1 Vakorinto 10:14 - Testamente Leyimpsha Xichangana

¹⁴ Hikolaho, vamakwerhu lavarhandzekaka, chavani kugandzela svikwembu sva hava.

BIBELE Mahungu Lamanene

¹⁴ Hikokwalaho, vamakwerhu lava rhandzekaka, chavani ku phahla swikwembu swa hava.

Xitsonga (Bibele)

¹⁴ Hikwalaho, varhandziwa va mina, chavani ku gandzela swifaniso.

1 Vakorinto 10:14 Referans Kwoze

Nhlavutelo 21:8

Kambe loko mali matoya ni lavayalaka kupfumela ni lavayendlaka sva manyala, ni vadlayi ni vawosvi ni valoyi ni lavagandzelaka svikwembu sva hava ni vahembi hinkwavu, makumu ya vona kutava kuhoxiwa tiveni leripfurhaka ndzilo ni xivavula, ringa rona rifu ra vumbirhi.

1 Yohane 5:21

Vananga, fularhelani svikwembu sva hava.

1 Petro 2:11

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina.

Nhlavutelo 22:15

Lava vasalaka handle ka doropa hi lava vayendlaka lesvobiha, ni valoyi, ni vawosvi, ni vadlayi, ni lavagandzelaka svikwembu sva hava, ni hinkwavu lavatsakelaka vunhwa ni kuhanya ha rona.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

2 Vakorinto 6:17

Hikolaho, Hosi yili: “Humani xikarhi ka vona, mihambana na vona; mingatshukeni mikhumba lesvinyameke, kutani nitamiyamukela.

Nhlavutelo 13:8

Kutani vayaki hinkwavu va laha misaveni vataxigandzela; vanga lava mavito ya vona mangatsaliwangiki ka Buku ya Xinyempfana lexi xingadlawa kusukela kutumbulukeni ka matilo ni misava.

Nhlavutelo 2:14

Kambe, ku ni svilo svingali svingani lesvi univilelisaka hi svona: Hi lesvaku ku ni van'wana lava unga na vona kolaho, lavakhomeleleke jondzweni ya Balamu, lweyi akuceteleke Balaka kurhiya mintlhamu mahlweni ka Vaisrayele, lesvaku vaja svakuja sva timhamba lesvihumeseliweke svikwembu sva hava, vayendla ni vuwosvi.

1 Vakorinto 10:7

Mingaveni vanhu lavagandzelaka svikwembu sva hava, kukotisa van'wana va vona. Hilaha Tsalwa rivulaka hakona riku: “Vanhu vatshamile hansi vaja ni kunwa, kutani vasungula kucina.”

2 Vakorinto 11:11

Hikolaho ka yini ke? Xana hi lesvi ningamirhandziki? Rirhandzu ra mina ka n'wina ritiva hi Xikwembu.

Varhoma 12:19

Varhandziwa, mingatshukeni mitirihisela mili n'wina; kambe tshikelani vukarhi bza Xikwembu, hikuva kutsaliwile vaku: “Kurihisa i ka mina; hi mina lweyi ningatarihisela, kuvula Hosi.”

Vafilipiya 4:1

Hikolaho vamakwerhu, n'wina lava nimirhandzaka ni kunavela kumivona, n'wina lava minga kutsaka ka mina ni hari ya nhloko ya mina, yimani na mitiyile Hosini hi ndlela yoleyo, varhandziwa vanga.

2 Vakorinto 12:15

Loko nilimina, nitanyiketa sva mina hi kutsaka, nasvona nitatinyiketa hi xiviri xa mina kumipfuna; lesvi nimirhandzaka kutlula mpimo, xana mina nifanele kurhandziwanyana ntsena ke?

Filemoni 1:1

Pawulo mubohiwa hikolaho ka Kriste Yesu, ni makwerhu Timotewu, ka Filimoni lweyi arhandzekaka ni mupfuni wa hina,

2 Vakorinto 12:19

Nkarhi hinkwawu lowu, mipimisa lesvaku hi ringeta kutisasekisa mahlweni ka n'wina. Ahi svona! Hivulavula mahlweni ka Xikwembu, na hili va ka Kriste. Hinkwasvu lesvi, varhandziwa, i sva kumiyaka.

Timhaka 15:20

“kambe ahivatsaleleni papela, hivabzela kutshika svakuja lesvinyamisiweke hi kuhumeseliwa svikwembu sva hava, vatshika ni vugelegele vangaji lesvi vanhu vasvidlayeke hi kusvitlimba minkolo, ni ngati vangaji”;

1 Vakorinto 5:11

Lesvi animitsalela svona hi lesvaku mingatolovelani ni lweyi avuliwaka “makwerhu” kasi i muwosvi, kumbe i munhu wophanga ni makolo, kumbe i mugandzeli wa svikwembu sva hava, kumbe i murhuketeli, kumbe i xidakwa, kumbe i muyivi; munhu wofana ni lweyo, hambi kuli kuja, mingajeneni na yena.

1 Vakorinto 10:15

Nivulavula na n'wina kufana ni loko mili vanhu lava vanga ni kutwisisa; ringanisani hi n'wexe lesvi nisvivulaka.

1 Vakorinto 10:19

Xana hi marito lawa, nilava kuvula yini ke? Xana nili svakuja lesvihumeseliweke svikwembu sva hava svi ni nchumu wun'wana ka svona ke? Hambi svili svikwembu svakona, xana svi ni nchumu wun'wana ka svona ke?

Vaheveru 6:9

Ni loko hivulavulisa svosvo, ahikanakani hi tlhelo ra n'wina, varhandziwa, hikuva mitiva lesvinga svinene kutlula svin'wana, lesvi svingamifikisaka kuponisiweni.