1 Vakorinto 12:9 - Testamente Leyimpsha Xichangana

⁹ mun'wana anyikiwa kupfumela hi Moya lowu, mun'wana kambe akuma nyiko ya kuhanyisa vanhu hi Moya wo wa wun'we;

BIBELE Mahungu Lamanene

⁹ un'wana ú nyikiwa ku pfumela hi Moya lowu, un'wana kambe ú kuma nyiko yo hanyisa vanhu hi Moya wolowo wun'we;

Xitsonga (Bibele)

⁹ un'wana u nyikiwa ku pfumela hi wona Moya wolowo; un'wana u nyikiwa hi Moya wolowo matimba ya ku hanyisa;

1 Vakorinto 12:9 Referans Kwoze

2 Vakorinto 4:13

Lesvi hinga ni Moya wa kupfumela, lowufanaka ni wa lweyi angatsala aku: “Nipfumelile, hi kolaho nivulavulile”, na hina hapfumela, kutani hikolaho ka svona havulavula;

Vaefesa 2:8

Hikuva hi tona timpsalu ta Xikwembu leti timiponiseke, hikolaho ka kupfumela; kutani lesvi asvihumi ka n'wina, kambe i nyiko ya Xikwembu.

1 Vakorinto 13:2

Ni loko kumbe nili ni nyiko ya kuprofeta, nili ni kutwisisa svihundla hinkwasvu ni vutivi hinkwabzu, ni loko nili ni kupfumela hinkwaku, nikondza nikunula tintshava, kambe ningali na rirhandzu, ani nchumu.

Vaheveru 11:33

Vanhu lava, hi mhaka ya kupfumela, vahlulile matiko; vayavanyisile hi kululama, vakumile lesvi avatshembisiwile svona; vapfalile milomo ya tinghonyama.

1 Vakorinto 12:30

kumbe lava vanga ni nyiko yohanyisa, kumbe lavavulavulaka hi tindzimi letingativiwiki ke? Xana hinkwavu hi lavahlamuselaka tindzimi leti ke?

1 Vakorinto 12:28

Kutani kusunguleni Xikwembu xivekile vapostola kerekeni, ndzhaku kuta vaprofeta, kutlhantama vajondzisi; kutani kuta lavayendlaka mahlori, ni lava vanga ni nyiko ya kuhanyisa vanhu, ni lavatirhaka svopfuna van'wana, ni lavanyikiweke kufambisa mintirho, ni kuvulavula hi tindzimi letingativiwiki ta tinxakaxaka.

Marka 16:18

vatakhoma tinyoka hi mavoko; kutani hambi vanganwa lesvidlayaka, svingakala svingavayendli nchumu; vatatlhanteka mavoko ka lavavabzaka, vavahanyisa.”

Timhaka 5:15

kukondza kufika laha vavabzi vatisiwaka mintsendzeleni, vavekiwa masangwini ni le tinhlakeni, lesvaku loko Petrosi ahundza, van'wana va vona vatakhumbiwa hambi kuli hi ndzhuti wa yena ntsena.

Luka 10:9

hanyisani timbabzi takona, miku ka tona: “Mfumu wa Xikwembu wutshinelile ka n'wina.”

Luka 9:2

Kutani avarhuma kuyapaluxa Mfumu wa Xikwembu ni kuhanyisa timbabzi.

Marka 6:13

vahlongola madimoni lawa yotala, vatota timbabzi letotala hi mafurha, vavahanyisa.

Matewu 21:21

Yesu avahlamula aku: “Nitiyisile nili ka n'wina: Loko mili ni kupfumela mingakanakani, amingayendli ntsena lesviyendliweke ka nkuwa lowu, kambe ni loko miku ka ntshava leyi: ‘Suka, uyatihoxa lwandle!’ Svitayendleka;

Matewu 10:8

Hanyisani lavavabzaka, mipfuxa vafi, mibasisa va nhlokonho, mihlongola madimoni. Minyikiwile mahala; na n'wina, nyikani mahala.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.