1 Vakorinto 15:1 - Testamente Leyimpsha Xichangana

¹ Svosvi vamakwerhu, nilava kumitsundzuxa hi ta Evhangeli leyi ni yipaluxeke ka n'wina, miyiyamukela miva mitiyisela; nasvona matiyisela ka yona;

BIBELE Mahungu Lamanene

¹ Sweswi vamakwerhu, ndzi lava ku mi tsundzuxa Mahungu Lamanene lawa ndzi mi dyondziseke wona. Mi ma amukerile; ma tiyisela eka wona;

Xitsonga (Bibele)

¹ Kambe vamakwerhu, ndza mi tsundzuxa Evhangeli leyi ndzi tshamaka ndzi mi byela yona, leyi mi yi amukeleke, leyi mi tiyiseleke eka yona,

1 Vakorinto 15:1 Referans Kwoze

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

1 Vatesalonika 1:6

Kutani na n'wina milandzile tindlela ta hina ni ta Hosi, hikuva, hambilesvi mingaxaniseka ngopfu, miyamukelile Rito ra Xikwembu hi kutsaka loku kunyikiwaka hi Moya Lowokwetsima.

2 Vakorinto 1:24

Ahi lesvaku hina hifuma kupfumela ka n'wina, kambe hitirhisana na n'wina lesvaku mitakuma kutsaka, hikuva mitiyile kupfumeleni.

2 Vatesalonika 3:6

Hamileleta vamakwerhu, hi vito ra Hosi Yesu Kriste, lesvaku mihambana ni makwenu wihi ni wihi lweyi angalaviki kutirha, lweyi angafambiki hi tijondzo leti himinyikeke tona.

1 Vatesalonika 4:1

Kutani-ke, vamakwerhu, mijondzile ka hina hilaha mifanelaka kuhanya hakona lesvaku mitsakisa Xikwembu, kutani mihanyile hi ndlela yoleyo. Hikolaho, ha mikombela hi matimba ni kumikhutaza hi vito ra Hosi Yesu, lesvaku miya mikula, na mili karhi mihanyisa svosvo.

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

Timhaka 11:1

Kambe vapostola ni vamakwavu Hosini lavayakeke Yudeya vatwa lesvaku vamatiko na vona vayamukele Rito ra Xikwembu.

Yohane 12:48

Lweyi anifularhelaka, kutani angayamukeli marito ya mina, a ni lweyi amuyavanyisaka; i marito lawa nimavulaka lawa mangatamiyavanyisa hi siku ra makumu.

1 Vakorinto 3:6

Mina nibzalile, Apolosi acheletelile; kambe Xikwembu hi xona ximiliseke.

Varhoma 5:2

nasvona hi kupfumela, hikotile kukuma ha yena timpsalu leti hiyimeke ka tona svosvi, kutani hitikulisa kulanguteleni ka hina ka kuyaveliwa kukwetsima ka Xikwembu.

Timhaka 2:41

Hi loko lavayamukeleke marito ya yena, vakhuvuliwa; kutani sikwini lero, kuyamukeliwa vanhu lavalavaka kuva makhulu manharhu (3 000).

Varhoma 11:20

Hi svona; maphatluliwile hikolaho ka kukala kupfumela; kutani wena uyima na utiyile hikolaho ka kupfumela. Ungatshuki utikulisa ha svona, kambe chava!

1 Vakorinto 4:15

Hikuva hambi mingava ni vajondzisi va madzanadzana ka Kriste, ami na vatatana lavanyingi; hikuva, ka Yesu Kriste, nihundzukile tatana wa n'wina hi kumitivisa Evhangeli.

1 Vakorinto 16:13

Hitekani, mitiya svinene kupfumeleni, miva vavanuna, mitinyika matimba.