1 Yohane 2:28 - Testamente Leyimpsha Xichangana

²⁸ Kutani svosvi, vananga, tshamani ka yena, lesvaku loko yena ahumelela, hitava ni ntshembo hingavi ni tingana loko yena avuya.

BIBELE Mahungu Lamanene

²⁸ Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

Xitsonga (Bibele)

²⁸ Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.

1 Yohane 2:28 Referans Kwoze

1 Yohane 4:17

Xilesvo loko rirhandzu rihetisekile ka hina, hi tatiya nhlana lesvaku ka siku ra kuyavanyisa hitava hitshembekile; hikuva lesvi Kriste anga xisvona na hina hi va svona misaveni leyi.

Marka 8:38

Lweyi anga ni tingana hikolaho ka mina ni marito ya mina rixakeni leri ra vawosvi ni vajohi, N'wana-wa-Munhu na yena atakhomiwa hi tingana hikolaho ka munhu lweyi siku leri angatavuya akukwetsimeni ka Tatana na ali ni tintsumi letokwetsima.”

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

1 Yohane 3:21

Varhandziwa, loko timbilu ta hina tingahiyavanyisi, hi ni kutshembeka loku kutiyeke ka Xikwembu.

Vakolosa 3:4

Vutomi bza n'wina bza xiviri i Kriste, kutani loko ahumelela, na n'wina mitahumelela na yena kukwetsimeni.

1 Yohane 2:1

Vananga, nimitsalela timhaka leti hinkwatu akuva mingajohi; kambe loko munhu atshuka ajoha, hina yena muyimeli ka Tatana, anga Yesu Kriste, lweyi alulameke;

1 Vatesalonika 3:13

hi ndlela yoleyo, yitatiyisa timbilu ta n'wina, kutani mitapfumala xisolo, miva lavahlawulekeke mahlweni ka Xikwembu Tatana wa hina, siku leri Hosi ya hina Yesu angatavuya hi rona, svin'we ni vahlawuliwa va yena hinkwavu.

1 Yohane 5:14

Loku hi kona kutshemba loku hinga nakona ka yena, hi lesvaku loko hikombela xokarhi mayelanu ni kurhandza ka yena, yena wahiyingisa.

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

Nhlavutelo 1:7

Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.

Vaheveru 9:28

svafana na Kriste: Anyiketiwile kan'we kurhwala svijoho sva lavotala; hi kolaho, atahumelela ka vumbirhi, kungali kutasusa svijoho, kambe kutaponisa lava vamulanguteleke hi kuhiteka.

1 Vatesalonika 2:19

Xana hi kwihi kulangutela ka hina ni kutsaka ka hina, hi yihi hari ya kuhlula leyi hingatatidzunisa ha yona mahlweni ka Hosi ya hina Yesu, siku avuyaka ke? Xana ahi n'wina ke?

1 Vakorinto 1:7

hi kolaho amipfumali nyiko ni yin'we ya Moya, loko mili karhi milangutela kuhlavuteliwa ka Hosi ya hina Yesu Kriste,

Varhoma 9:33

hilaha kutsaliweke hakona vaku: “Vona, niveka Siyoni ribze leri khunguvanyisaka vanhu, ni ribze leriwisaka; kambe lweyi apfumelaka ka yena lweyi anga ribze leri, angakala angakhomiwi hi tingana.”

Tito 2:13

na hili karhi hilangutela minkateko leyi hitshembisiweke yona, siku leri kungatahumelela kukwetsima ka Xikwembu Nkulukumba, ni Muponisi wa hina Yesu Kriste.

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

1 Timotiya 6:14

Hlayisa minawu, ungavi ni xivati ni xisandzu, kuyafika loko Hosi ya hina Kriste Yesu ahumelela.

1 Vatesalonika 5:23

Ingi Xikwembu xa kurhula, xona ha xoxe, xingamiyendla lavahlawulekeke hi matlhelo hinkwawu. Ingi mimoya ya n'wina, ni timbilu ta n'wina, ni miri wa n'wina, svingatshama na svibasile, na svingali ni nandzu siku leri Hosi ya hina Yesu Kriste angatavuya.

1 Vakorinto 15:23

Kambe mun'wana ni mun'wana atapfuxiwa hi nkama wa yena: Worhanga i Kriste xinga xo xitshembiso; kutani loko Kriste ata, lava vangava va yena vatalandza.

1 Petro 1:7

Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 16:28

“Nitiyisile nili ka n'wina: Ku ni van'wana xikarhi ka lavanga kola, lavangatakala vangakhumbiwi hi rifu na vangasivona N'wana-wa-Munhu avuya Mfun'wini wa yena.”

Luka 17:30

Svitava tano hi siku leri N'wana-wa-Munhu angatahumelela ha rona.

Vaefesa 3:12

Hi kuhlangana na yena, ni kupfumela ka yena, hi tshunxekile kuta mahlweni ka Xikwembu na hingali na kukanakana.