1 Vakorinto 12:10 - Testamente Leyimpsha Xichangana

¹⁰ mun'wana anyikiwa matimba ya kuyendla mahlori, mun'wana matimba ya kuprofeta; mun'wana akota kuvona kuhambana mahlweni ka mimoya; mun'wana anyikiwa kuvulavula hi tindzimi letingativiwiki ta tinxakaxaka, mun'wana matimba ya kuhlamusela tindzimi leti.

BIBELE Mahungu Lamanene

¹⁰ un'wana ú nyikiwa matimba yo endla mahlori, un'wana matimba yo vula Rito; un'wana ú kota ku vona ku hambana exikarhi ka mimoya; un'wana ú nyikiwa ku vulavula hi tindzimi leti nga tiviwiki ta tinxaka-xaka, un'wana matimba yo hlamusela tindzimi leti.

Xitsonga (Bibele)

¹⁰ un'wana u nyikiwa mitirho ya masingita; un'wana u nyikiwa ku profeta; un'wana ku avanyisa mimoya; un'wana u nyikiwa ku tiva tinxaka ta tindzimi; un'wana u nyikiwa ku hlamusela tindzimi.

1 Vakorinto 12:10 Referans Kwoze

1 Vakorinto 14:39

Hikolaho vamakwerhu, chivirikelani kuva ni nyiko ya kuprofeta, nasvona mingasiveleni lavavulavulaka hi tindzimi letingatwisisiwiki.

1 Yohane 4:1

Varhandziwa, mingapfumeleni ka mimoya hinkwayu, kambe kambisisani mimoya kutiva lesvaku hakunene i ya Xikwembu; hikuva vaprofeta va mavunhwa vahangalakile misaveni.

Marka 16:17

Mahlori lamangatayendliwa hi lavapfumelaka hi lawa: Hi vito ra mina vatahlongola madimoni; vatavulavula tindzimi letimpsha;

Vagalatiya 3:5

Xana lweyi amiyavelaka Moya, atlhela ayendla svihlamaliso xikarhi ka n'wina, asviyendla hi mhaka ya lesvi mihlayisaka Nawu, kumbe hi lesvi mipfumeleke Evhangeli, siku leri mingayitwa, ke?

Marka 16:20

[Loko vali vona, vasuka vafamba, vayahuwelela Evhangeli hinkwaku, Hosi yilikarhi yitirhisana na vona, yitiyisa marito ya yona hi mahlori lawa amahumelela nkarhini wolowo.]

Nhlavutelo 2:2

Nitiva mintirho ya wena, ni kutikarhata ka wena, ni kutiyisela ka wena. Nitiva lesvaku awukoti kutwanana ni vanhu lavohomboloka; nasvona uxiyaxiyile svinene lavativulaka vapostola, na vangali vona, kutani usvivonile lesvaku vahemba.

1 Vatesalonika 5:20

Mingasandzeni vuprofeta,

1 Vakorinto 13:8

Rirhandzu ariheli ni siku ni rin'we. Loko bzili vuprofeta bzitahundza; na tona tindzimi titahela; hambi bzili bzona vutivi bzitahundza.

Varhoma 15:19

hi matimba ya mahlori ni svihlamaliso, ni matimba ya Moya; hi ndlela yoleyo, nihaxile Evhangeli ya Kriste matlhelweni hinkwawu, kusukela le Yerusalema, kuyafika le Ilirika;

Varhoma 12:6

Hikolaho, lesvi hinga ni tinyiko letihambaneke, hi kuya hi lesvi Xikwembu xihinyikeke svona, hikokolaho loko hili ni nyiko ya kuprofeta, ahiyitirhiseni hi mpimo wa kupfumela ka hina;

Timhaka 19:6

Pawulo avatlhanteka mavoko, kutani Moya Wokwetsima wuta henhla ka vona; vavulavula hi tindzimi, na vali karhi vaprofeta.

Timhaka 11:28

Mun'we wa vona, lweyi avaku i Agabo, asuka ayima, ativisa hi matimba ya Moya lesvaku ndlala leyikulu yitawa misaveni hinkwayu (kunene yihumelele nkameni wa hosi Klawudiyo).

Timhaka 5:3

Hi loko Petrosi aku ka yena: “Ananiya, hikolaho ka yini upfumelela Sathana kunghena mbilwini ya wena, lesvaku uhembela Moya Wokwetsima, ni kutipambulela hi tlhelo ka nxavu wa nsimu xana?

Timhaka 1:8

kambe mitanyikiwa matimba, siku leri Moya Wokwetsima wungatata henhla ka n'wina; kutani mitava timboni ta mina kola Yerusalema, ni le tikweni hinkwaru ra Yudeya, ni ra Samariya, ni kuyafika magan'wini ya misava.”

Yohane 16:13

Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

Yohane 14:12

“Nitiyisisile nili ka n'wina: Lweyi apfumelaka ka mina, na yena atayendla mintirho leyi niyiyendlaka; atayendla nileyitlulaka leyi, hikuva niya ka Tatana.

Luka 24:49

Loko ali mina, nitamirhumela lesvi Tatana wa mina amitshembiseke svona. Kambe n'wina tshamani kola doropeni, mikondza mifunengetiwa hi matimba ya le henhla.”

Vaheveru 2:4

Xikwembu na xona axilikarhi xitiyisa vumboni bzakona hi kuyendla svikombiso ni svihlamaliso ni mahlori ya tinxakaxaka, ni kuyavela tinyiko ta Moya Lowokwetsima hi kurhandza ka xona.

Timhaka 11:27

Masikwini walawo, vaprofeta vangirimela hi le Yerusalema, vata Antiyoka.

1 Vakorinto 11:4

Wanuna mun'wana ni mun'wana lweyi akhongelaka, kumbe lweyi aprofetaka na atifunengetile nhloko, asolisa Kriste lweyi anga nhloko ya yena.

1 Vakorinto 14:13

Hikolaho, lweyi avulavulaka hi ririmi leringativiwiki, aakhongele lesvaku akota kurihlamusela.