1 Yohane 3:3 - Testamente Leyimpsha Xichangana

³ Kutani mani na mani lweyi amulangutelaka, watihlampsa yena hi yexe, kufana ni lesvi yena angatenga.

BIBELE Mahungu Lamanene

³ Kutani un'wana ni un'wana loyi a n'wi tshembaka, ú tihlayisa a tshama a tengile, tanihi leswi yena a tengeke.

Xitsonga (Bibele)

³ Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

1 Yohane 3:3 Referans Kwoze

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

1 Yohane 2:6

Lweyi ange atshama ka xona, nasvona afanela kufamba tani hi lesvi Yesu afambiseke xisvona.

2 Petro 3:14

Hikolaho varhandziwa, lesvi milanguteleke svilo lesvi, tikarhateni lesvaku Xikwembu ximikuma na mingali na xivati ni xisandzu, kambe ximikuma na mili ni kurhula.

Matewu 5:48

Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

Vaheveru 7:26

Asvifanela lesvaku hiva ni Muprista lwenkulu wotanu, wokwetsima, wopfumala nandzu, wokala xivati, wohambana ni vajohi, lweyi atlakusiweke henhla ka matilo.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Timhaka 15:9

xikarhi ka hina na vona, axihlawulanga: Xibasisile timbilu ta vona, hikuva vapfumelile.

Tito 3:7

lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

2 Petro 1:4

Hi ndlela leyi hinyikiwile svitshembiso sva Hosi lesvikulu ngopfu, sva risima, lesvaku ha svona mitakota kupona kuwonhekeni lokunga kona misaveni hikolaho ka kunavela lokobiha, mihundzuka lavayaveliweke vutomi lebzi bzihumaka ka Xikwembu.

Luka 6:36

Miva ni timpsalu kukota lesvi Tatana wa n'wina na yena anga ni musa.

1 Yohane 4:17

Xilesvo loko rirhandzu rihetisekile ka hina, hi tatiya nhlana lesvaku ka siku ra kuyavanyisa hitava hitshembekile; hikuva lesvi Kriste anga xisvona na hina hi va svona misaveni leyi.

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

2 Vatesalonika 2:16

Svosvi-ke, ingi Hosi ya hina Yesu Kriste hi yoxe, ni Xikwembu Tatana wa hina lweyi angahirhandza, lweyi angahinyika, hi timpsalu ta yena, kuchavelela lokungaheliki ni kulangutela lokunene,

Varhoma 15:12

Kambe, Ezaya aku: “Hluke ra Yese ritahuma, yena lweyi ahumelelaka kutafuma matiko; ka yena, vamatiko vatava ni kulangutela.”

Yohane 17:19

Kutani nitikwetsimisa hikolaho ka vona, lesvaku na vona vakwetsimisiwa antiyisweni.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

1 Petro 1:3

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi,

1 Petro 1:15

Kambe, lesvi lweyi angamivitana akwetsimeke, kwetsimani na n'wina mahanyeleni hinkwawu ya n'wina.