1 Yohane 2:18 - Testamente Leyimpsha Xichangana

¹⁸ Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu.

BIBELE Mahungu Lamanene

¹⁸ N'wina vana, nkarhi wa makumu wu fikile, kutani kukotisa leswi mi tweke leswaku Nala wa Kriste wa ta, sweswi Valala va Kriste lavo tala va humelerile; hikokwalaho, ha tiva leswaku i nkarhi wa makumu.

Xitsonga (Bibele)

¹⁸ Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

1 Yohane 2:18 Referans Kwoze

1 Yohane 4:3

Kambe moya wun'wana ni wun'wana lowu wungapfumeliki lesvaku Yesu Kriste atile tani hi munhu ahi wa Xikwembu, kambe lowo i moya wa Antikriste, lowu mitweke ta wona lesvaku wata; kutani ni svosvi wu kona laha misaveni.

2 Yohane 1:7

Hikuva vakanganyisi lava votala se vanghenile misaveni, lava vangapfumeliki lesvaku Yesu Kriste atile tani hi munhu. Lweyi avulaka svosvo i mukanganyisi nasvona i Antikriste.

1 Yohane 2:22

I mani muhembi loko angali yena lweyi ayalaka lesvaku Yesu hi yena Kriste? Munhu wotanu, hi yena Antikriste, lweyi akanetaka Tatana ni N'wana.

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Matewu 24:5

“Hikuva lavotala vatata hi vito ra mina, mun'wana ni mun'wana aku: ‘Hi mina Kriste hi ntshima’, kutani vatakanganyisa lavotala.”

1 Yohane 4:1

Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

Marka 13:6

Lavotala vatata hi vito ra mina, mun'wana ni mun'wana aku: ‘Mina ni yena’, kutani vatakanganyisa lavotala.

2 Petro 2:1

Khale, vaprofeta va mavunhwa na vona vavekona xikarhi ka vanhu, kufana ni lesvi kungatava ni vajondzisi va mavunhwa xikarhi ka n'wina, lavangatanghenisa hi le xihundleni tijondzo tohambuka letiwonhaka; vatalandzula hambi ali Hosi leyivakutsuleke, vativangela kulahleka lokungatahantla kuvawela.

Matewu 24:11

Kutahumelela vaprofeta va mavunhwa lavotala, vatakanganyisa vanhu lavanyingi.

Yuda 1:18

vamibzelile vaku: “Minkarhini leyohetelela, kutahumelela vasandzi lavasusumetiwaka hi kunavela ka vona lokobiha vangachavi Xikwembu.”

2 Petro 3:3

Xosungula, mifanela kutwisisa lesvaku, masikwini yohetelela, kutahumelela vasandzi lavafambisiwaka hi kunavela ka vona lokobiha;

Vaheveru 1:2

Kambe masikwini lawa yohetelela, xivulavulile na hina hi N'wana, lweyi ximuvekeke kuva maja ndzhaka wa svilo hinkwasvu, lweyi na svona xitumbuluxeke tilo ni misava ha yena.

1 Petro 1:20

Lweyi angativiwa hi Xikwembu, na misava yingasitumbuluka, akombisiwa hikolaho ka n'wina, minkameni leyi ya makumu.

1 Petro 1:5

n'wina lava mipfumeleke, kutani mihlayisiwa hi matimba ya Xikwembu, lesvaku mitakuma kuponisiwa loku kuyimeleke kukombisiwa nkameni wa makumu.

Yohane 21:5

Kutani Yesu aku ka vona: “Vana vanga, miphasile xana?” Vamuhlamula, vaku: “Ahihim.”

Varhoma 13:11

Yendlani lesvi, hikuva nitiva lesvaku i nkarhi wihi svosvi: Hi wona nkama wa n'wina wa kupfuka vurhongweni; hikuva namuntlha, kuponisiwa ku kusuhi kutlula siku leri hipfumeleke ha rona.

Varhoma 13:12

Vusiku bzihundzile, vuxa bzitshinele. Hikolaho, ahicukumeteni mintirho ya munyama, kutani hitamela matlhari ya kuvonakala.

1 Petro 4:7

Kuhela ka svilo hinkwasvu kule kusuhi. Hikolaho, tlharihani mitikhoma, mitakota kukhongela.