1 Vakorinto 2:12 - Testamente Leyimpsha Xichangana

¹² Hina ahiyamukelanga moya wa misava leyi, kambe hiyamukelile Moya lowuhumaka ka Xikwembu, lesvaku hitativa hinkwasvu lesvi hinyikiweke svona hi Xikwembu.

BIBELE Mahungu Lamanene

¹² Hina a hi amukelanga moya wa misava leyi, kambe hi amukerile Moya lowu humaka eka Xikwembu, leswaku hi ta tiva hinkwaswo leswi hi nyikiweke swona hi Xikwembu.

Xitsonga (Bibele)

¹² Loko hi ri hina, a hi amukelanga moya wa misava, kambe hi amukele Moya lowu humaka eka Xikwembu, leswaku hi tiva leswi hi swi nyikiweke hi Xikwembu hi tintswalo ta xona.

1 Vakorinto 2:12 Referans Kwoze

1 Yohane 2:27

Kambe kutotiwa loku mikuyamukeleke ka yena kutshama ka n'wina, xilesvo amivileli kuva munhu amijondzisa wona; kambe moya wa yena lowu mingatotiwa wona wa mijondzisa hinkwasvu, wu ni ntiyiso, awuhembi, tani hi lesvi wumijondziseke, xilesvo tshamani ka yena.

1 Yohane 2:20

Kambe n'wina mi ni kutotiwa loku kutaka hi le ka lweyi wokwetsima, kutani n'wina hinkwenu masvitiva.

Varhoma 8:1

Kutani svosvi akahali na kuyavanyisiwa ka lava vanga ka Kriste Yesu.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Yakobo 4:5

Kumbe, xana miyehleketa lesvaku Tsalwa rivula sva hava, loko riku: “Xikwembu xivavisekela ngopfu moya lowu xiwuyendleke lesvaku wuyaka ka n'wina” xana?

Varhoma 8:32

Xona, lexingatsetselelangiki N'wana wa xona wa xiviri kambe ximunyiketa hikolaho ka hina hinkwerhu, xana xingatsandzekisa kuyini kuhinyika svilo hinkwasvu mahala ke, kasi xihinyikile ni N'wana wa xona?

Nhlavutelo 22:6

Kutani ntsumi yiku ka mina: “Marito lawa matshembeka, ma ni ntiyiso. Hosi Xikwembu, xona lexinyikaka vaprofeta Moya wa xona, xirhumele ntsumi ya xona kukomba malandza ya xona svilo lesvi svifanelaka kuhumelela kungali khale.”

1 Vakorinto 3:22

hambi ali Pawulo, hambi ali Apolosi, hambi ali Kefasi, hambi yili misava, hambi bzili vutomi, hambi rili rifu, hambi svili sva svosvi, hambi svili lesvingatata: Hinkwasvu i sva n'wina,

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

1 Vakorinto 2:6

Hambi svilitano, hivulavula hi sva vutlhari xikarhi ka lavakuleke moyeni, bzingali vutlhari bza minkama leyi, kumbe bza tihosi ta minkama leyi, hikuva va le kuhelisiweni;

1 Vakorinto 1:27

kambe Xikwembu xihlawulile lesvi misava yisvivonaka svili “sva vuhunguki”, kukhomisa tingana tintlhari. Xikwembu xihlawulile lesvi misava yisvivonaka svili ni gome, kukhomisa tingana lesvinga ni matimba.

Nhlavutelo 12:9

Hi loko dragona lerikulu ricukumetiwa riyawela hansi, rona nyoka ya khale leyivuliwaka Diyavulosi kumbe Sathana, Mukanganyisi wa misava hinkwayu; ricukumetiwa riyawela hansi misaveni, tintsumi ta rona na tona ticukumetiwa kun'we na rona.