1 Vakorinto 14:1 - Testamente Leyimpsha Xichangana

¹ Tikarhateleni kuva ni rirhandzu, kambe nasvona michivirikela tinyiko ta Moya, ngopfungopfu nyiko ya kuprofeta.

BIBELE Mahungu Lamanene

¹ Tikarhateleni ku va ni rirhandzu, kambe naswona mi chivirikela tinyiko ta Moya, ngopfu-ngopfu nyiko ya ku vula Rito.

Xitsonga (Bibele)

¹ Phikelelani rirhandzu; chivirikelani na tona tinyiko ta Moya, ngopfungopfu ya ku profeta.

1 Vakorinto 14:1 Referans Kwoze

1 Vakorinto 14:39

Hikolaho vamakwerhu, chivirikelani kuva ni nyiko ya kuprofeta, nasvona mingasiveleni lavavulavulaka hi tindzimi letingatwisisiwiki.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

1 Timotiya 4:14

Ungatlangi hi nyiko leyi unga na yona, leyi uyikumeke siku leri vakulukumba vakutlhantekeke mavoko, vaprofeta lesvi ungatava svona.

1 Vakorinto 16:14

Hinkwasvu lesvi misviyendlaka, asviyendliwe hi rirhandzu.

1 Vakorinto 12:1

Amhakeni ya tinyiko ta Moya, vamakwerhu, nilava lesvaku mitiva lesvinga svona.

1 Vakorinto 13:13

Svosvi-ke, kutiyile svilo svinharhu: Kupfumela, kulangutela ni rirhandzu; kambe lexikulu ngopfu ka svona i rirhandzu.

1 Vatesalonika 5:20

Mingasandzeni vuprofeta,

1 Timotiya 6:11

Kambe loko ali wena, munhu wa Xikwembu, fambela kule ni svilo lesvi hinkwasvu. Kongoma kululama, ni vukhongeli, ni kupfumela, ni rirhandzu, ni kutiyisela, ni timpsalu.

1 Vakorinto 14:37

Loko mun'we ativona na ali muprofeta, kumbe ali lweyi anga ni tinyiko ta Moya, aative lesvaku timhaka leti nimitsalelaka tona, i milawu ya Hosi.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

Vaefesa 1:3

Akudzunisiwe Xikwembu, Tatana wa Hosi ya hina Yesu Kriste, lexingahikatekisa ka Kriste hi minkateko ya moya wa kuhambanahambana, henhla matilweni:

1 Vakorinto 12:31

Chivirikelani tinyiko ta Moya letitlulaka tin'wana hi kusaseka. Kutani svosvi nitamikomba ndlela leyi yisasekeke kutlulisa hinkwatu.

3 Yohane 1:11

Murhandziwa, ungatekeleli mikhuva leyi yobiha, kambe tekelela leyi yosaseka. Lweyi ayendlaka lesvinene i wa Xikwembu; kambe lweyi ayendlaka lesvobiha angavonanga Xikwembu.

2 Petro 1:7

ni vukhongeli hi kutsakelana ka vuxaka, ni kutsakelana ka vuxaka hi rirhandzu.

Varhoma 12:6

Hikolaho, lesvi hinga ni tinyiko letihambaneke, hi kuya hi lesvi Xikwembu xihinyikeke svona, hikokolaho loko hili ni nyiko ya kuprofeta, ahiyitirhiseni hi mpimo wa kupfumela ka hina;

2 Timotiya 2:22

Chava kuhluliwa hi kunavela loku kutelaka lavampsha, ulandza kululama, ni kupfumela, ni rirhandzu, ni kurhula, svin'we ni lavakhongelaka Hosi hi timbilu letitengeke.

Varhoma 9:30

Hitakuyini ke? Hitaku: Vamatiko lava avangalandzi nawu wa kululama, vakume kululama koloko, hi mhaka ya kupfumela;

Varhoma 14:19

Loko svilitano ke, ahilaveni lesvihipfunaka kuhanya hi kurhula, ni kuyakisana.

1 Vakorinto 13:2

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

1 Vakorinto 14:22

Hikolaho, kuvulavula hi tindzimi letingativiwiki i xikombiso kungali ka vapfumeli, kambe ka lava vangaliki vapfumeli; kasi kuprofeta i xikombiso, kungali ka lava vangaliki vapfumeli, kambe ka vapfumeli.