1 Yohane 1:1 - Testamente Leyimpsha Xichangana

¹ Lesvi asvili svona kusukela kusunguleni, lesvi hisvitweke, lesvi hisvivoneke hi mahlo ya nyama, lesvi hisvihlaleleke, ni lesvi mavoko ya hina masvikhomeke, kutani hi lesvi himitivisaka svona mayelanu ni Rito ra Vutomi;

BIBELE Mahungu Lamanene

¹ Swa Rito ra vutomi, a swi ri kona ku sukela eku sunguleni; hi swi twile ni ku swi vona hi mahlo; hi swi langutile ni ku swi khumba hi mavoko ya hina, kutani hi swona leswi hi mi tivisaka swona.

Xitsonga (Bibele)

¹ Lexi ngi xi ri kona eku sunguleni lexi hi xi tweke, lexi hi xi voneke hi mahlo ya hina, lexi hi xi languteke, lexi mavoko ya hina ma xi khumbeke, ri nga Rito ra vutomi;

1 Yohane 1:1 Referans Kwoze

Yohane 20:27

Kutani aku ka Tomasi: “Tisa ritiho ra wena laha, ulanguta ni sviyandla sva mina; tshambuluta xiyandla xa wena, uxinghenisa rheveni ra mina; ungahakanakani, kambe pfumela!”

Timhaka 4:20

Loko ali hina, hingakala hingakoti kutshika kuvula lesvi hisvivoneke ni lesvi hisvitweke.”

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

Yohane 5:26

Tani hi lesvi Tatana hi yexe anga xihlovo xa vutomi, hi mukhuva wolowo anyikile N'wana kuva xihlovo xa vutomi na yena.

Luka 24:39

Vonani sviyandla sva mina ni minkondzo ya mina! Hi mina hi xiviri. Nikhomeni, nitseveteleni. Xipoko axi na nyama ni marhambu, kasi mina ni na svona, hilaha misvivonaka hakona.” [

Yohane 8:58

Yesu aku ka vona: “Nitiyisile, nili ka n'wina: Loko Abrahamu angasipsaliwa, mina se anili ‘lweyi ninga yena.’”

Nhlavutelo 1:8

“Hi mina Alfa na Omega”, wosungula ni wa makumu, kuvula Hosi Xikwembu “lweyi anga kona, lweyi aali kona, lweyi angatata, lweyi wa matimba hinkwawu.”

Yohane 19:35

Lweyi asvivoneke, avula vumboni lesvaku na n'wina mitakota kupfumela. Vumboni bza yena bzitiyile, kutani wasvitiva lesvaku avula ntiyiso.

Timhaka 1:3

Ndzhaku ka loko axanisiwile, atikombile ka vona ali lweyi ahanyaka hi svikombiso lesvotala lesvikholwisaka; avoniwile hi vona, hi masiku ya mune wa makume, na ali karhi avulavula na vona hi ta Mfumu wa Xikwembu.

Nhlavutelo 19:13

Ayambele sviyambalu lesvipetiweke angatini, kutani vito leri vamuchuleke rona i “Rito ra Xikwembu”.

Nhlavutelo 2:8

Tsalela ni ntsumi ya kereke ya le Smirna, uku: Marito ya lweyi wosungula ni lweyi wogamesa, lweyi afeke atlhela apfuka, hi lawa:

Luka 1:2

vatirungulile hilaha na hina hingatitwa hakona ka lava vangava timboni ta tona ni malandza ya rito ra Xikwembu kahali kusunguleni;

Nhlavutelo 1:11

riku: “Tsala bukwini lesvi usvivonaka, kutani uyirhumela tikerekeni leti ta ntlhanu ni timbirhi: Kereke ya le Efesa ni ya le Smirna ni ya le Pergamo ni ya le Tiyatira ni ya le Sarda ni ya le Filadelfiya ni ya le Lawudokiya.”

1 Yohane 5:7

Hikuva ku ni timboni tinharhu;

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.