1 Vakorinto 8:9 - Testamente Leyimpsha Xichangana

⁹ Kambe tivoneleni lesvaku vutshunxeki bza n'wina lebzi, bzingahundzuki xikhunguvanyiso ka lava vanga ni gome.

BIBELE Mahungu Lamanene

⁹ Kambe tivoneleni leswaku ku ntshunxeka ka n'wina loku, ku nga hundzuki xikhunguvanyiso eka lava tsaneke.

Xitsonga (Bibele)

⁹ Kambe tivoneleni leswaku ku tshunxeka ka n'wina ku nga wisi ehansi lava tsaneke.

1 Vakorinto 8:9 Referans Kwoze

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

1 Petro 2:16

Hanyani kufana ni vanhu lavatshunxekeke; mingatekeni kutshunxeka ka n'wina yili ndlela yokanganyisa ha yona, yoyendla lesvobiha, kambe hanyani kufana ni vatirhi va Xikwembu.

2 Petro 2:19

Vavatshembisa kutshunxeka, kambe vona hi voxe i svikarawa sva lesvibolaka; hikuva munhu i xikarawa xa xilo xihi ni xihi lexi ximuhlulaka.

1 Vakorinto 10:24

Munhu angatshuki atilavela lesvinga sva yena ntsena, kambe aayanakanyi ni sva van'wana.

1 Vakorinto 10:32

Mingakunguvayisi Vayuda, hambi Vagirika, hambi kereke ya Xikwembu.

1 Vakorinto 9:22

Ka lavanga ni gome, nitiyendlile lweyi anga ni gome, lesvaku nitakota kukoka lava vanga ni gome. Kutani-ke, nitiyendlile hinkwasvu ka hinkwavu, lesvaku hi tindlela hinkwatu nitakota kuponisa van'wana.

1 Vakorinto 8:12

Loko mijohela vamakwenu hi ndlela leyi, ni kuwonha mapfalu ya vona lawa manga ni gome, mijohela Kriste.

1 Vakorinto 8:10

Hikuva loko munhu lweyi anga ni gome akuvona wena lweyi unga ni vutivi, na uli karhi uja sva svikwembu sva hava atempeleni ya svona, xana munhu lweyi angakala angatiyisiwi ripfalwini ra yena, kuja lesvihumeseliweke svikwembu svosvo ke?

Nhlavutelo 2:14

Kambe, ku ni svilo svingali svingani lesvi univilelisaka hi svona: Hi lesvaku ku ni van'wana lava unga na vona kolaho, lavakhomeleleke jondzweni ya Balamu, lweyi akuceteleke Balaka kurhiya mintlhamu mahlweni ka Vaisrayele, lesvaku vaja svakuja sva timhamba lesvihumeseliweke svikwembu sva hava, vayendla ni vuwosvi.

2 Vakorinto 11:21

Nivulavula na nili ni tingana, hikuva mina nive lweyi awolovaka. Kambe Loko munhu mun'wana atiya nhlana, atidzunisa hi xilo xin'wana (nihlaya svosvo kufana ni xiphukuphuku ), na mina ningatiya nhlana ni sviyendla.

1 Vakorinto 10:29

loko niku “ripfalu”, anihlayi ra n'wina, kambe nihlaya ra lweyi akutsundzuxeke. Mitaku: “Hikolaho ka yini kutshunxeka ka mina kuyavanyisiwa hi ripfalu ra mun'wana xana?

Varhoma 15:1

Hina lava hinga ni matimba, hifanele kurhwala kuhluleka ka lava vanga ni gome, kungali kutitsakisa hina vinyi.

Matewu 18:10

“Tivoneleni lesvaku mingatshuki michipisa ni mun'we wa lavatsongo lava; hikuva namibzela lesvaku tintsumi ta vona matilweni titshama nkarhi hinkwawu na tivona mombo wa Tatana wa mina lweyi anga matilweni. [

1 Vakorinto 10:28

Kambe loko mun'we amibzela lesvi: “Svakuja lesvi, svihumeseliwile svikwembu sva hava”, mingasvijeni, hikolaho ka lweyi amitsundzuxeke, na ali ni mbilu yokala yingatshunxekanga;

2 Vakorinto 6:3

Ahiveki xikhunguvanyiso ni xin'we ndleleni ya munhu ni mun'we, lesvaku ntirho wa hina wutakala wungasandziwi.

2 Vakorinto 11:29

Loko mun'we atsanile, xana anitsananga na mina ke? Loko mun'wana awisiwa, xana na mina anitwi kuvava ngopfu ke?

Vakolosa 2:8

Tivoneleni lesvaku munhu angamiphasi hi tijondzo ta vutlhari, hi marito ya mavunhwa lawa mangapfuniki nchumu, lawa mahumaka ka mintolovelo ya vanhu ni ka mimoya leyifumaka misava leyi, kungali ka Kriste.