1 Vakorinto 3:13 - Testamente Leyimpsha Xichangana

¹³ ntirho wa munhu lweyi wutavoneka; hikuva siku ra Hosi ritafika na rili ni ndzilo, ritakomba lesvi ntirho wa mun'wana ni mun'wana wunga svona, kutani ndzilo wutaringeta kutiya ka ntirho wakona.

BIBELE Mahungu Lamanene

¹³ ntirho wa munhu loyi wu ta vonaka; hikuva siku ra Hosi ri ta fika ri ri ni ndzilo, ri ta komba leswi ntirho wa un'wana ni un'wana wu nga swona, kutani ndzilo wu ta ringeta ku tiya ka ntirho wa kona.

Xitsonga (Bibele)

¹³ ntirho wa un'wana ni un'wana wu ta vonaka: hikuva wu ta humesiwa eku vonakaleni esikwini ra Hosi, hikuva wu ta kombisiwa hi ndzilo; kambe ndzilo wu ta ringeta ntirho wa un'wana ni un'wana leswaku wu te yini.

1 Vakorinto 3:13 Referans Kwoze

1 Petro 1:7

Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

Nhlavutelo 20:12

Nasvona, nivona vafi, lavakulu ni lavatsongo, na vayimile mahlweni ka Xitshamu xa Vuhosi, kutani tibuku tipfuliwa. Kupfuliwa ni buku yin'wanyana, yinga buku ya vutomi. Vafi vayavanyisiwa mayelanu ni lesvi svingatsaliwa tibukwini, hi kuya hi lesvi vasviyendleke.

1 Vakorinto 4:5

Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

1 Petro 4:12

Varhandziwa, mingahlamaleni loko miweliwa hi miringo leyipfurhaka kufana ni ndzilo kutaringa kutiya ka n'wina, onge hi loko mihumeleliwa hi lesvohlamalisa.

2 Petro 3:10

Kambe siku ra Hosi ritata kufana ni muyivi, kutani matilo matahundza hi huwa leyikulu; hinkwasvu sva ntumbuluku svitapsha hi ndzilo svihela, kutani misava ni mintirho leyinga ka yona svitahisiwa.

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

2 Timotiya 1:18

Ingi Hosi yingayendla lesvaku akuma kutsetseleliwa mahlweni ka yona sikwini lerikulu. Na wena wayitiva svinene mintirho leyi aniyendleleke le Efesa.

1 Vakorinto 1:8

lweyi angatamitiyisa kuyisa kuheteleleni, miva lava vangasolekiki hi siku ra Hosi ya hina Yesu Kriste.

Varhoma 2:5

Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Luka 2:35

lesvaku miyanakanyu ya vona yihumela rivaleni. Na wena, nhlomulu wutakutlhava mbilu kukota tlhari.”

2 Timotiya 3:9

Kambe avangayi kule, hikuva vuphukuphuku bza vona bzitahumela rivaleni mahlweni ka vanhu hinkwavu, tani hi lesvi svingayendlisa svona ka vavanuna lavaya vambirhi.

Matewu 10:15

Nitiyisile nili ka n'wina: Hi siku ra kuyavanyisa, tiko ra Sodoma na Gomora ritavevukiseliwa kutlula doropa rolero.

Matewu 16:27

Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

1 Vakorinto 3:12

Kambe loko munhu ayaka henhla ka masungulu wolawo hi golidi, kumbe hi silivhere, hambi kuli hi maribze ya nxavu wa risima, kumbe timhandze, kumbe bzanyi, kumbe tinhlanga,

2 Timotiya 1:12

Kutani nixaniseka hi ndlela leyi hikolaho ka svona; kambe a ni na tingana, hikuva nitiva lweyi nipfumeleke ka yena, kutani nitshemba svinene lesvaku wasvikota kuhlayisa lesvi asvivekeke mavokweni ya mina, kuyafika siku lerikulu.

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

Vaheveru 10:25

Hingatshukeni hitshika kuhlengeletana, kufana ni lesvi van'wana vatoloveleke kuyendla svona, kambe hi khongotelana, ngopfu ngopfu lesvi mivonaka lesvaku siku ra Hosi riya ritshunela.

2 Petro 3:7

Kambe hi ro rito lero, matilo ni misava ya svosvi, svihlayiseliwe kupsha hi ndzilo, sviyimele siku ra kuyavanyisiwa ni ra kuhelisiwa ka vanhu lavangaliki na mhaka ni Xikwembu.