1 Vakorinto 2:10 - Testamente Leyimpsha Xichangana

¹⁰ Kambe Xikwembu xihipfuletele svilo lesvi hi Moya; hikuva Moya wulavisisa hinkwasvu, hambi svili svihundla lesviyenteke sva Xikwembu.

BIBELE Mahungu Lamanene

¹⁰ Kambe Xikwembu xi hi pfuletele swilo leswi hi Moya; hikuva Moya wu lavisisa hinkwaswo, hambi swi ri swihundla leswi enteke swa Xikwembu.

Xitsonga (Bibele)

¹⁰ Kambe Xikwembu xi hi pfuletele tona hi Moya wa xona; hikuva Moya wu lavisisa hinkwaswo, hambi swi ri leswi enteke swa Xikwembu.

1 Vakorinto 2:10 Referans Kwoze

Yohane 14:26

Kambe Muchaveleli anga Moya Lowokwetsima lowu Tatana angatawurhuma hi vito ra mina, atamujondzisa hinkwasvu, ni kumutsundzuxa hinkwasvu lesvi nimibzeleke svona.

Vaefesa 3:5

Minkameni leyihundzeke, vanhu avabzeliwanga xihundla xoxo hi ndlela leyi Moya wungaxihlavutela ha yona svosvi, ka vapostola va Xikwembu lavohlawuleka ni ka vaprofeta.

Luka 10:21

Nkarhini wolowo Yesu adzunisa hi matimba ya Moya Lowokwetsima, aku: “Naku khensa Tatana, Hosi ya tilo ni misava, hikuva timhaka leti, utifihlile ka tintlhari ni ka lavajondzeke, kambe utikombisa ka svivanana lesvitsongo. Ina, Tatana, hikuva loku kuvile kurhandza ka wena.

Vaefesa 3:3

hikuva xitivisile xihundla xa makungu ya xona ka mina, nitsalile mhaka leyi hi kukomisa,

Vagalatiya 1:12

Aniyikumanga ka munhu ni mun'we, anga kona ni mun'we lweyi anijondziseke yona. Yesu Kriste hi xiviri xa yena, hi yena lweyi angayihlavutela ka mina.

Matewu 16:17

Yesu ahlamula aku: “Ukatekile Simoni n'wana Yona, hikuva ahi munhu wa misava lweyi angakupfuletela svosvo, kambe i Tatana wa mina lweyi anga matilweni.

Matewu 13:11

Avahlamula, aku: Hi lesvaku n'wina, minyikiwile kutiva svihundla sva Mfumu wa matilo, kambe vona avanyikiwanga.

Yohane 16:13

Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

1 Petro 1:12

Vakombisiwile hi kuhlavuteliwa lesvaku avangatitirheli, kambe avatirhela n'wana, ka svilo lesvi mitivisiweke svona svosvi. Mitivisiwile svilo svakona hi lava vapaluxeke Evhangeli ka n'wina, hi Moya Lowokwetsima lowurhumeliweke hi le tilweni. Svilo svakona, tintsumi na tona tanavela kusvihlometela.

1 Yohane 2:27

Kambe kutotiwa loku mikuyamukeleke ka yena kutshama ka n'wina, xilesvo amivileli kuva munhu amijondzisa wona; kambe moya wa yena lowu mingatotiwa wona wa mijondzisa hinkwasvu, wu ni ntiyiso, awuhembi, tani hi lesvi wumijondziseke, xilesvo tshamani ka yena.

1 Vakorinto 2:11

I mani lweyi angativaka miyanakanyu ya munhu, loko wungali moya wa munhu yelweyo, lowunga ndzeni ka yena xana? Hi ndlela yoleyo, aku na munhu lweyi angativaka miyanakanyu ya Xikwembu, loko wungali Moya wa Xikwembu.

1 Yohane 2:20

Kambe n'wina mi ni kutotiwa loku kutaka hi le ka lweyi wokwetsima, kutani n'wina hinkwenu masvitiva.

1 Vakorinto 14:30

Loko mun'we ali kuvulavuleni, kutani mun'wanyana wa lava vanga kona akombisiwa mhaka hi Xikwembu, lweyi avulavulaka aamiyele.

Luka 2:26

Aakombisiwile hi Moya Lowokwetsima lesvaku angakala angafi angasivona Kriste wa Hosi;

Nhlavutelo 1:1

Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

1 Timotiya 4:1

Kutani-ke, Moya wuhlaya wutiyisile lesvaku masikwini lamataka, van'wana vatahambana ni vupfumeli, hi mhaka ya kulandza mimoya leyikanganyisaka ni tijondzo ta madimoni,

Nhlavutelo 2:24

Kambe n'wina ni van'wana va le Tiyatira, lavangafambiki mayelanu ni jondzo leyi, n'wina mingajondzangiki lesvi van'wana vasvivulaka svihundla sva kuyeta sva Sathana, nili ka n'wina: Anahamirhwexi ndzhwalu wun'wana.