1 Vakorinto 3:5 - Testamente Leyimpsha Xichangana

⁵ Apolosi i mani? Na Pawulo i mani? I malandza ntsena lawa mipfumeleke hi mhaka ya wona; mun'wana ni mun'wana wa hina aatirha lesvi Hosi yimunyikeke kusvitirha.

BIBELE Mahungu Lamanene

⁵ Apolosi i ncini? Na Pawulo i ncini? I malandza ntsena lawa mi pfumeleke hi mhaka ya wona; un'wana ni un'wana wa hina ú tirha leswi Hosi yi n'wi nyikeke ku swi tirha.

Xitsonga (Bibele)

⁵ Pawulo i mani xana? Na Apolosi, i mani xana? Malandza lawa mi pfumeleke ha wona, hilaha un'wana ni un'wana a nyikiweke hakona hi Hosi.

1 Vakorinto 3:5 Referans Kwoze

2 Vakorinto 6:4

Timhakeni hinkwatu hitikombile na hili malandza ya Xikwembu hi kutiyisela ka hina lokukulu kuxanisekeni, ni le vusiwanini, ni le makhombzeni;

2 Vakorinto 6:1

Hina hitirhisanaka ni Xikwembu, ha mikhongotela nakambe, hili: Lesvi miyamukeleke timpsalu ta Xikwembu, mingatitshikeni tiwa!

1 Petro 4:10

Lesvi mun'wana ni mun'wana anyikiweke nyiko ya yena, tirhisani tinyiko leti, mipfunana ha tona, miva valanguteli lavanene va tinyiko ta Xikwembu ta tinxakaxaka.

2 Vakorinto 3:6

Hi xona lexi xihinyikeke hinkwasvu lesvi ahisvipfumala, loko xihiyendlile malandza ya ntwananu lowumpsha, lowunga wa Moya, wungali wa milawu ya kutsaliwa; hikuva milawu ya kutsaliwa yadlaya, kambe Moya wona wahanyisa.

2 Vakorinto 11:23

Xana i malandza ya Kriste? Na mina ni nandza wa yena, kutlula vona (nivulavula tani hi loko nili munhu wa rihuhe). Nixanisekile kuvatlula, hi kutirha svononon'hwa, ni kupfaleliwa majele, ni kubiwa kutlulisa mpimo, ni kuva kusuhi ni kudlayiwa minkama yotala.

2 Vakorinto 4:7

Kambe hina lava hinyikiweke kurhwala xuma lexi, hifana ni timbita ta vumba; svikomba lesvaku matimba lamakulu lawa, lawa matlulaka hinkwasvu, mahuma ka Xikwembu, amahumi ka hina.

2 Vakorinto 4:5

Hina ahititwalisi, kambe hitwalisa Yesu Kriste, hiku: I Hosi! Kutani hina hitihlaya malandza ya n'wina hikolaho ka Yesu.

2 Vakorinto 3:3

Svavoneka lesvaku n'wina mipapela ra Kriste, lerihumesiweke hi hina, leritsaliweke kungali hi tinta kambe hi Moya wa Xikwembu lexihanyaka; aritsaliwanga sviphepherheleni sva maribze, kambe ritsaliwile timbilwini ta vanhu.

1 Vakorinto 3:10

Hi timpsalu leti Xikwembu xiniyaveleke tona, mina nivekile masungulu kukota muyaki lowotlhariha; svosvo mun'wana ayaka henhla ka wona. Mun'wana ni mun'wana aayake henhla ka wona hi kuxiyaxiya.

1 Vakorinto 12:28

Kutani kusunguleni Xikwembu xivekile vapostola kerekeni, ndzhaku kuta vaprofeta, kutlhantama vajondzisi; kutani kuta lavayendlaka mahlori, ni lava vanga ni nyiko ya kuhanyisa vanhu, ni lavatirhaka svopfuna van'wana, ni lavanyikiweke kufambisa mintirho, ni kuvulavula hi tindzimi letingativiwiki ta tinxakaxaka.

1 Vakorinto 9:17

Loko ingi nitirha ntirho lowu hi kutihlawulela, nikuma hakelo ka wona; kambe lesvi niwutirhaka na ningatihlawulelanga, svihlaya lesvaku niyorhwexiwa wona.

1 Vakorinto 3:7

Hikolaho, lweyi abzalaka ahi nchumu, hambi lweyi acheletelaka, kambe i Xikwembu, hikuva hi xona xikulisaka.

Yohane 3:27

Yohani, ahlamula aku: Amunhu angakala angakumi xanchumu loko anganyikiwanga xona hi le Tilweni.

Luka 1:2

vatirungulile hilaha na hina hingatitwa hakona ka lava vangava timboni ta tona ni malandza ya rito ra Xikwembu kahali kusunguleni;

Matewu 25:15

Mun'we amunyika titalanta ta ntlhanu, mun'wana amunyika titalanta timbirhi, mun'wana amunyika talanta yin'we; mun'wana ni mun'wana anyikiwa hi kuringana matimba ya yena; kutani n'winyi wa munti ayendzela kule.

Vakolosa 1:25

Niyendliwile mutirhi wa Kereke hi makungu ya Xikwembu lexinganinyika ntirho lowu hikolaho ka n'wina. Ntirho wakona i kujondzisa Rito ra Xikwembu,

Vaefesa 3:7

Ninyikiwile kuva nandza wa Evhangeli leyi hi timpsalu ta Xikwembu, leti nitikumeke hi matimba ya xona lamatirheke ka mina.

Timhaka 18:24

Muyuda mun'we lweyi avaku i Apolosi, afika Efesa. Aavelekiwile le Alexandriya, ali wanuna wa matimba kuvulavuleni, lweyi aativa ngopfu Matsalwa.

Timhaka 19:1

Loko Apolosi ali Korinto, Pawulo atsemakanya hi le xikarhi ka tiko ra Aziya, angirimela aya Efesa, laha angakuma vajondzisiwa vangali vangani kona;

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

1 Vakorinto 3:22

hambi ali Pawulo, hambi ali Apolosi, hambi ali Kefasi, hambi yili misava, hambi bzili vutomi, hambi rili rifu, hambi svili sva svosvi, hambi svili lesvingatata: Hinkwasvu i sva n'wina,

1 Vakorinto 16:12

Loko ali makwerhu Apolosi, nimukhongotele ngopfu lesvaku ata le ka n'wina ni vamakwerhu; aangasvilavi ngopfu kuta svosvi, kambe atata siku leri angatasvikota.

2 Vakorinto 4:1

Hikolaho lesvi Xikwembu, hi timpsalu ta xona, xingahirhuma kutirha ntirho wolowo, ahiheli mbilu.

2 Vakorinto 5:18

Hinkwasvu lesvi svihuma ka Xikwembu, lexingayendla lesvaku hivuyelelana na xona ha Kriste; kutani xihinyikile ntirho woyendla lesvaku vanhu vavuyelelana na xona.

Vakolosa 1:23

Kambe mifanele kutiya kupfumeleni, na miyimile masungulweni yakona mingatsekatseki, na mingahambani ni kulangutela loku mikukumeke hi kutwa Evhangeli. Evhangeli leyi yitwalisiwile ka svivumbiwa hinkwasvu lesvinga hansi ka tilo, kutani mina Pawulo, ni yendliwile mutirhi wa yona.

1 Timotiya 1:12

Nikhensa lweyi aninyikeke matimba yotirha ntirho lowu, Hosi ya hina, Kriste Yesu; hikuva anivonile na nili lweyi atshembekeke, hi kuniveka ntirhweni wa yena,