1 Vakorinto 5:11 - Testamente Leyimpsha Xichangana

¹¹ Lesvi animitsalela svona hi lesvaku mingatolovelani ni lweyi avuliwaka “makwerhu” kasi i muwosvi, kumbe i munhu wophanga ni makolo, kumbe i mugandzeli wa svikwembu sva hava, kumbe i murhuketeli, kumbe i xidakwa, kumbe i muyivi; munhu wofana ni lweyo, hambi kuli kuja, mingajeneni na yena.

BIBELE Mahungu Lamanene

¹¹ Leswi a ndzi mi tsalela swona hileswaku mi nga tolovelani ni loyi a vuriwaka “makwerhu” kasi i muoswi, kumbe i munhu wa makwanga, kumbe i mugandzeri wa swikwembu swa hava, kumbe i murhukani, kumbe i xidakwa, kumbe i muxisi; munhu lowo tano, hambi ku ri ku dya mi nga dyi na yena.

Xitsonga (Bibele)

¹¹ Kambe sweswi, ndzi mi tsalela leswaku mi nga tshuki mi tolovelana ni la tivulaka makwenu, kambe a ri muoswi, kumbe la navelaka rifuwo, ni loko a ri la gandzelaka swikwembu swahava, ni loko a ri mulumbeti, kumbe mupyopyi, kumbe khamba; mi nga tshuki mi dya ni lowo tano.

1 Vakorinto 5:11 Referans Kwoze

Varhoma 16:17

Namikhongelela vamakwerhu, nili: Mitivonela ka lavapfuxaka kuhambana, ni kukwatisana, lava vamihambukisaka tijondzweni leti mitikumeke; hambanani na vona;

2 Vatesalonika 3:14

Loko kuli ni mun'we lweyi ayalaka kuyingisa marito lawa hi mirhumelaka wona hi papela leri, mulangutiseni, kutani mingaveneni ni mhaka na yena, lesvaku atakhomiwa hi tingana.

2 Vatesalonika 3:6

Hamileleta vamakwerhu, hi vito ra Hosi Yesu Kriste, lesvaku mihambana ni makwenu wihi ni wihi lweyi angalaviki kutirha, lweyi angafambiki hi tijondzo leti himinyikeke tona.

Matewu 18:17

Loko ayala kuvayingisa, bzela nhlengeletanu ya vakriste; loko ayala kuyingisa na yona nhlengeletanu, ka wena aakotise muhedeni kumbe muhakelisi wa rhesa.

1 Vakorinto 5:13

N'wina hi n'wexe mithethisa lavanga ndzeni ka kereke; amiyendlisi svosvo xana? Hlongolani lweyi wa kubiha mahlweni ka n'wina.

2 Yohane 1:10

Loko munhu wokarhi ata ka n'wina, kambe angatisi jondzo leyi, mingatshukeni mimuyamukela mintini ya n'wina, nasvona mingatshukeni mimuxeweta.

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

1 Timotiya 3:3

Angatinyiketi kunwa bzala, kumbe munhu wa tinyimpi, kambe aave lweyi wa kurhula, angavi ni vumpsaka, nasvona angavi lweyi arhandzaka ngopfu male.

Matewu 23:25

“Yowee n'wina Vatsali ni Vafarisi, hikuva mi vakanganyisi! Mihlampsa ndzheko ni nkambana hi le handle ka svona, kasi ndzeni ka svona svitele hi vuphangi ni vubihi hinkwabzu.

Nhlavutelo 2:20

Kambe ku ni lexi univilelisaka hi xona: Hi lesvaku utshika Jezabele, wansati lweyi ativulaka muprofeta, aya mahlweni ni mintirho ya yena, kasi ajondzisa ni kukanganyisa malandza ya mina kuyendla vuwosvi ni kuja svakuja lesvihumeseliweke svikwembu sva hava.

Vaefesa 5:5

Tivani mhaka leyi: Aku na munhu ni mun'we lweyi angatayaveliwa ndzhaka Mfun'wini wa Kriste ni wa Xikwembu, loko ahahanya hi vuwosvi, kumbe lweyi ayendlaka sva nsila, kumbe lweyi anga ni makwanga, hambi lweyi agandzelaka svikwembu sva hava.

