1 Vakorinto 4:6 - Testamente Leyimpsha Xichangana

⁶ Hikolaho ka n'wina, vamakwerhu Hosini, lesvi hinkwasvu nisvitekile svili lesvikongomaka mina na Apolosi lesvaku hiva svikombiso, mitajondza lesvi marito lawa mahlayaka svona lawa mange: “Ungatluli lesvitsaliweke.” Nakona kungavi na mun'we wa n'wina lweyi atikulisaka hi kutsakela mun'we anyenya mun'wana.

BIBELE Mahungu Lamanene

⁶ Hikwalaho ka n'wina, vamakwerhu eHosini, leswi hinkwaswo ndzi swi tekile swi ri leswi kongomaka mina na Apolosi leswaku hi va swikombiso, mi ta dyondza leswi marito lawa ya vulaka swona lama nge: “U nga tluri leswi tsariweke.” Nakona ku nga vi na un'we wa n'wina la tikurisaka hi ku tsakela un'wana a sandza un'wanyana.

Xitsonga (Bibele)

⁶ Kambe, vamakwerhu, ndzi fanisa timhaka teto ha mina na Apolosi hikwalaho ka n'wina, hi kona mi nga ta dyondza ha hina leswaku mi nga tshuki mi ehleketa hi mukhuva lowu tlurisaka laha ku tsariweke, leswaku ku nga tshuki ku va na un'we exikarhi ka n'wina la tikurisaka eka un'wana, ku yimela un'wana.

1 Vakorinto 4:6 Referans Kwoze

2 Vakorinto 11:4

Hikuva loko kufika mun'wana, amijondzisa ta Yesu mun'wana, angali yena lweyi himijondziseke ta yena, kumbe loko miyamukela moya wun'wana, wungali wona lowu miwuyamukeleke, kumbe evhangeli yin'wana, yingali yona leyi miyiyamukeleke ka hina, mitwanana na svona hi ndlela yohlamalisa.

2 Vakorinto 12:19

Nkarhi hinkwawu lowu, mipimisa lesvaku hi ringeta kutisasekisa mahlweni ka n'wina. Ahi svona! Hivulavula mahlweni ka Xikwembu, na hili va ka Kriste. Hinkwasvu lesvi, varhandziwa, i sva kumiyaka.

2 Vakorinto 12:6

Loko anilavile kutidzunisa, abzingatava vuphukuphuku, hikuva anitava nihlaya ntiyiso; kambe lesvi aningasviyendli, hikuva munhu mun'wana angatshuka ayanakanya lesvikulu ngopfu ha mina, kutlula lesvi asvivonaka, kumbe asvitwaka ka mina.

Vakolosa 2:18

Munhu angatshuki amitekela hakelo ya n'wina hi kutitsongahata, kukanganyisa ni kugandzela tintsumi, na ali karhi apfumela ngopfu sva milorho ya yena, atikulisa hi sva hava, hi miyehleketo ya yena ya sva nyama;

1 Vatesalonika 1:5

Hikuva Evhangeli ya hina, ayifikanga ka n'wina hi marito ntsena, kambe hi matimba, ni Moya Lowokwetsima, ni kukholwisa ka yona loku kuhetisekeke, tani hilaha mitivaka hakona lesvi hihanyisaniseke xisvona na n'wina.

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

2 Vakorinto 10:7

Langutani lesvinga rivaleni, mahlweni ka n'wina. Xana ku ni mun'wana ka n'wina lweyi akholwaka lesvaku yena i wa ka Kriste ke? Svilulamile! Kambe munhu lweyi aatiyanakanye lesvaku na hina, kufana na yena, hi va ka Kriste.

2 Vakorinto 4:15

Hinkwasvu lesvi sviyendliwile hikolaho ka n'wina, lesvaku loko timpsalu ta Xikwembu tili karhi titala, titalisa ni ntsengo wa lava vangatakhensa vavuyelela, kudzuniseni ka Xikwembu.

