1 Vakorinto 6:9 - Testamente Leyimpsha Xichangana

⁹ Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,

BIBELE Mahungu Lamanene

⁹ Xana a mi tivi leswaku lavo homboloka va nga ka va nga dyi ndzhaka ya Mfumo wa Xikwembu, xana? Mi nga tshuki mi tikanganyisa: Loko ti ri timbhisa, ni lava gandzelaka swikwembu swa hava, ni vaoswi, ni vavanuna lava endlaka swa tingana ni vavanuna-kulobye,

Xitsonga (Bibele)

⁹ Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

1 Vakorinto 6:9 Referans Kwoze

1 Vakorinto 6:10

ni vayivi, ni vaphangi, ni svidakwa, ni va kurhuketela, ni vakanganyisi, vangakala vangaji ndzhaka ya Mfumu wa Xikwembu.

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

1 Vakorinto 6:19

Xana amisvitivi lesvaku miri wa n'wina i tempele ya Moya Lowokwetsima lowu minga na wona, lowu Xikwembu ximinyikeke wona, ni lesvaku amitifumi, ke?

1 Vakorinto 5:10

aningavuli nikutsongo kuhambana ni vanhu va misava leyi lavanga vawosvi, kumbe lavanga ni makwanga, kumbe vayivi, kumbe lavagandzelaka svikwembu sva hava; ihim, hikuva loko miyendla svosvo, asvitahlaya lesvaku mirhurha misaveni leyi.

Vaheveru 13:4

Muchado akuve lowu xiximiwaka hi vanhu hinkwavu, mubedo wa vatekani wunganyamisiwi, hikuva Xikwembu xitayavanyisa tinghwavana ni vawosvi.

Varhoma 1:18

Svosvi-ke, vukarhi bza Xikwembu bzitavonaka bzihuma hi le tilweni, bziwela henhla ka vubihi ni vuhomboloki hinkwabzu bza vanhu lavasivelaka van'wana kutiva ntiyiso, hikolaho ka kuhomboloka ka vona.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

1 Vakorinto 15:50

Lesvi nihlayaka svona, vamakwerhu, hi lesvi: Nyama ni ngati svingakala svingaji ndzhaka ya Mfumu wa Xikwembu, nasvona lesvihantlaka kuwonheka svingakala svingaji ndzhaka ya lesvi svingawonhekiki.

1 Vakorinto 15:33

Mingapfumeleni kuxengiwa: “Vanghanu lava vobiha vawonha mikhuva leyinene.”

1 Vakorinto 3:16

Xana amisvitivi lesvaku mi tempele ya Xikwembu, ni lesvaku Moya wa Xikwembu wuyakile ka n'wina ke?

Vaheveru 12:16

Kungavi ni mun'we lweyi ahundzukaka muwosvi kumbe lweyi angaliki na mhaka ni vukhongeli, kufana na Esawu lweyi anga xavisa timfanelo ta vumativula bza yena hi mhaka ya mpandzwanyana wa svakuja.

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

1 Vakorinto 5:1

Mhaka leyi hiyitwaka, hi lesvaku ku ni vunghwavana xikarhi ka n'wina, lebzi hambi xikarhi ka vamatiko bzingaliki kona, lebzi bzifikaka laha munhu ahanyaka ni nsati wa tatana wa yena.

Yakobo 1:16

Mingatshukeni mitikanganyisa, vamakwerhu lavarhandzekaka.

1 Vakorinto 9:24

Xana amisvitivi lesvaku, hambi loko lavaphikizanaka hi kutsutsuma rivaleni ra mintlangu vatsutsuma hinkwavu, kambe lweyi akumaka hakelo i mun'we ntsena ke? Tsutsumani hi ndlela leyi yingatamipfuna kukuma hakelo yakona.

Matewu 19:29

Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki.

Timhaka 24:25

Kambe loko Pawulo avulavula hi ta kululama, ni ta kutikhoma, ni ta kuthethisiwa lokungatata, Felikisi akhomiwa hi kuchava, ahlamula, aku: “Namuntlha, famba uyatshama; siku leri ningatakuma nkama, nitatlhela nikuvitana.”

Luka 21:8

Kutani Yesu aku: “Tivoneleni lesvaku mingakangayisiwi, hikuva lavotala vatata hi vito ra mina, mun'wana ni mun'wana aku: ‘Mina ni yena’ ni lesvaku ‘nkarhi wufikile’! Mingavalandzeni!

Timhaka 20:32

“Kutani na minyiketa svosvi ka Xikwembu, ni ka rito ra timpsalu ta xona, lerikotaka kumiyakisa ni kuminyika rifuwo xikarhi ka hinkwavu lava xitihlawuleleke vona.

1 Vakorinto 5:11

Lesvi animitsalela svona hi lesvaku mingatolovelani ni lweyi avuliwaka “makwerhu” kasi i muwosvi, kumbe i munhu wophanga ni makolo, kumbe i mugandzeli wa svikwembu sva hava, kumbe i murhuketeli, kumbe i xidakwa, kumbe i muyivi; munhu wofana ni lweyo, hambi kuli kuja, mingajeneni na yena.

1 Vakorinto 6:18

Chavani vunghwavana! Xijoho xin'wana ni xin'wana lexi munhu axiyendlaka xi le handle ka miri wa yena; kambe lweyi awosvaka ajohela miri wa yena.

2 Vakorinto 12:21

Nichava lesvaku loko ni ta le ka n'wina, Xikwembu xa mina xingatlhela xinitsongahata mahlweni ka n'wina, kutani narila hikolaho ka lavotala lavajoheke khale, lavangahundzukangiki timhakeni ta vona letokala tingabasanga, ni ta vuwosvi, ni ta manyala, leti vangatiyendla.

Vagalatiya 6:7

Mingatshukeni mitixisa: Xikwembu axivungunyiwi; xin'wana ni xin'wana lexi munhu axibzalaka, atatshovela xona;

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

1 Yohane 3:7

Vananga, mingakanganyisiweni hi munhu. Lweyi ayendlaka lesvilulameke alulamile, kufana ni lesvi yena alulameke.