1 Vakorinto 3:10 - Testamente Leyimpsha Xichangana

¹⁰ Hi timpsalu leti Xikwembu xiniyaveleke tona, mina nivekile masungulu kukota muyaki lowotlhariha; svosvo mun'wana ayaka henhla ka wona. Mun'wana ni mun'wana aayake henhla ka wona hi kuxiyaxiya.

BIBELE Mahungu Lamanene

¹⁰ Hi tinyiko leti Xikwembu xi ndzi aveleke tona, mina ndzi vekile masungulo kukota muaki lowo tlhariha; sweswi un'wana ú aka ehenhla ka wona. Munhu un'wana ni un'wana a a ake ehenhla ka wona hi ku xiyaxiya.

Xitsonga (Bibele)

¹⁰ Loko ndzi ri mina, hi tintswalo ta Xikwembu leti ndzi ti nyikiweke, ndzi akile masungulo kukota muaki lowo tlhariha, kutani un'wana u aka ehenhla ka wona.

1 Vakorinto 3:10 Referans Kwoze

1 Vakorinto 3:11

Aku na munhu lweyi angavekaka masungulu man'wana handle ka lawa mangavekiwa, anga yena Yesu Kriste.

Vaefesa 2:20

Na n'wina miyakiwa henhla ka masungulu lamavekiweke hi vapostola ni vaprofeta, ribze lerikulu ra masungulu na ali yena Yesu Kriste hi xiviri.

Varhoma 15:20

akuli kunavela ka mina lokukulu kuvula Evhangeli lomu vito ra Kriste aringasitiviwa kona, lesvaku ningatshuki niyaka masungulweni lawa mavekiweke hi munhu mun'wana.

Matewu 24:45

Xana i mani mutirhi lweyi atshembekeke, ni kutlhariha, lweyi n'winyi wa yena amuvekeke kuhlayisa vatirhikulobze va munti, avaphamela svakuja hi nkarhi wakona?

Nhlavutelo 21:19

Masungulu ya rithangu ra doropa amasasekisiwile hi mihlovo hinkwayu ya maribze ya nkoka. Rosungula arili ra “xjaxpe”, kulandza “safira”, ra vunharhu “agata”, ra vumune “exmeralda”,

1 Vakorinto 9:2

Hambi loko ka van'wana ningali mupostola, ka n'wina ni yena, hikuva mi xikombiso xa vupostola bza mina Hosini.

Matewu 7:24

Hikolaho-ke, mani na mani lweyi ayingisaka marito ya mina lawa, ava afamba ha wona, atafana ni wanuna lweyi wotlhariha lweyi ayakeke yindlo ya yena ribzeni.

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

2 Timotiya 2:15

Yendla hi matimba kuvoneka na uli lweyi akhensekaka mahlweni ka Xikwembu, na ungali na tingana hi ntirho wa wena, ujondzisa Rito ra ntiyiso hi ndlela leyinene.

Vakolosa 4:17

Nasvona bzelani Arkipo, miku: “Vona lesvaku timfanelo leti unyikiweke tona ntirhweni wa Hosi utihetisisa svinene.”

Varhoma 12:3

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

Varhoma 1:5

Ha yena, hinyikiwile nkateko wa kuva vapostola vitweni ra yena, lesvaku vanhu va matiko hinkwawu vapfumela, vatlhela vayingisa;

Timhaka 18:27

Kambe lesvi aalava kuyafika Akaya, vamakwavu vaseketela makungu ya yena, kutani vatsalela vajondzisiwa, vakombela lesvaku vamuyamukela. Loko afikile ka vona, avapfuna ngopfu lava avapfumelile hi kutsakeliwa hi Xikwembu;

Luka 11:35

Hikolaho tivonele lesvaku kuvonakala lokunga ka wena kungavi munyama.

Yakobo 3:1

Vamakwerhu, asvifanelanga lesvaku lavotala xikarhi ka n'wina vahundzuka vajondzisi, hikuva masvitiva lesvaku kuyavanyisiwa ka hina vajondzisi, kutatika kutlula kuyavanyisiwa ka vanhu lavan'wana.

1 Timotiya 4:16

Tikambisise hi wexe, ni jondzo leyi uyijondzisaka. Tiya ka svona, hikuva loko uyendlisa svosvo, utatiponisa ni kuponisa vayingisi va wena.

Vakolosa 1:29

Hi svona lesvi nitikarhatelaka svona, na nili karhi nilwa hi ntamu wa yena, lowu awupfuxaka hi matimba ndzeni ka mina.

Varhoma 15:15

Hambi svilitano, nitinyikile matimba kumitsalela hi timhaka tin'wana, kutamitsundzuxa ha tona; niyendlile svosvo hikolaho ka timpsalu leti Xikwembu xininyikeke tona,

Luka 21:8

Kutani Yesu aku: “Tivoneleni lesvaku mingakangayisiwi, hikuva lavotala vatata hi vito ra mina, mun'wana ni mun'wana aku: ‘Mina ni yena’ ni lesvaku ‘nkarhi wufikile’! Mingavalandzeni!

Nhlavutelo 21:14

Kutani rithangu ra doropa arili ni maribze ya masungulu ya khume ni mambirhi, na ka wona kuli ni mavito ya khume ni mambirhi ya vapostola lava va khume ni vambirhi va Xinyempfana.

2 Vakorinto 10:15

Ahitidzunisi hi mintirho leyitirhiwaka hi van'wana, handle ka laha hingakombiwa kona; hinikulangutela lesvaku, loko kupfumela ka n'wina kuyakukula, kukhensiwa ka hina xikarhi ka n'wina kutayandzisiwa svinene, ndzeni ka tindhawu leti Xikwembu xingahikomba tona kutirha ka tona.

1 Vatesalonika 3:2

Kutani hi mirhumele Timotewu makwerhu, lweyi atirhelaka Xikwembu kufana na mina ntirhweni wa Evhangeli ya Kriste; lesvaku atamitiyisa ni kumikhutaza kupfumeleni ka n'wina;

2 Petro 3:15

Kutani, twisisani lesvaku loko Hosi ya hina yilehisa mbilu, yiyendlela kuhiponisa. Makwerhu Pawulo murhandziwa wa hina, na yena amitsalele hi yona ndlela leyi, hi kulandza vutlhari lebzi anyikiweke bzona.