohane 4:1 - Testamente Leyimpsha Xichangana

¹ Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

BIBELE Mahungu Lamanene

¹ Varhandziwa, mi nga pfumeleni moya wihi na wihi, kambe kambisisani mimoya ku vona loko hakunene yi ri ya Xikwembu; hikuva vaprofeta va mavunwa va hangalakile ni misava.

Xitsonga (Bibele)

¹ Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

1 Yohane 4:1 Referans Kwoze

1 Vatesalonika 5:21

kambe kambisisani hinkwasvu, mitiya ka lesvinene.

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.

1 Timotiya 4:1

Kutani-ke, Moya wuhlaya wutiyisile lesvaku masikwini lamataka, van'wana vatahambana ni vupfumeli, hi mhaka ya kulandza mimoya leyikanganyisaka ni tijondzo ta madimoni,

2 Yohane 1:7

Hikuva vakanganyisi lava votala se vanghenile misaveni, lava vangapfumeliki lesvaku Yesu Kriste atile tani hi munhu. Lweyi avulaka svosvo i mukanganyisi nasvona i Antikriste.

1 Vakorinto 14:29

Loko vali vaprofeta akuvulavule vambirhi kumbe vanharhu, kutani van'wana avakambisise marito ya vaprofeta lava.

1 Yohane 2:18

Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu.

Luka 12:57

“Hikolaho ka yini mingayanakanyi lesvilulameke hi n'wexe xana ke?

Luka 21:8

Kutani Yesu aku: “Tivoneleni lesvaku mingakangayisiwi, hikuva lavotala vatata hi vito ra mina, mun'wana ni mun'wana aku: ‘Mina ni yena’ ni lesvaku ‘nkarhi wufikile’! Mingavalandzeni!

2 Timotiya 3:13

nasvona vanhu lavobiha ni vakanganyisi vataya mahlweni vayengeteleka kubiha, na vali karhi vakanganyisa, na vona vakanganyisiwa.

Nhlavutelo 2:2

Nitiva mintirho ya wena, ni kutikarhata ka wena, ni kutiyisela ka wena. Nitiva lesvaku awukoti kutwanana ni vanhu lavohomboloka; nasvona uxiyaxiyile svinene lavativulaka vapostola, na vangali vona, kutani usvivonile lesvaku vahemba.

1 Vakorinto 12:10

mun'wana anyikiwa matimba ya kuyendla mahlori, mun'wana matimba ya kuprofeta; mun'wana akota kuvona kuhambana mahlweni ka mimoya; mun'wana anyikiwa kuvulavula hi tindzimi letingativiwiki ta tinxakaxaka, mun'wana matimba ya kuhlamusela tindzimi leti.

Timhaka 20:29

Hikuva mina nasvitiva lesvaku, loko nisukile, mitangheneliwa hi mahlolwa lawa yoleva, lawa magatakala mangatsetseleli ntlhambi;

Marka 13:21

“Nkarhini wolowo, loko munhu amibzela aku: ‘Vonani, Kriste hi lweyi’, kumbe: ‘Hilwiya’, mingatshukeni mipfumela;

Timhaka 17:11

Va le Bereya, avatlula va le Thesalonika hi malwandla, vayamukela Rito hi kukhensa lokukulu, vakambisisa Matsalwa masiku hinkwawu, valava kutiva lesvaku xana timhaka titano ke.

1 Vatesalonika 5:20

Mingasandzeni vuprofeta,

2 Vatesalonika 2:2

Mingatshukeni mikanakanisiwa timbilwini ta n'wina, ni kutshukisiwa, hambi kuli hi moya wun'wana, kumbe hi kuvulavula kun'wana, kumbe hi papela rin'wana leri ringavuliwaka lesvaku rihuma ka hina, kutiyisa lesvaku siku ra Hosi rifikile svosvi.

1 Yohane 2:7

Varhandziwa: Animitsaleli Nawu lowumpsha, kambe Nawu wa khale lowu mingava na wona kusukela kusunguleni; Nawu wa khale i rito leri kusukela kusunguleni miritweke.

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.