1 Vakorinto 12:3 - Testamente Leyimpsha Xichangana

³ Hikolaho, namitsundzuxa nili, munhu lweyi afambisiwaka hi Moya wa Xikwembu, angakala angavuli aku: “Yesu aarhukiwe!” Nasvona aku na munhu lweyi angavulaka aku: “Yesu i Hosi!” Loko angali lweyi afambisiwaka hi Moya Lowokwetsima.

BIBELE Mahungu Lamanene

³ Hikokwalaho, ndza mi tsundzuxa ndzi ri, munhu la fambisiwaka hi Moya wa Xikwembu, a nga ka a nga vuli a ku: “Yesu a a rhukaniwe!” Naswona a ku na munhu la nga vulaka a ku: “Yesu i Hosi!” loko a nga ri la fambisiwaka hi Moya lowo Kwetsima.

Xitsonga (Bibele)

³ Hikwalaho ndzi mi ti visaka leswaku a ku na munhu la vulavulaka hi Moya wa Xikwembu, a ku: “Yesu i anathema.” Na swona a ku na munhu la nga tivaka ku vula a ku: “Yesu i Hosi,” loko ku nga ri hi Moya lowo Kwetsima.

1 Vakorinto 12:3 Referans Kwoze

2 Vakorinto 3:5

Hina hi hexe ahi na matimba yotirha ntirho lowu; hingakala hingahlayi lesvaku hi ni lexi xihumaka ka hina, kambe matimba ya hina mahuma ka Xikwembu.

Varhoma 10:9

Loko uvula hi nomo wa wena lesvaku Yesu i Hosi, ni loko upfumela mbilwini ya wena lesvaku Xikwembu ximupfuxile xikarhi ka vafi, utaponisiwa.

Yohane 13:13

Minivula ‘Mujondzisi’ ni ‘Hosi’; mivula, hikuva ni yena.

1 Vakorinto 8:6

kambe ka hina ku ni Xikwembu xin'we ntsena, Tatana lweyi svilo hinkwasvu svihumaka ka yena, na hina hihanyelaka yena; nasvona ku ni Hosi yin'we ntsena, Yesu Kriste lweyi hinkwasvu svitumbulukaka hi le ka yena, na hina hihanyaka hikolaho ka yena.

Yohane 15:26

“Siku kungatafika Muchaveleli lweyi ningatamurhumela yena ata hi le ka Tatana, anga Moya wa ntiyiso lowuhumaka ka Tatana, ataveka vumboni ha mina;

Matewu 22:43

Aku ka vona: “Loko svilitano, hikolaho ka yini Davhida lweyi avulavulaka hi Moya, amuvitana Hosi, loko aku:

Marka 9:39

Kambe Yesu aku: “Mingatshukeni mimusivela, hikuva aku na munhu lweyi angavulaka svobiha hi mina, ni kuyendla mahlori hi vito ra mina.

1 Vakorinto 16:22

Loko munhu angarhandzi Hosi, aave xirhukweni! “Maranatha! Tana, Hosi!”

2 Vakorinto 11:4

Hikuva loko kufika mun'wana, amijondzisa ta Yesu mun'wana, angali yena lweyi himijondziseke ta yena, kumbe loko miyamukela moya wun'wana, wungali wona lowu miwuyamukeleke, kumbe evhangeli yin'wana, yingali yona leyi miyiyamukeleke ka hina, mitwanana na svona hi ndlela yohlamalisa.

Varhoma 9:3

Hikuva anitanavela, mina hi xiviri xa mina, kuva lweyi acukumetiwaka, nihambanisiwa na Kriste hikolaho ka vona lava vanga va rixaka ra ka hina hi kuvelekiwa.

Nhlavutelo 1:10

Kutani, hi siku ra Hosi, anikumeka Moyeni, ni twa rito lerihuwelelaka hi le ndzhaku ka mina, ripfuma kufana ni mhalamhala,

Vagalatiya 3:13

Kriste ahiponisile khombzeni ra xirhuko xa Nawu, hi kutiyendla lweyi arhukiweke hikolaho ka hina, hikuva Matsalwa mali: “Akurhukiwe mun'wana ni mun'wana lweyi ahayekiweke mhandzeni.”

Yohane 13:14

Kutani-ke loko mina, Hosi ya n'wina ni Mujondzisi wa n'wina, nimihlampsile milenge, na n'wina mitafanela kuhlampsana milenge,

Timhaka 8:37

Filipi aku: “Loko upfumela hi mbilu ya wena hinkwayu, ungakhuvuliwa.” Ahlamula aku: “Napfumela lesvaku Yesu Kriste i N'wana wa Xikwembu.”]