1 Vakorinto 5:1 - Testamente Leyimpsha Xichangana

¹ Mhaka leyi hiyitwaka, hi lesvaku ku ni vunghwavana xikarhi ka n'wina, lebzi hambi xikarhi ka vamatiko bzingaliki kona, lebzi bzifikaka laha munhu ahanyaka ni nsati wa tatana wa yena.

BIBELE Mahungu Lamanene

¹ Mhaka leyi hi yi twaka, hileswaku ku ni vuoswi exikarhi ka n'wina, lebyi ni le xikarhi ka vamatiko byi nga riki kona, lebyi fikaka laha un'wana a hanyaka ni nsati wa tata wa yena.

Xitsonga (Bibele)

¹ Ku twele hinkwako leswaku vuoswi byi kona exikarhi ka n'wina, byi nga vuoswi lebyi nga vuriwiki exikarhi ka matiko, va te, un'wana u ni nsati wa tata wa yena.

1 Vakorinto 5:1 Referans Kwoze

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

Nhlavutelo 2:21

Nimunyikile nkarhi lesvaku ahundzuka, kambe wayala kuhundzuka atshika vuwosvi bza yena.

Vakolosa 3:5

Loko svilitano, dlayani lesvi svinga sva misava ka n'wina, hi lesvaku vuwosvi, ni sva nsila, ni kuhisekela sva tingana, ni kunavela lokobiha, ni makwanga, kunga kugandzela svikwembu sva hava.

Vaefesa 5:3

Mi vahlawuliwa va Xikwembu, kutani vuwosvi, ni sva chaka hinkwasvu, ni makwanga, asvilaveki xikarhi ka n'wina, ni kukumbuka svingakumbukiwi.

Vagalatiya 5:19

Mintirho ya ntumbuluku wa nyama yi le rivaleni: I kuwosva ni mikhuva ya chaka ni manyala,

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

2 Vakorinto 12:21

Nichava lesvaku loko ni ta le ka n'wina, Xikwembu xa mina xingatlhela xinitsongahata mahlweni ka n'wina, kutani narila hikolaho ka lavotala lavajoheke khale, lavangahundzukangiki timhakeni ta vona letokala tingabasanga, ni ta vuwosvi, ni ta manyala, leti vangatiyendla.

1 Vakorinto 6:18

Chavani vunghwavana! Xijoho xin'wana ni xin'wana lexi munhu axiyendlaka xi le handle ka miri wa yena; kambe lweyi awosvaka ajohela miri wa yena.

1 Vakorinto 6:13

Mun'wana angaku: “Svakuja i sva khwiri, kutani khwiri i ra svakuja.” Ina, kambe Xikwembu xitasvihelisa hi vumbirhi bza svona. Miri awuvumbeliwanga vunghwavana, kambe wuvumbeliwe Hosi, ni Hosi i hosi ya miri.

1 Vakorinto 6:9

Xana amisvitivi lesvaku lavohomboloka vangakala vangaji ndzhaka ya Mfumu wa Xikwembu, ke? Mingatshukeni mitikanganyisa: Loko ali lavobiha, ni lavagandzelaka svikwembu svokala svingali svona, ni vunghwavana, ni vavanuna lavayendlaka sva tingana ni vavanunakulobze,

1 Vakorinto 5:11

Lesvi animitsalela svona hi lesvaku mingatolovelani ni lweyi avuliwaka “makwerhu” kasi i muwosvi, kumbe i munhu wophanga ni makolo, kumbe i mugandzeli wa svikwembu sva hava, kumbe i murhuketeli, kumbe i xidakwa, kumbe i muyivi; munhu wofana ni lweyo, hambi kuli kuja, mingajeneni na yena.

Timhaka 15:29

Hi lesvaku mitshika tinyama letitlhaveliweke svikwembu sva hava, mingajeneni ngati ni lesvi vanhu vasvidlayeke hi kusvitlimba minkolo, mitshika ni vugelegele; Loko mifularhela svilo svesvo, mitava miyendlile lesvinene. “Salani hi kurhula!”

Timhaka 15:20

“kambe ahivatsaleleni papela, hivabzela kutshika svakuja lesvinyamisiweke hi kuhumeseliwa svikwembu sva hava, vatshika ni vugelegele vangaji lesvi vanhu vasvidlayeke hi kusvitlimba minkolo, ni ngati vangaji”;

2 Vakorinto 7:12

Hikolaho, hambi loko nimitsalelile, anisviyendlanga hikolaho ka lweyi ajoheke, kumbe hikolaho ka lweyi ajoheliweke; nisviyendlile lesvaku nimikomba, mahlweni ka Xikwembu, hilaha mihisekelaka kuhipfuna hakona.

1 Vakorinto 1:11

hikuva, vamakwerhu, nibzeliwile ta n'wina hi va ka Klowe, vaku kuphikizana ku kona xikarhi ka n'wina.

2 Vakorinto 2:5

Loko kuli ni lweyi avangeke lesvitlhavaka timbilu, angatlhavanga mina, kambe hi tlhelo rin'wana, ningaku (hambi loko ningalavi kusvikulisa ngopfu): atlhavile n'wina hinkwenu.