1 Vakorinto 8:1

Hi mhaka ya svakuja lesvihumeseliwaka svikwembu sva hava, hitala kuvula lesvaku hi ni vutivi hinkwerhu. Kambe vutivi bzotano bzinyika munhu kutikulisa, kasi rirhandzu rayaka.

1 Vakorinto 5:6

Kutidzunisa ka n'wina akululamanga! Xana amisvitivi lesvaku comelanyana leritsongo rikukumukisa mbila hinkwayu ke?

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”

2 Timotiya 2:10

kutani, timhakeni hinkwatu, nitiyisela hikolaho ka vahlawuliwa va Xikwembu, lesvaku na vona vatakuma kuponisiwa loku kuhumaka ka Kriste Yesu, vakuma ni kukwetsima lokungaheliki.

2 Vakorinto 10:15

Ahitidzunisi hi mintirho leyitirhiwaka hi van'wana, handle ka laha hingakombiwa kona; hinikulangutela lesvaku, loko kupfumela ka n'wina kuyakukula, kukhensiwa ka hina xikarhi ka n'wina kutayandzisiwa svinene, ndzeni ka tindhawu leti Xikwembu xingahikomba tona kutirha ka tona.

2 Vakorinto 10:12

Svile rivaleni: Ahilavi kutiringanisa kumbe kutifananisa ni van'wana lavativonaka na vali lavakulu. Vanhu lava vatipima hi mpimo wa lesvi vangaxisvona, ni kutiringanisa hi xiyimu xa vona vinyi; i vanhu lavangaliki na kutwisisa!

1 Vakorinto 13:4

Rirhandzu ratiyisela, nasvona ri ni timpsalu; rirhandzu ari na mavondzo, aritinyungubzisi, aritikulisi;

1 Vakorinto 9:23

Niyendla hinkwasvu lesvi hikolaho ka Mahungu Lamanene, lesvaku nikota kuyaveliwa minkateko ya wona.

1 Vakorinto 5:2

Kutani mahali ni kutikulisa! Matshan'wini ya svona, hikolaho ka yini mingakarhatekanga, lesvaku lweyi ayendleke svilo lesvi asusiwa xikarhi ka n'wina, xana?

1 Vakorinto 3:21

Loko svilitano, kungavi ni lweyi atidzunisaka hi vanhu, hikuva hinkwasvu i sva n'wina;

1 Vakorinto 1:31

Hikolaho Matsalwa mahlayaka lesvaku: “Lweyi alavaka kutidzunisa, aatidzunisele Hosini.”

1 Vakorinto 1:19

Hikuva kutsaliwile lesvaku: “Nitawonha vutlhari bza tintlhari, nibakanya vutivi bza tintivi.”

1 Vakorinto 1:12

Nivula lesvi hikuva mun'we wa n'wina ali: “Mina, ni wa ka Pawulo”, mun'wana aku: “Mina ni wa ka Apolosi”, mun'wana aku: “Mina ni wa ka Kefasi”, kasi mun'wana aku: “Mina ni wa ka Kriste.”

Timhaka 18:24

Muyuda mun'we lweyi avaku i Apolosi, afika Efesa. Aavelekiwile le Alexandriya, ali wanuna wa matimba kuvulavuleni, lweyi aativa ngopfu Matsalwa.

Timhaka 19:1

Loko Apolosi ali Korinto, Pawulo atsemakanya hi le xikarhi ka tiko ra Aziya, angirimela aya Efesa, laha angakuma vajondzisiwa vangali vangani kona;

2 Vakorinto 12:20

Nichava lesvaku, loko ni ta, nitamikuma na mingahafani ni lesvi nisvilavisaka xisvona, ni lesvaku na mina, mitanikuma na ningahafani ni lesvi misvilavisaka svona. Nichava lesvaku loko ni ta, nitakuma timholova, ni mavondzo, ni vumpsaka, ni kutirhandza, ni kurhuketelana, ni mahlevo, ni kutikukumuxa, ni madzolonga