1 Vakorinto 4:5 - Testamente Leyimpsha Xichangana

⁵ Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

BIBELE Mahungu Lamanene

⁵ Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Xitsonga (Bibele)

⁵ Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

1 Vakorinto 4:5 Referans Kwoze

Yakobo 5:7

Loko svilitano, vamakwerhu, lehisani timbilu, Hosi yikondza yita. Vonani, murimi arindzela mihandzu leyinene ya misava, ayilehisela mbilu yikondza yikuma mpfula yosungula ni leyi yohetelela.

2 Vakorinto 5:10

Hikuva hinkwerhu hitafanela kuyima mahlweni ka Xitshamu xa kuyavanyisa xa Kriste, lesvaku mun'wana ni mun'wana atayamukela hakelo ya lesvi asviyendleke loko ahali mirini, hambi lesvosaseka kumbe lesvobiha.

1 Vakorinto 3:13

ntirho wa munhu lweyi wutavoneka; hikuva siku ra Hosi ritafika na rili ni ndzilo, ritakomba lesvi ntirho wa mun'wana ni mun'wana wunga svona, kutani ndzilo wutaringeta kutiya ka ntirho wakona.

Vaheveru 4:13

Emahlweni ka Xikwembu, kuhava xivumbiwa ni xin'we lexitumbeleke. Hinkwasvu sviyo tlandlala, rivaleni, mahlweni ka Lweyi hifanelaka kutihlamulela ka yena.

2 Vakorinto 10:18

Hikuva lweyi adzunisiwaka, ahi yena lweyi ativonaka ali lwenkulu, kambe hi yena lweyi Hosi yimuvonaka ali lwenkulu.

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

Varhoma 2:1

Loko svilitano, wena munhu lweyi athethisaka van'wana, awu na kutitsetselela, hambi ungava mani na mani, hikuva loko uli karhi uyavanyisa van'wana, na wena watiyavanyisa, hikuva wena muthethisi wa van'wana, uyendla lesvi vona vasviyendlaka.

Nhlavutelo 20:12

Nasvona, nivona vafi, lavakulu ni lavatsongo, na vayimile mahlweni ka Xitshamu xa Vuhosi, kutani tibuku tipfuliwa. Kupfuliwa ni buku yin'wanyana, yinga buku ya vutomi. Vafi vayavanyisiwa mayelanu ni lesvi svingatsaliwa tibukwini, hi kuya hi lesvi vasviyendleke.

1 Petro 1:7

Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

Varhoma 2:29

Kambe Muyuda wa xiviri, hi lweyi anga yena xihundleni xa mbilu, ni kuyimba ka xiviri, i kuyimba ka mbilu, loku kuyendliwaka moyeni, kungali hi lesvitsaliweke sva Nawu; kudzunisiwa ka munhu lweyi akuhumi ka vanhu, kambe kuhuma ka Xikwembu.

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

Varhoma 14:4

Xana u mani wena uthethisaka mutirhi wa munhu mun'wana? Hambi ayima kumbe kuwa, svosvo svitiviwa hi n'winyi wa yena; kambe atayima, hikuva Hosi yasvikota kumupfuxa ayima.

Yohane 5:44

Mingapfumelisa kuyini ke, kasi mitsakela kudzunisana, mun'wana ka mun'wana mingalavi kudzunisiwa loku kuhumaka ntsena ka Xikwembu?

Yakobo 4:11

Vamakwerhu, Mingahlevaneni. Lweyi ahlevaka makwavu, kumbe kuyavanyisa makwavu, ahleva ni kuyavanyisa Nawu. Kutani loko munhu ayavanyisa Nawu, angawulandzi, i muyavanyisi.

Luka 6:37

“Mingayavanyisi, kutani amingayavanyisiwi; mingaveki van'wana minandzu, kutani amingavekiwi milandzu; rivalelani, kutani mitarivaleliwa.

Matewu 24:46

Kukatekile mutirhi lweyi angatakumiwa na ayendlisa xisvosvo, siku leri n'winyi wa yena angatavuya ha rona.

