1 Vakorinto 4:12 - Testamente Leyimpsha Xichangana

¹² hitihlakata hi kutirha hi mavoko ya hina. Loko hirhukiwa, hakatekisa; loko hixanisiwa, hilehisa mbilu;

BIBELE Mahungu Lamanene

¹² hi tihlakata hi ku tirha hi mavoko ya hina. Loko hi rhukaniwa, ha katekisa; loko hi xanisiwa, hi lehisa mbilu;

Xitsonga (Bibele)

¹² ha karhala hi ku tirha hi mavoko ya hina. Hambi hi hleviwa, ha katekisa, hambi hi xanisiwa, ha yingisela,

1 Vakorinto 4:12 Referans Kwoze

1 Petro 3:9

Mingatlheliseleni vubihi hi vubihi, kumbe kurhuka hi kurhuka, kambe matshan'wini ya svosvo, katekisani, hikuva hi lesvi mingavitaneliwa kuyendla svona, lesvaku mitakuma nkateko na n'wina.

Matewu 5:11

“Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina.

Varhoma 12:14

Katekisani lava vamixanisaka; katekisani, mingarhuketeleni.

Varhoma 12:20

Hikolaho: “Loko nala wa wena ali ni ndlala, muphamele; loko ali ni torha, musiyele anwa; hikuva loko uyendlisa svosvo, utamuhlengeletela mpfundze nhlokweni ya yena.”

Timhaka 18:3

Kutani lesvi aali wa ntirho lowufanaka ni wa vona, atshama na vona, na ali karhi atirha; hikuva ntirho wa vona awuli wa kurhunga matende.

Luka 6:28

Katekisani lava vamirhuketelaka, mikhongelela lava vamixanisaka.

1 Petro 3:14

Kambe ni loko mixanisiwa hikolaho ka lesvolulama, mikatekile; mingachaveni vanhu, nasvona mingakarhatekeni.

1 Petro 2:23

Loko arhuketeliwa, angatlheliselanga hi kurhuketela; loko vamuxanisa, angahlayanga lesvaku atatirihisela, kambe asvitshikele mavokweni ya lweyi ayavanyisaka hi kululama.

Luka 23:34

[Kutani Yesu aku: “Tatana, varivalele, hikuva avasvitivi lesvi vasviyendlaka.”] Kutani vayavelana sviyambalu sva yena hi kuhlahluva.

Matewu 5:44

Kambe mina nili ka n'wina: Rhandzani valala va n'wina, mikhongelela lava vamixanisaka,

Timhaka 7:60

Kutani akhinsama, ahuwelela hi rito rotlakuka, aku: “Hosi, ungavahlayeli kujoha loku.” Kuteloko ahlayile svosvo, afa.

Yohane 15:20

Tsundzukani lesvi nimibzeleke svona, loko nite: ‘Nandza ahinkulu ka n'winyi wa yena.’ Loko vanixanisile, na n'wina vatamixanisa; loko vahlayisile rito ra mina, ni ra n'wina vatarihlayisa.

Yuda 1:9

Kasi Mikayele ntsuminkulu, loko alwetana na Diyavulosi vaphikizana hi ntsumbu wa Moxe, achavile kuyavanyisa Diyavulosi ni kuhumesa marito ya kumusandza, kambe ate: “AHosi ayikutshinye!”

1 Timotiya 4:10

Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

2 Vatesalonika 3:8

na svona, ahijanga svakuja sva munhu mahala, kambe hitirhile vusiku ni nhlekanhi, hibalha nyuku ni kutikarhata, lesvaku hingatikiseli munhu ni mun'we xikarhi ka n'wina.

1 Vatesalonika 2:9

Vamakwerhu, matsundzuka kutikarhata ni kukarhateka ka hina ntirhweni lowu: Hitirhile vusiku ni nhlekanhi lesvaku hingatikiseli na mun'we wa n'wina, loko hili karhi himipaluxela Evhangeli ya Xikwembu.

1 Vakorinto 9:6

Xana hi hina ntsena, mina na Barnabasi, lava hikalaka mfanelo yotshika kutirha ke?

Timhaka 20:34

Masvitiva na n'wina lesvaku mavoko lawa ya mina matirhile kukuma lesvi mina ni lava avali na mina ahisvipfumala.

1 Petro 4:19

Hikolaho, lavatwisiwaka kuvava hilaha Xikwembu xirhandzaka hakona, avayendle lesvi sva kululama, kutani vaveka mimoya ya vona mavokweni ya Muvumbi lweyi atshembekaka.

Varhoma 8:35

I mani lweyi angatahihambanisa ni rirhandzu ra Kriste? Xana mangava maxangu, kumbe nhlomulu, kumbe kuxanisiwa, kumbe ndlala, kumbe vusveti, kumbe makhombo, kumbe matlhari ke?

2 Vakorinto 11:8

Nitekile sva mphamo wa mina wohuma ka tikereke tin'wana, ni mitirhela ha svona; xana akuli kuvakanganyisa ke? Nasvona, loko nili le ka n'wina, hambilesvi anili kupfumaleni, anitikiselanga munhu ni mun'we;

Vaefesa 4:28

Lweyi aatolovela kuyiva, angahayi mahlweni ayiva; kambe aatikarhate atirha hi mavoko ya yena, atirhela sva kutipfuna ha svona, lesvaku atakota kupambulela lweyi apfumalaka.