Luka 21:34

“Tivoneleni lesvaku timbilu ta n'wina tingatikeliwi hi makolo ni vudakwa, ni kuvilela hi sva vutomi lebzi, nasvona tivoneleni lesvaku siku lero ringafiki hi xitshuketa;

1 Vakorinto 6:10

ni vayivi, ni vaphangi, ni svidakwa, ni va kurhuketela, ni vakanganyisi, vangakala vangaji ndzhaka ya Mfumu wa Xikwembu.

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

1 Vakorinto 8:11

Kutani makwenu lweyi anga ni gome, lweyi Kriste amufeleke, wawonhaka hi mhaka ya vutivi bza wena.

1 Vakorinto 6:6

Xana hakunene munhu angayamangalela makwavu, nasvona sviyendliwa mahlweni ka lava vangaliki vapfumeli ke?

Varhoma 13:13

Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

Nhlavutelo 2:14

Kambe, ku ni svilo svingali svingani lesvi univilelisaka hi svona: Hi lesvaku ku ni van'wana lava unga na vona kolaho, lavakhomeleleke jondzweni ya Balamu, lweyi akuceteleke Balaka kurhiya mintlhamu mahlweni ka Vaisrayele, lesvaku vaja svakuja sva timhamba lesvihumeseliweke svikwembu sva hava, vayendla ni vuwosvi.

1 Timotiya 6:5

nasvona svivanga kuholova xikarhi ka vanhu lavaboleke miyanakanyu ni kulahlekeliwa hi ntiyiso, lavayanakanyaka lesvaku vukhongeli i ndlela yokuma rifuwo.

Vaefesa 5:18

Minganweneni vhinyu rimidakwa, hikuva rivanga timholova, kambe matshan'wini ya svosvo mitala hi Moya.

Vagalatiya 2:12

Hikuva loko kungasifika van'wana lavarhumiweke hi Yakobe, aaja ni vamatiko; kambe loko varhumiwa lava vafika, asuka, ayatshama tlhelweni, hi kuchava kuvoniwa hi ntlawa wa lavayimbeke.

1 Vakorinto 11:21

hikuva loko mita kujeni, mun'wana ni mun'wana atsutsumela kuja svakuja sva yena, kutani van'wana vakiyela, kasi van'wana vanwa vakondza vadakwa.

1 Vakorinto 10:14

Hikolaho, vamakwerhu lavarhandzekaka, chavani kugandzela svikwembu sva hava.

1 Vakorinto 7:15

hambi svilitano, loko lweyi angaliki mupfumeli alava kuhambana ni lweyi anga mupfumeli, aahambane na yena: Mukriste waxinuna kumbe waxisati, angabohekanga loko timhaka tifamba hi ndlela leyo. Kambe loko mili n'wina, Xikwembu ximivitanile kuhanya hi kurhula.

1 Vakorinto 7:12

Loko vali lavan'wana, mina kungali Hosi nili: Loko mun'we ka vamakwerhu Hosini ali ni nsati lweyi angaliki mupfumeli, kutani loko nsati lweyi apfumela kuya mahlweni ahanya na yena, nuna wakona angamutshiki;

Timhaka 9:17

Ananiya afamba, ayanghena ndlwini, kutani atlhanteka Sawulo mavoko, aku: “Sawulo makwerhu, nirhumiwile hi Hosi, anga yena Yesu lweyi atikombiseke ka wena ndleleni leyi ungata ha yona; anirhumile ka wena lesvaku utlhela uvona, ni lesvaku utala hi Moya Wokwetsima.”

Luka 18:11

Mufarisi ayima, akhongelisa lesvi mbilwini ya yena: ‘Xikwembu, nakukhensa lesvi ningafaniki ni vanhu van'wana, lavanga ni makwanga, lavangatshembekangiki, lavawosvaka, ni lesvi ningafaniki ni murhesisi lweyi.

Timhaka 1:15

Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

1 Vakorinto 6:9

Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,