1 Vakorinto 4:15 - Testamente Leyimpsha Xichangana

¹⁵ Hikuva hambi mingava ni vajondzisi va madzanadzana ka Kriste, ami na vatatana lavanyingi; hikuva, ka Yesu Kriste, nihundzukile tatana wa n'wina hi kumitivisa Evhangeli.

BIBELE Mahungu Lamanene

¹⁵ Hikuva hambi mi nga va ni vadyondzisi va madzana-dzana eka Kriste, a mi na vatatana lavo tala; hikuva, eka Kriste Yesu, ndzi hundzukile tata wa n'wina hi ku mi tivisa Mahungu Lamanene.

Xitsonga (Bibele)

¹⁵ Hikuva, hambi mi nga va ni vadyondzisi va dzana ra madzana eka Kriste, vatata wa n'wina a va talanga; hikuva hi mina loyi ndzi mi tswaleke eka Yesu Kriste hi Evhangeli.

1 Vakorinto 4:15 Referans Kwoze

Vagalatiya 4:19

Vana vanga, kufana ni mamana lweyi alun'waka, nitwa kuvava nakambe hikolaho ka n'wina, kufikela loko xivumbeko xa Kriste xivonake xikarhi ka n'wina.

1 Vakorinto 3:10

Hi timpsalu leti Xikwembu xiniyaveleke tona, mina nivekile masungulu kukota muyaki lowotlhariha; svosvo mun'wana ayaka henhla ka wona. Mun'wana ni mun'wana aayake henhla ka wona hi kuxiyaxiya.

1 Vakorinto 9:23

Niyendla hinkwasvu lesvi hikolaho ka Mahungu Lamanene, lesvaku nikota kuyaveliwa minkateko ya wona.

1 Vakorinto 9:14

Hi ndlela leyo, Hosi yilerisile lavapaluxaka Evhangeli lesvaku vakuma svotihanyisa hi ntirho lowu wopaluxa Evhangeli.

1 Petro 1:23

Mipsaliwile ra vumbirhi, kungali hi mbewu leyibolaka, kambe hi leyingaboliki, ringa Rito ra Xikwembu lerihanyaka, leritshamaka hi masiku hinkwawu.

Yakobo 1:18

Hi kurhandza ka yena, ahivelekile hi rito ra ntiyiso, lesvaku hiva lavavuliwaka mativula ya svivumbiwa sva yena.

Filemoni 1:19

Mina Pawulo, hi xiyandla xa mina ha noxe nakutsalela, nili: “Nitakuhakela!” Akuva ningakulumbeti lesvaku wena hi wexe, u ni xikweneti na mina.

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

1 Vakorinto 9:18

Kutani-ke, hakelo ya mina hi yihi ke? I kupaluxa Evhangeli ka vanhu, na ningalavi hakelo; i kutsika hi nexe mfanelo ya mina yohakeliwa ntirhweni lowu wopaluxa Evhangeli.

1 Vakorinto 9:12

Loko vanhu van'wana vakuma timfanelo ka n'wina, xana hina ahi na kutikuma kutlula vona ke? Hambi svilitano, ahitirhisanga timfanelo leti. Hisviyamukelile hinkwasvu, lesvaku hingatshuka hihingakanya ndlela ya Evhangeli ya Kriste.

1 Vakorinto 3:6

Mina nibzalile, Apolosi acheletelile; kambe Xikwembu hi xona ximiliseke.

Varhoma 15:20

akuli kunavela ka mina lokukulu kuvula Evhangeli lomu vito ra Kriste aringasitiviwa kona, lesvaku ningatshuki niyaka masungulweni lawa mavekiweke hi munhu mun'wana.

1 Vakorinto 1:30

Hi kuyendla ka xona, mi le ka Kriste Yesu, kutani hi xona Xikwembu lexingayendla lesvaku Kriste ava vutlhari ka hina; ha yena hiyendliwa lavalulameke, hihundzuka vakwetsimi va Xikwembu, hiva ni kukutsuliwa.

1 Vakorinto 3:8

Lweyi abzalaka ni lweyi acheletelaka varingana, hambilesvi mun'wana ni mun'wana angatayamukela hakelo ya yena hi mpimo wa ntirho wa yena.

1 Vakorinto 9:16

Loko nipaluxa Mahungu Lamanene, ahi lesvi ningatidzunisaka ha svona, hikuva svaniboha kumapaluxa; i khombo ka mina loko ningatwalisi Evhangeli!

1 Vakorinto 15:1

Svosvi vamakwerhu, nilava kumitsundzuxa hi ta Evhangeli leyi ni yipaluxeke ka n'wina, miyiyamukela miva mitiyisela; nasvona matiyisela ka yona;

2 Vakorinto 4:5

Hina ahititwalisi, kambe hitwalisa Yesu Kriste, hiku: I Hosi! Kutani hina hitihlaya malandza ya n'wina hikolaho ka Yesu.

Vagalatiya 3:24

Hikolaho, Nawu awuli mufambisi wa hina kufikela loko Kriste atile, lesvaku hitayendliwa lavalulameke hi mhaka ya kupfumela.

Vagalatiya 3:25

Kambe svosvi, lesvi kupfumela kufikeke, ahahali hansi ka mufambisi wakona.