1 Vakorinto 16:16 - Testamente Leyimpsha Xichangana

¹⁶ Namikhongotela svinene kutiveka hansi ka vanhu lava, ni ka mun'wana ni mun'wana lweyi atinyiketeke kutirha ntirho wolowo, atikarhatela wona.

BIBELE Mahungu Lamanene

¹⁶ Ndza mi khongotela swinene ku tiveka ehansi ka vanhu lava, ni ka un'wana ni un'wana loyi a tinyiketeke ku tirha ntirho wolowo, a tikarhatela wona.

Xitsonga (Bibele)

¹⁶ Yingiselani vanhu lavo tano, ni hinkwavo lava khomeke ntirho swin'we na hina lava tiyiselaka kona.

1 Vakorinto 16:16 Referans Kwoze

Vaheveru 13:17

Yingisani varhangeli va n'wina, mititsongahata ka vona, hikuva vahitekela mimoya ya n'wina, kufana ni vanhu lavangatavutisiwa henhla ka yona. Mivona lesvaku valandza ntirho wa vona hi kutsaka, vangawuyendli hi kuvilela, hikuva loko vavilela, asvingamipfuni nchumu n'wina.

1 Vatesalonika 5:12

Vamakwerhu, ha mikombela hi matimba lesvaku mixixima lavatirhaka xikarhi ka n'wina lava vamirhangelaka ndleleni ya Hosi, ni kumitsundzuxa;

3 Yohane 1:8

Hikolaho, svahifanela kuyamukela vanhu votanu, lesvaku hitava lava hitirhisanaka na vona ntiyisweni.

Nhlavutelo 2:3

Nasvona waxaniseka kambe watiyisela; utwisiwe kuvaviseka hikolaho ka vito ra mina, kambe awukarhalanga.

1 Petro 5:5

Svixitanu na n'wina lavampsha: Titsongahateni ka lavakulu. Hinkwenu yambalani kutitsongahata, mitiveka hansi, van'we ka van'wana, hikuva va khale vate: “Xikwembu xiyalela lavatikulisaka, kambe xitsetselela lavatitsongahataka.”

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

1 Timotiya 5:17

Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

1 Vatesalonika 2:9

Vamakwerhu, matsundzuka kutikarhata ni kukarhateka ka hina ntirhweni lowu: Hitirhile vusiku ni nhlekanhi lesvaku hingatikiseli na mun'we wa n'wina, loko hili karhi himipaluxela Evhangeli ya Xikwembu.

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

Vafilipiya 4:3

Nakukombela na wena mutirhikulorhi lweyi atshembekaka: Pfuna vamamana lava; vaniseketelile svinene ntirhweni wa Evhangeli, na vali na Klemente, ni vatirhikulorhi lavan'wana, lava mavito ya vona matsaliweke bukwini ya vutomi.

Vaefesa 5:21

Titsongahateni, van'we ka van'wana, hikolaho ka xichavu lexi minga na xona ka Kriste.

1 Vakorinto 12:28

Kutani kusunguleni Xikwembu xivekile vapostola kerekeni, ndzhaku kuta vaprofeta, kutlhantama vajondzisi; kutani kuta lavayendlaka mahlori, ni lava vanga ni nyiko ya kuhanyisa vanhu, ni lavatirhaka svopfuna van'wana, ni lavanyikiweke kufambisa mintirho, ni kuvulavula hi tindzimi letingativiwiki ta tinxakaxaka.

1 Vakorinto 3:9

Hikuva hina hi vatirhikulobze ni Xikwembu, n'wina mi nsimu ya Xikwembu, mi yindlo ya Xikwembu.

Varhoma 16:12

Nirunguleleni Trifena na Trifoza, vamamana lavatirhelaka Hosi. Nirunguleleni Persida, mamana lweyi arhandziwaka, lweyi atirheleke Hosi hi lesvinyingi.

Varhoma 16:9

Nirunguleleni Urbano, mutirhikulorhi ntirhweni wa Kriste, na Stako, murhandziwa wa mina.

Varhoma 16:6

Nirunguleleni Mariya lweyi atirheke ngopfu xikarhi ka n'wina.

Varhoma 16:3

Nirunguleleni Prisikila na Akila, vatirhikulorhi ntirhweni wa Yesu Kriste,

Vaheveru 13:24

Rungulani varhangeli va n'wina hinkwavu ni vahlawuliwa va Xikwembu hinkwavu. Lava vahumaka tikweni ra Italiya vamirungula.