1 Yohane 2:1 - Testamente Leyimpsha Xichangana

¹ Vananga, nimitsalela timhaka leti hinkwatu akuva mingajohi; kambe loko munhu atshuka ajoha, hina yena muyimeli ka Tatana, anga Yesu Kriste, lweyi alulameke;

BIBELE Mahungu Lamanene

¹ Vana vanga, ndzi mi tsalela timhaka leti leswaku mi ta ka mi nga dyohi; kambe loko un'wana a tshuka a dyoha, hi ni muyimeri eka Tatana, a nga Yesu Kriste la lulameke.

Xitsonga (Bibele)

¹ Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

1 Yohane 2:1 Referans Kwoze

1 Timotiya 2:5

Hikuva ku ni Xikwembu xin'we, nasvona ku ni Muyimeli mun'we lweyi ahlanganisaka Xikwembu ni vanhu, yena Kriste Yesu munhu wa ntiyiso,

Varhoma 8:34

Yesu Kriste lweyi afeke, kumbe hingaku, yena lweyi apfuxiweke kufeni, anga yena lweyi atshameke vokweni ra xinene ra Xikwembu, kutani hi yena lweyi ahikhongelelaka.

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

2 Vakorinto 5:21

“Vuyelelanani ni Xikwembu!” Kriste lweyi angativangiki xijoho, Xikwembu ximuyendlile lesvaku ava xijoho hikolaho ka hina, lesvaku hikolaho ka yena, hiyendliwa lavalulameke mahlweni ka Xikwembu.

1 Yohane 4:4

Vananga, n'wina mi va Xikwembu, kutani mivahlulile va mavunhwa; hikuva Moya lowunga ka n'wina wutlula hi vukulu moya lowu wunga misaveni.

1 Yohane 3:18

Vananga, hingarhandzaneni hi marito, kumbe hi kuvulavula ntsena, kambe akuve hi mintirho ni ntiyiso.

1 Yohane 3:7

Vananga, mingakanganyisiweni hi munhu. Lweyi ayendlaka lesvilulameke alulamile, kufana ni lesvi yena alulameke.

Yohane 8:11

Yena aku: “Ni mun'we anga kona Hosi.” Yesu aku ka yena: “Na mina anikuyavanyisi; famba, kambe ungahatlhele ujoha.”

Vaheveru 9:24

Hikuva Kriste anganghenanga xivandleni lexohlawuleka xoyendliwa hi mavoko, lexinga xifaniso ntsena xa leti ta xiviri, kambe anghenile tilweni hikoxe, lesvaku atahumelela svosvi mahlweni ka Xikwembu kuhiyimela.

1 Yohane 3:5

Kambe masvitiva lesvaku yena atikombisile lesvaku asusa svijoho, nasvona ka yena aku na kujoha.

Vaefesa 2:18

Hi yena lweyi ayendleke lesvaku hina hinkwerhu, Vayuda ni vamatiko, hikota kuta hi Moya wun'we mahlweni ka Xikwembu.

Yohane 6:27

Mingatirheli svakuja lesvibolaka, kambe tirhelani svakuja lesvingaboliki, svinga lesvinyikaka vutomi lebzingaheliki. Svakuja lesvi, mitanyikiwa hi N'wana-wa-Munhu, hikuva hi yena lweyi Xikwembu Tatana ximufungeke hi mfungu wa xona.”

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Vaefesa 4:26

Loko mitshuka mihlundzuka, mingaweli kujoheni; jambu ringatshuki ripela na mahahlundzukile,

Vagalatiya 4:19

Vana vanga, kufana ni mamana lweyi alun'waka, nitwa kuvava nakambe hikolaho ka n'wina, kufikela loko xivumbeko xa Kriste xivonake xikarhi ka n'wina.

Yohane 10:15

Tani hilaha Tatana anitivaka hakona, ni hilaha na mina nitivaka Tatana hakona; kutani ninyiketa vutomi bza mina nifela tinyempfu.

Yohane 5:36

Kambe vumboni lebzi ninga na bzona bzitlula bza Yohani, hikuva mintirho leyi Tatana aninyikeke lesvaku niyihetisisa, yinga yona mintirho leyi niyiyendlaka, hi yona leyivekaka vumboni henhla ka mina, bza lesvaku nirhumiwile hi Tatana.

Luka 10:22

“Tatana avekile svilo hinkwasvu mavokweni ya mina; kutani aku na lweyi ativaka lesvaku N'wana i mani, loko angali Tatana; nasvona aku na lweyi ativaka Tatana lesvaku i mani, loko angali N'wana, ni lweyi N'wana alavaka kuhlavutela Tatana ka yena.”

1 Petro 2:22

Angajohanga nchumu, angavulanga svokanganyisa van'wana.

1 Vakorinto 15:34

Xalamukani, mitshika kujoha. Van'wana va n'wina avativi Xikwembu; nivula lesvi kumikhomisa tingana.

Yohane 5:14

Ndzhaku ka svosvo Yesu ayamukuma Tempeleni, kutani aku ka yena: “Vona, uhanyisiwile. Loko ungalavi kuweliwa hi khombo lerikulu leritlulaka lerorhanga, tshika kujoha.”

Yakobo 1:27

Vukhongeli lebzitengeke, lebzingasolekiki mahlweni ka Xikwembu Tatana, hi lebzi: Kuyendzela lavafeliweke hi vapsele, ni kuyendzela vafelakazi maxangwini ya vona, ni kutikhoma ka vuherheki bza misava leyi.

1 Yohane 5:21

Vananga, fularhelani svikwembu sva hava.

Yakobo 3:9

Ha rona hidzunisa Hosi, lweyi anga Tatana; nasvona ha rona hirhuketela vanhu lavayendliweke hi xifaniso xa Xikwembu.

Varhoma 6:15

Kutani-ke? Xana hitajoha, hi lesvi hingaliki hansi ka Nawu, kambe hinga hansi ka timpsalu ke? Nikutsongo!

Yohane 13:33

Vana vanga, nahatava na n'wina nkarhinyana; mitanilava, kambe hilaha nibzeleke Vayuda hakona loko nite: ‘Laha niyaka kona mingakala mingati’, na n'wina svosvi namibzela mhaka leyi.

1 Timotiya 3:14

Natshemba lesvaku nitata koseno ka wena kungali khale, kambe ni kutsalela timhaka leti,

Yohane 21:5

Kutani Yesu aku ka vona: “Vana vanga, miphasile xana?” Vamuhlamula, vaku: “Ahihim.”

Yohane 14:16

Nitakombela Tatana, kutani yena ataminyika Muchaveleli mun'wana, lweyi angatava na n'wina hilaha kungaheliki,

Timhaka 7:52

Hi wihi muprofeta lweyi vatatana va n'wina vakalaka vangamuxanisanga xana? Vadlayile na vona lavangativisa khale timhaka ta kuta ka Lweyi Alulameke, lweyi svosvi mimuxengeke, mitlhela mimudlaya;

Varhoma 5:10

Loko hahali valala ka Xikwembu, hiyendliwile lavavuyelelaneke na xona hi kufa ka N'wana wa xona; kutani, lesvi hingavuyelelana na xona, ngopfungopfu hitaponisiwa hi mhaka ya vutomi bza Kriste.

1 Yohane 5:17

Hinkwaku kubiha i xijoho, kambe ku ni xijoho lexi xingayisiki kufeni.

3 Yohane 1:4

Loko nitwa lesvaku vana va mina vahanya ntiyisweni, ka mina aku na kutsaka kun'wana loku kutlulaka koloko.