1 Yohane 2:22 - Testamente Leyimpsha Xichangana

²² I mani muhembi loko angali yena lweyi ayalaka lesvaku Yesu hi yena Kriste? Munhu wotanu, hi yena Antikriste, lweyi akanetaka Tatana ni N'wana.

BIBELE Mahungu Lamanene

²² Munhu wa vunwa i mani xana, loko a nga ri loyi a kanetaka leswaku Yesu i Mesiya? Munhu wo tano, hi ye Nala wa Kriste, loyi a landzulaka Tatana ni N'wana.

Xitsonga (Bibele)

²² Wa mavunwa i mani, loko a nga ri la landzulaka leswaku Yesu i Kriste. La nga Antikriste hi loyi a landzulaka Tatana ni N'wana.

1 Yohane 2:22 Referans Kwoze

2 Yohane 1:7

Hikuva vakanganyisi lava votala se vanghenile misaveni, lava vangapfumeliki lesvaku Yesu Kriste atile tani hi munhu. Lweyi avulaka svosvo i mukanganyisi nasvona i Antikriste.

1 Yohane 4:3

Kambe moya wun'wana ni wun'wana lowu wungapfumeliki lesvaku Yesu Kriste atile tani hi munhu ahi wa Xikwembu, kambe lowo i moya wa Antikriste, lowu mitweke ta wona lesvaku wata; kutani ni svosvi wu kona laha misaveni.

1 Yohane 2:18

Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu.

Yuda 1:4

Hikuva vanhu van'wana vangungumelile vanghena xikarhi ka hina; kuyavanyisiwa ka vona kulungisiwe khale. I vanhu lavangaliki na mhaka ni vukhongeli; vahundzula timpsalu ta Xikwembu xa hina, vayendla sva manyala ha tona, nasvona valandzula Yesu Kriste, yena N'winyi wa hinkwasvu ni Hosi ya hina.

1 Yohane 4:20

Loko munhu aku: “Mina nirhandza Xikwembu”, kambe ahambula makwavu, i muhembi; hikuva lweyi angarhandziki makwavu lweyi amuvonaka hi mahlo, angakoti kurhandza Xikwembu lexi angaxivoniki.

1 Yohane 2:23

Mani na mani lweyi ayalaka N'wana anga na yena hambi Tatana. Lweyi apfumelaka N'wana hambi Tatana ana yena.

1 Yohane 1:6

Loko hiku hi ni vuhlengeli na xona, kambe hifamba munyameni, hahemba, ahihanyi hi kulandza ntiyiso.

1 Yohane 2:4

Lweyi avulaka lesvaku: “Mina namutiva”, kambe angahlayisi milawu ya yena, wahemba, ka yena ntiyiso awu kona.

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Nhlavutelo 3:9

Vona, loko vali va ntlawa wa ka Sathana, vahembi lavativulaka Vayuda kuve ahi vona, nitayendla lesvaku vata, vatakhinsama mahlweni ka wena vakugandzela; vatativa lesvaku nikurhandzile.

Matewu 24:5

“Hikuva lavotala vatata hi vito ra mina, mun'wana ni mun'wana aku: ‘Hi mina Kriste hi ntshima’, kutani vatakanganyisa lavotala.”

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

1 Yohane 5:1

Mani na mani lweyi apfumelaka lesvaku Yesu hi yena Kriste apsaliwa hi Xikwembu, kutani mani na mani lweyi arhandzaka mupsali wa Kriste nasvona arhandza ni mupsaliwa wa yena.