1 Vakorinto 7:34 - Testamente Leyimpsha Xichangana

³⁴ kutani akokeliwa hala ni hala. Wansati lweyi akalaka angatekiwanga, kumbe nhwanyana, atikarhatela sva Hosi, lesvaku miri ni moya wa yena sviva lesvihlawulekeke; kambe wansati lweyi atekiweke atikarhatela sva misava leyi, kuvona hilaha angatsakisaka nuna wa yena hakona.

BIBELE Mahungu Lamanene

³⁴ kutani ú kokeriwa hala ni hala. Wansati loyi a nga tekiwangiki, kumbe wanhwana, ú tikarhatela swa Hosi, leswaku miri ni moya wa yena swi va leswi hlawulekeke; kambe wansati loyi a tekiweke ú tikarhatela swa misava leyi, ku vona hilaha a nga tsakisaka nuna wa yena hakona.

Xitsonga (Bibele)

³⁴ Nsati la tekiweke a nga fani ni wanhwana: La nga tekiwangiki u xiya swa Hosi, u ta kwetsima emirini ni le moyeni; kambe la tekiweke u xiya swa misava leyi, ni hilaha a nga tsakisaka nuna wa yena hakona.

1 Vakorinto 7:34 Referans Kwoze

1 Vakorinto 6:20

Mixaviwile hi nxavu lowukulu; hi kolaho, dzunisani Xikwembu hi miri wa n'wina.

Vafilipiya 1:20

Kulangutela ka mina ni kutshemba ka mina, hi lesvaku aningakhomiwi hi tingana nikutsongo, kambe hi kutiya ka mina ningachavi nchumu, svosvi kukota minkama hinkwayu, nitatwalisa vukulu bza Kriste mirini wa mina, hambi hi kuhanya kumbe hi kufa ka mina.

2 Vakorinto 11:28

Handle ka svin'wana lesvi ningasvihlayiki, na tikeliwa masiku hinkwawu ni kukarhateka moyeni, loko niyanakanya tikereke hinkwatu.

Varhoma 6:13

mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama.

Tito 3:8

Mhaka leyi yitiyile. Kutani nilava lesvaku utiyisa timhaka leti svinene, lesvaku lava vapfumeleke ka Xikwembu, valava tindlela ta kutinyiketa, vatirha mintirho leyinene. Hi svona lesvinga svinene, lesvipfunaka vanhu.

1 Vatesalonika 5:23

Ingi Xikwembu xa kurhula, xona ha xoxe, xingamiyendla lavahlawulekeke hi matlhelo hinkwawu. Ingi mimoya ya n'wina, ni timbilu ta n'wina, ni miri wa n'wina, svingatshama na svibasile, na svingali ni nandzu siku leri Hosi ya hina Yesu Kriste angatavuya.

2 Vakorinto 8:16

Akukhensiwe Xikwembu lexiyendlaka lesvaku Tito ahiseka kufana na hina kumipfuna.

1 Timotiya 3:5

Hikuva loko munhu angakoti kufambisa njangu wa yena, atasvikotisa kuyini kufambisa kereke ya Xikwembu xana?

Yohane 10:13

Mhaka hi lesvaku i mutirheli wa male ntsena, angakhatali hi tinyempfu.

1 Vakorinto 7:33

kambe lweyi atekeke atikarhatela sva misava, kuvona hilaha angatsakisaka nsati wa yena hakona,

1 Vakorinto 7:35

Nivula lesvi kumipfuna, kungali kumisivelasivela, kambe kuyendlela lesvaku svilo hinkwasvu svifamba khwatsi, mitinyiketa kutirhela Hosi, mingayanakanyi svin'wana.

1 Timotiya 5:5

Wansati wa mufelakazi lweyi anga wa ntiyiso, loko asale ali yexe, na avekile kutshemba ka yena ka Xikwembu, kutani atshama na ali karhi akombela ka xona ni kukhongela vusiku ni nhlekanhi.