1 Vakorinto 2:13 - Testamente Leyimpsha Xichangana

¹³ Lesvi, hi svona lesvi hivulavulaka hi svona, kungali hi marito lawa majondzisiweke hi vutlhari bza vanhu, kambe hi marito lawa majondzisiweke hi Moya, na hili karhi hihlamusela sva Moya ka lava vanga ni Moya.

BIBELE Mahungu Lamanene

¹³ Leswi, hi swona leswi hi vulavulaka ha swona, ku nga ri hi marito lama dyondzisiweke hi vutlhari bya vanhu, kambe hi marito lama dyondzisiweke hi Moya, hi ri karhi hi hlamusela swa Moya eka lava nga ni Moya.

Xitsonga (Bibele)

¹³ Kambe timhaka leti, a hi ti vuri hi marito lama dyondzisiwaka hi vutlhari bya vanhu, kambe hi marito lama dyondzisiwaka hi Moya lowo Kwetsima, hi ri karhi hi vula swa Moya hi marito ya moya.

1 Vakorinto 2:13 Referans Kwoze

1 Vakorinto 2:4

Anitirhisanga marito lawa makholwisaka ya vutlhari bza vanhu, kuvulavuleni ka mina ni loko nichumayela Rito. Kambe nivekile xikombiso xa Moya ni xa matimba ya Xikwembu,

1 Vakorinto 2:14

Munhu lweyi angaliki na Moya wa Xikwembu, angayamukeli sva Moya Lowokwetsima, hikuva ka yena i vuhunguki; kutani wahluleka kusvitwisisa, hikuva svifanele kuyanakanyiwa hi Moya.

1 Vakorinto 1:17

Kriste anirhumile, kungali kutakhuvula, kambe kupaluxa Evhangeli; na svona, kungali hi vutlhari kuvulavuleni, lesvaku xihambanu xa Kriste xingatshuki xihundzuka sva hava.

1 Vakorinto 2:1

Hikolaho vamakwerhu, mina loko nitile ka n'wina, anitanga hi kutiyendla lweyi ahlamalisaka hi kuvulavula kumbe hi vutlhari, nkarhi lowu nimitiviseke xihundla xa makungu ya Xikwembu;

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

Vakolosa 3:16

Rito ra Kriste aritshame ka n'wina, riyandza. Jondzisanani, mikhongotelana hi vutlhari hinkwabzu, mitwalisa Xikwembu hi kuyimbelela tipisalma, ni tinsimu, ni kuyimbelela sva Moya, na mili karhi mikhensa timbilwini ta n'wina.

2 Petro 1:16

Ahilandzanga svihitana svoyendliwa hi vutlhari, loko himitivisile ta kuhumelela ka Hosi ya hina Yesu Kriste hi matimba; hina hi timboni ta vukulukumba bza yena, lebzi hingabzivona hi mahlo.

Vaefesa 5:19

Khongotelanani hi tipisalema ni tinsimu, miyimbelela sva Moya; twalisani Hosi hi tinsimu ni tipisalma, miyidzunisa hi timbilu ta n'wina hinkwatu.

1 Vakorinto 14:2

Lweyi avulavulaka hi ririmi leringativiwiki, angavulavuli ni vanhu, kambe avulavula ni Xikwembu, hikuva aku na munhu lweyi amutwisisaka; avulavula svihundla hi kupfuleteliwa.

1 Vakorinto 9:11

Xana loko himibzalela mbewu ya moya, xana i mhaka leyikulu loko hitshovela sva misava leyi ka n'wina ke?

Luka 12:12

Hikuva Moya Lowokwetsima wutamijondzisa hi nkarhi wolowo lesvi mifanelaka kusvivula.”

Timhaka 2:4

Hinkwavu vatala hi Moya Wokwetsima, kutani vasungula kuvulavula hi tindzimi tin'wana, hilaha Moya wungavanyika kuvulavula hakona.