Nhlavutelo 1:7

Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

1 Vatesalonika 5:2

Hikuva n'wina hi xiviri, masvitiva svinene lesvaku siku ra Hosi ritafika kufana ni muyivi lweyi ataka nivusiku.

Yohane 21:22

Yesu aku ka yena: “Loko nilava lesvaku atshama nikondza nivuya, svingava yini ka wena ke? Wena, nilandze!”

2 Petro 3:4

vaku: “Svihelele kwihi, sva lweyi kungatshembisiwa lesvaku atavuya, xana? Hi mpfhuka vatatana vangatiyetlelela, svilo hinkwasvu svahaya mahlweni hilaha asvifamba hakona, kusukela loko misava yitumbuluka.”

Matewu 25:23

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa svilo lesvotala; nghena kutsakeni ka hosi ya wena.’”

Yuda 1:14

Avile Enoke, munhu wa rixaka ra vuntlhanu kusukela ka Adamu, lweyi aprofeteke mayelanu ni vanhu volavo aku: “Vonani, Hosi yifikile ni vakwetsimi va yona va madzanadzana,

2 Petro 3:12

na mili karhi milangutela siku ra Xikwembu, miyendla lesvaku rihantla rifika, ringa siku leri ha rona kungatapsha matilo mahela, ni hinkwasvu sva ntumbuluku svingatanyunguluka, hi ndzilo.

1 Vakorinto 15:23

Kambe mun'wana ni mun'wana atapfuxiwa hi nkama wa yena: Worhanga i Kriste xinga xo xitshembiso; kutani loko Kriste ata, lava vangava va yena vatalandza.

1 Vakorinto 11:26

Hikuva minkama hinkwayu loko mija xinkwa lexi, ni loko minwela ndzhekweni lowu, mitwalisa rifu ra Hosi, yikondza yivuya.

1 Vakorinto 1:7

hi kolaho amipfumali nyiko ni yin'we ya Moya, loko mili karhi milangutela kuhlavuteliwa ka Hosi ya hina Yesu Kriste,

Varhoma 2:7

Lava vatiyiselaka kuyendla lesvinene, na vali karhi vanavela kuva lavakwetsimaka ni lavadzunekaka ni lava vangahafiki, Xikwembu xitavanyika vutomi lebzingaheliki;

Matewu 24:30

Hikona xikombiso xa N'wana-wa-Munhu xingatavoneka tilweni; vanhu vatinxakaxaka ni svib'ongo hinkwasvu sva la misaveni vataba nkosi, kutani vatavona N'wana-wa-Munhu ata hi marefu ya le tilweni, hi matimba ni kutwala lokukulu.

1 Vakorinto 3:8

Lweyi abzalaka ni lweyi acheletelaka varingana, hambilesvi mun'wana ni mun'wana angatayamukela hakelo ya yena hi mpimo wa ntirho wa yena.

Matewu 25:21

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa lesvotala; nghena kutsakeni ka hosi ya wena.’”

Matewu 10:26

Hikolaho mingatshukeni michava vanhu, hikuva aku na xilo lexingafunengetiwa lexingatakala xingafununguliwi, ni xilo xa xihundla lexingatakala xingativiwi.

Yohane 21:23

Hikolaho rito leri angalivula rihangalaka xikarhi ka vamakwavu lesvaku mujondzisiwa lwiya, angakala angafi. Kasi Yesu angamubzelanga lesvaku angakala angafi; kambe ate: “Loko nilava lesvaku atshama nikondza nivuya, svingava yini ka wena ke?”

1 Vakorinto 3:14

Loko lesviyakiweke hi munhu lweyi svitiyile, atakuma hakelo.

1 Vakorinto 11:16

Hambi loko munhu alava kuphika hi svona, hina ahitolovelanga lesvo, na tona tikereke ta Xikwembu atisvitolovelanga.

Yakobo 5:9

Vamakwerhu, mingamangalelaneni, lesvaku mitakala mingayavanyisiwi. Vonani, muyavanyisi ayimile nyangweni.

2 Vakorinto 10:9

Anilavi kuvonaka wonge niringeta kumichavisa ntsena, hi mapapela ya mina.