1 Yohane 2:15 - Testamente Leyimpsha Xichangana

¹⁵ Mingarhandzeni misava, hambi svilo lesvi svinga misaveni. Loko munhu arhandza misava, rirhandzu ra Tatana ari kona ka yena.

BIBELE Mahungu Lamanene

¹⁵ Mi nga rhandzeni misava, kumbe swilo leswi nge misaveni. Loko munhu a rhandza misava, rirhandzu ro rhandza Tatana a ri kona eka yena.

Xitsonga (Bibele)

¹⁵ Mi nga rhandzeni misava, hambi swi ri leswi nga emisaveni; kungakuloko munhu a rhandza misava, rirhandzu ra Tatana a ri kona eka yena.

1 Yohane 2:15 Referans Kwoze

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Varhoma 12:2

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

Matewu 6:24

Aku na munhu lweyi angakotaka kutirhela tihosi timbirhi; hikuva atavenga yin'we, arhandza leyin'wana. Mingekoti kutirhela Xikwembu na Mamona.

Luka 16:13

“Aku na mutirhi lweyi angakotaka kutirhela tihosi timbirhi, hikuva atavenga yin'we, arhandza leyin'wana; kumbe atanamarhela yin'we afularhela leyin'wana. Mingekoti kutirhela Xikwembu na Mamona.”

Yohane 15:19

Loko amili vanhu va misava, misava ayitarhandza sva yona. Kambe lesvi n'wina mingaliki va misava, ni lesvi nimihlawuleke ka yona, vanhu va misava vamivenga.

1 Yohane 3:17

Lweyi anga ni svilo sva misava leyi, kambe avona makwavu na ali kupfumaleni, kambe anonon'hwisa mbilu ya yena angamupfuni, xana rirhandzu rorhandza Xikwembu ringatshamisa kuyini ka yena ke?

1 Timotiya 6:10

Hikuva kurhandza ngopfu male i rimintsu ra lesvobiha hinkwasvu; hi yo mhaka ya kunavela male ngopfu leyi yingahambukisa van'wana, vatshika vupfumeli, kutani timbilu ta vona tingheniwa hi svivilelo lesvotala.

Vagalatiya 1:10

Xana svosvi svikomba lesvaku ninavela kukhensiwa hi vanhu kumbe hi Xikwembu ke? Xana ni vonaka na nili lweyi aringetaka kutsakisa vanhu ke? Loko onge naharingeta kuyendla svosvo, aningatava mutirhi wa Kriste.

1 Yohane 4:5

Vona i va misava, hi kolaho vavulavula hi sva laha misaveni, kutani va laha misaveni vavayingisa.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

1 Yohane 5:10

Lweyi apfumelaka ka N'wana wa Xikwembu, a ni vumboni le mbilwini, lweyi angapfumeliki ka Xikwembu axiyendla muhembi, hikuva angapfumelanga vumboni lebzi Xikwembu xibzinyikeke mayelanu ni N'wana wa xona.

Matewu 4:8

Diyavulosi atlhela amuyisa ntshaveni leyoleha ngopfu, amukomba mimfumu hinkwayu ya misava ni kudzuneka ka yona,

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.