1 Vakorinto 2:4 - Testamente Leyimpsha Xichangana

⁴ Anitirhisanga marito lawa makholwisaka ya vutlhari bza vanhu, kuvulavuleni ka mina ni loko nichumayela Rito. Kambe nivekile xikombiso xa Moya ni xa matimba ya Xikwembu,

BIBELE Mahungu Lamanene

⁴ A ndzi tirhisanga marito lama khorwisaka ya vutlhari, eku vulavuleni ka mina ni loko ndzi twarisa Rito. Kambe ndzi vekile xikombiso xa Moya ni xa matimba ya Xikwembu,

Xitsonga (Bibele)

⁴ kutani ku vulavula ka mina, ni ku dyondzisa ka mina, a ku vangi ku vulavula loku khorwisaka ka vutlhari bya vanhu; kambe ku ve ku kombisa ka moya ni matimba;

1 Vakorinto 2:4 Referans Kwoze

1 Vakorinto 4:20

Hikuva Mfumu wa Xikwembu ahi mhaka ya marito, i mhaka ya ntamu.

1 Vatesalonika 1:5

Hikuva Evhangeli ya hina, ayifikanga ka n'wina hi marito ntsena, kambe hi matimba, ni Moya Lowokwetsima, ni kukholwisa ka yona loku kuhetisekeke, tani hilaha mitivaka hakona lesvi hihanyisaniseke xisvona na n'wina.

1 Vakorinto 1:17

Kriste anirhumile, kungali kutakhuvula, kambe kupaluxa Evhangeli; na svona, kungali hi vutlhari kuvulavuleni, lesvaku xihambanu xa Kriste xingatshuki xihundzuka sva hava.

1 Vakorinto 2:1

Hikolaho vamakwerhu, mina loko nitile ka n'wina, anitanga hi kutiyendla lweyi ahlamalisaka hi kuvulavula kumbe hi vutlhari, nkarhi lowu nimitiviseke xihundla xa makungu ya Xikwembu;

Varhoma 15:19

hi matimba ya mahlori ni svihlamaliso, ni matimba ya Moya; hi ndlela yoleyo, nihaxile Evhangeli ya Kriste matlhelweni hinkwawu, kusukela le Yerusalema, kuyafika le Ilirika;

2 Petro 1:16

Ahilandzanga svihitana svoyendliwa hi vutlhari, loko himitivisile ta kuhumelela ka Hosi ya hina Yesu Kriste hi matimba; hina hi timboni ta vukulukumba bza yena, lebzi hingabzivona hi mahlo.

1 Vakorinto 2:13

Lesvi, hi svona lesvi hivulavulaka hi svona, kungali hi marito lawa majondzisiweke hi vutlhari bza vanhu, kambe hi marito lawa majondzisiweke hi Moya, na hili karhi hihlamusela sva Moya ka lava vanga ni Moya.

Vakolosa 2:4

Nihlaya lesvi lesvaku kungavi na lweyi amikanganyisaka hi marito lamaringetaka kumikholwisa.

2 Petro 2:18

Vatlakusa rito ni kutidzunisa ngopfu hi svilo sva hava; hi kunavela lokobiha ka sva manyala sva laha misaveni, vaphasa vanhu lava vaha kuponaka mavokweni ya valahleki.

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

Vagalatiya 1:10

Xana svosvi svikomba lesvaku ninavela kukhensiwa hi vanhu kumbe hi Xikwembu ke? Xana ni vonaka na nili lweyi aringetaka kutsakisa vanhu ke? Loko onge naharingeta kuyendla svosvo, aningatava mutirhi wa Kriste.

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

Timhaka 20:27

hikuva animifihlelanga makungu ya Xikwembu kambe ni mitivisile wona hinkwawu.

Timhaka 26:28

Agripa aku ka Pawulo: “Uringeta kunikhongotela, hi nkamanyana wungali wungani, lesvaku nihanya xikriste!”

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

2 Vakorinto 6:6

Hi kutenga, ni vutivi, ni kuleha mbilu, ni timpsalu, hitiyiselile hi matimba ya Moya Lowokwetsima, ni rirhandzu leringaliki na kukanganyisa,