1 Vakorinto 2:1 - Testamente Leyimpsha Xichangana

¹ Hikolaho vamakwerhu, mina loko nitile ka n'wina, anitanga hi kutiyendla lweyi ahlamalisaka hi kuvulavula kumbe hi vutlhari, nkarhi lowu nimitiviseke xihundla xa makungu ya Xikwembu;

BIBELE Mahungu Lamanene

¹ Hikokwalaho vamakwerhu, mina loko ndzi tile eka n'wina, a ndzi tanga hi ku tiendla la hlamarisaka hi ku vulavula kumbe hi vutlhari, siku ndzi mi tiviseke xihundla xa makungu ya Xikwembu;

Xitsonga (Bibele)

¹ Loko ndzi ri mina, vamakwerhu, nkarhi ndzi fikeke exikarhi ka n'wina ku mi tivisa vumbhoni bya Xikwembu a ndzi fikanga hi ku vulavula loku tlakukeke, ni loko ku ri hi vutlhari.

1 Vakorinto 2:1 Referans Kwoze

1 Vakorinto 1:17

Kriste anirhumile, kungali kutakhuvula, kambe kupaluxa Evhangeli; na svona, kungali hi vutlhari kuvulavuleni, lesvaku xihambanu xa Kriste xingatshuki xihundzuka sva hava.

1 Vakorinto 2:13

Lesvi, hi svona lesvi hivulavulaka hi svona, kungali hi marito lawa majondzisiweke hi vutlhari bza vanhu, kambe hi marito lawa majondzisiweke hi Moya, na hili karhi hihlamusela sva Moya ka lava vanga ni Moya.

1 Vakorinto 2:4

Anitirhisanga marito lawa makholwisaka ya vutlhari bza vanhu, kuvulavuleni ka mina ni loko nichumayela Rito. Kambe nivekile xikombiso xa Moya ni xa matimba ya Xikwembu,

2 Timotiya 1:8

Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

2 Vakorinto 11:6

Ningava lweyi angaliki xivulavuli xotlhariha, kambe vutivi ni na bzona; himitivisile svilo lesvi hinkwasvu hi matlhelo hinkwawu, hilaha hi svikoteke hakona.

Nhlavutelo 1:2

Hi kurungula hinkwasvu lesvi asvivoneke, Yohani aveka vumboni henhla ka Rito lerihumaka ka Xikwembu, ni le henhla ka ntiyiso ya lesvivuliwaka hi Yesu Kriste.

1 Yohane 4:14

Kutani na hina hisvivonile, hiva hiveka vumboni, lesvaku Tatana arhumele N'wana kuva Muponisi wa misava.

2 Vatesalonika 1:10

Hi siku rakona, loko Hosi yitela kutadzunisiwa xikarhi ka vahlawuliwa va yona, ni kuvoniwa hi vapfumeli hinkwavu, na n'wina mitava kona, hikuva vumboni lebzi mibzikumeke ka hina, mibzitwisisile.

1 Vakorinto 1:6

hikuva vumboni bza hina ha Kriste bzitiyisiwile mahlweni ka n'wina;

Timhaka 22:18

nivona Hosi na yinibzela, yiku: ‘Hantlisa usuka Yerusalema, ungahlweli, hikuva vanhu vakona avangayamukeli vumboni lebzi ubzivulaka henhla ka mina.’

Timhaka 20:21

Nitsundzuxile svinene Vayuda ni Vagirika kuhundzukela ka Xikwembu ni kupfumela ka Hosi ya hina Yesu.

Nhlavutelo 19:10

Kutani nikhinsama nikorhama milengeni ya yona kutayigandzela, kambe yiku ka mina: “Ungatshuki uyendla svosvo, mina ni nandza ntsena, kukota wena ni vamakwenu lavahlayisaka vumboni lebzihumesiweke hi Yesu Gandzela Xikwembu!” Vumboni lebzi bzihumesiweke hi Yesu, hi bzona mongo wa vuprofeta.

Nhlavutelo 1:9

Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

1 Timotiya 1:11

Jondzo yakona yiyelana ni Evhangeli leyivekiweke mavokweni ya mina, leyitwalisaka kukwetsima ka Xikwembu, xihlovo xa minkateko.

2 Vakorinto 10:10

Mun'wana angavula aku: “Mapapela ya Pawulo matika, matlhava, kambe loko alixikarhi ka hina himuvona asolekile, nasvona asvitikombi lesvaku angava muvulavuli.”

Varhoma 16:25

Ka yena lweyi akotaka kumitiyisa, hi kuya hi Evhangeli leyi niyijondzisaka, manga mahungu ya Yesu Kriste, nasvona hi kuya hi xihundla lexingahlavuteliwa, xinga xihundla lexi axifihlekile hi malembe ni malembe,

1 Vakorinto 2:7

kambe hivulavula hi sva vutlhari bza Xikwembu, bzinga bza xihundla, vutlhari lebzi bzifihliweke, lebzi Xikwembu xibzilungiseke kahali kusunguleni, bzintahinyika kudzuneka.