1 Yohane 1:2 - Testamente Leyimpsha Xichangana

² hikuva vutomi bzitikombisile, hina hibzivonile, hi timboni ta bzona, himibzela hi ta vutomi lebzingaheliki, lebzi abzili na Tatana, lebzi bzitikombiseke ka hina.

BIBELE Mahungu Lamanene

² Vutomi byi tikombile eka swona, kutani hi byi vonile. Hi timbhoni ta byona, kutani ha mi tivisa ta vutomi bya kona lebyi nga heriki, lebyi a byi ri eka Tatana, kutani byi kombiwile eka hina.

Xitsonga (Bibele)

² (hikuva vutomi byi kombisiwile, hi byi vonile, kambe hi timbhoni ta byona, kutani ha mi byela vutomi lebyi nga heriki, lebyi ngi byi ri eka Tatana, kambe byi kombisiwile hina)

1 Yohane 1:2 Referans Kwoze

1 Yohane 5:20

Nasvona, hasvitiva lesvaku N'wana wa Xikwembu se atile, ni lesvaku ahinyikile kutwisisa lesvaku hitativa yena lweyi anga wa ntiyiso; kutani hi le ka lweyi anga ntiyiso, yena N'wana wa xona Yesu Kriste. Lweyi hi yena Xikwembu hi ntiyiso, ni vutomi lebzingaheliki.

Yohane 1:4

Vutomi abzili ka yena, kutani vutomi lebzo abzili kuvonakala ka vanhu.

1 Timotiya 3:16

Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Yohane 17:3

Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

1 Yohane 5:11

Kutani-ke, vumboni bzakona hi lebzi: Hi lesvaku Xikwembu xihinyikile vutomi lebzingaheliki, kutani, vutomi lebzi bzi le ka N'wana wa xona.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

Tito 1:2

bzinga lebziyakiweke henhla ka kulangutela vutomi lebzingaheliki. Xikwembu lexingaliki na kuhemba xihitshembisile vutomi lebzi, na minkarhi yingasiva kona;

Yohane 14:6

Yesu aku ka yena: “Hi mina ndlela, ni ntiyiso, ni vutomi; aku na munhu lweyi ataka ka Tatana, loko kungali ha mina.

1 Yohane 3:5

Kambe masvitiva lesvaku yena atikombisile lesvaku asusa svijoho, nasvona ka yena aku na kujoha.

2 Timotiya 1:10

Kutani svosvi timpsalu leti tatikomba rivaleni, hi kuta ka muponisi wa hina Kriste Yesu, yena lweyi aheliseke rifu, ahumesela rivaleni vutomi lebzingawonhekiki, hi matimba ya Evhangeli.

Vagalatiya 4:4

Kambe loko nkama wufikile hi ndlela leyi yihetisekeke, Xikwembu xirhumile N'wana wa xona, lweyi avelekiweke hi wansati, avelekiwa na ali hansi ka Nawu,

Yohane 15:27

na n'wina mitimboni ta mina, hikuva mive na mina kusukela kusunguleni.

Timhaka 3:15

kutani midlaya munyiki wa vutomi; kambe Xikwembu ximupfuxile kufeni; hina hi timboni ta svona.

1 Petro 5:1

Svosvi-ke, ni khongotela vakulukumba lavanga mahlweni ka n'wina, lesvi na mina ninga mun'we wa vona; ningamboni ya kuvaviseka ka Kriste, ni lweyi atshembaka kuyaveliwa kukwetsima lokungatahumelela, kutani nili:

Varhoma 8:3

Lesvi Nawu wuhlulekeke kusviyendla, hi mhaka ya gome mirini wa laha misaveni, Xikwembu xisvikotile: Xiyavanyisile kujoha mirini hi kurhumela N'wana wa xona hi yexe, na ali ni miri lowufanaka ni miri wa hina wofumiwa hi kujoha, lesvaku atakota kuyavanyisa xijoho mirini.

Timhaka 10:41

kungali ka tiko hinkwaru, kambe ka timboni leti xiti hlawuleke ka hali kusunguleni, anga hina lava hingaja na yena, hi nwa na yena, ndzhaku ka loko apfukile kufeni.

Timhaka 5:32

Kutani hina hi timboni ta timhaka leti, hina svin'we ni Moya Wokwetsima lowu Xikwembu xiwunyikeke lava vaxiyingisaka.”

Timhaka 2:32

“Hi yena Yesu lweyi Xikwembu xingamupfuxa kufeni, kutani hinkwerhu hi timboni ta mhaka leyi.”

Timhaka 1:22

kusukela nkameni lowu Yohani aakhuvula vanhu, kufikela loko Yesu atlhatukisiwile ayahenhla, asuka xikarhi ka hina; munhu wakona afanele kuva mboni ya kupfuka ka Hosi kufeni, svin'we na hina.”

Yohane 21:14

Kutikomba loku ka Yesu ka vajondzisiwa va yena, akuli ka vunharhu, ndzhaku ka loko apfukile kufeni.

Yohane 17:5

Svosvi Tatana, nidzunise mahlweni ka wena hi kudzuneka loku anili nakona ka wena, matilo ni misava svingasivakona.

Yohane 16:28

Nihumile ka Tatana, kutani nitile misaveni; svosvi nitlhela nisuka misaveni, niya ka Tatana.”

Yohane 8:38

Mina nivulavula hi lesvi nisvivoneke ka Tatana, kambe n'wina miyendla lesvi misvitweke svihuma ka tatana wa n'wina.

Yohane 7:29

Mina namutiva, hikuva, nihuma ka yena, nasvona hi yena lweyi anirhumeke.”

Yohane 3:13

Aku na munhu lweyi atshamaka atlhantukela matilweni, loko angali lweyi axikeke hi le matilweni, yena N'wana-wa-Munhu.

Yohane 1:18

Aku na munhu lweyi atshamaka avona Xikwembu ni siku ni rin'we. N'wana wa Xikwembu lweyi angapsaliwa ali yexe, lweyi anga xifuveni xa Tatana, hi yena lweyi angayendla lesvaku Xikwembu xitiviwa.

1 Yohane 1:1

Lesvi asvili svona kusukela kusunguleni, lesvi hisvitweke, lesvi hisvivoneke hi mahlo ya nyama, lesvi hisvihlaleleke, ni lesvi mavoko ya hina masvikhomeke, kutani hi lesvi himitivisaka svona mayelanu ni Rito ra Vutomi;

Yohane 10:28

Kutani nitinyika vutomi lebzingaheliki; tingakala tingalovi, nasvona aku na munhu lweyi angatativutla vokweni ra mina.

Yohane 19:35

Lweyi asvivoneke, avula vumboni lesvaku na n'wina mitakota kupfumela. Vumboni bza yena bzitiyile, kutani wasvitiva lesvaku avula ntiyiso.

1 Yohane 2:25

Lexi i xitshembiso lexi angahitshembisa xona; anga vutomi lebzingaheliki.

1 Yohane 4:2

Mitativa Moya wa Xikwembu hi ndlela leyi: Moya wun'wana ni wun'wana lowuvulaka lesvaku Yesu atile misaveni tani hi munhu i wa Xikwembu.

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

1 Yohane 5:13

Nimitsalela svilo lesvi hinkwasvu, n'wina lava mipfumelaka ka N'wana wa Xikwembu, akuva mitativa lesvaku mi ni vutomi lebzingaheliki.