1 Vakorinto 10:13 - Testamente Leyimpsha Xichangana

¹³ Amisihumeleliwa hi ndzingo lowutlulaka matimba ya munhu. Xikwembu xatshembeka, xingakala xingapfumeli lesvaku mihlangana ni ndzingo lowu wumihlulaka; loko wutshuka wumitela, xona xitaminyika matimba ya kutiyisela, mikondza mihuma ka wona.

BIBELE Mahungu Lamanene

¹³ A mi si humeleriwa hi miringo leyi tlulaka matimba ya munhu. Xikwembu xa tshembeka, xi nga ka xi nga pfumeri leswaku mi hlangana ni ndzingo lowu wu mi hlulaka; loko wu tshuka wu mi tela, xi ta mi nyika matimba ya ku tiyisela, mi ko mi huma eka wona.

Xitsonga (Bibele)

¹³ A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

1 Vakorinto 10:13 Referans Kwoze

2 Petro 2:9

Lesvi svihlaya lesvaku Hosi yasvitiva kuponisa vanhu va vukhongeli kukarhatekeni ka vona, ni kutshika vanhu lavohomboloka na vali kubiweni kufikela siku ra kuyavanyisa,

2 Timotiya 4:18

Hosi yitaniwutla ni le kubiheni hinkwaku, yiniponisa lesvaku nitakuma Mfumu wa yona wa le matilweni, ka yona akuve kudzuneka hilaha kungaheliki. Amen.

2 Vatesalonika 3:3

Kambe Hosi yatshembeka: Yitamitiyisa ni kumisirhelela ka lweyi wobiha.

Vaheveru 12:4

Akulweni ka n'wina ni vujoho, amisilwa mikondza mihalata ngati.

1 Vatesalonika 5:24

Lweyi amivitanaka watshembeka, kutani atasviyendla.

Luka 22:46

Kutani aku ka vona: “Hikolaho ka yini miyetlela xana? Pfukani, mikhongela, lesvaku mingangheni miringweni.”

2 Vakorinto 1:10

Xihiponisile makhombzeni lawa yotanu lawa mavangaka rifu, kutani xitayengeta xihiponisa ka wona. Hivekile kutshemba ka hina ka xona, kutani xahatahiponisa,

Nhlavutelo 3:10

Lesvi ungahlayisa rito ra mina ra lesvaku ufanela kutiyisela, na mina nitakusirhelela nkarhini wa ndzingo lowu wungatata misaveni hinkwayu, kutaringa vayaki va misava.

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.

1 Petro 4:19

Hikolaho, lavatwisiwaka kuvava hilaha Xikwembu xirhandzaka hakona, avayendle lesvi sva kululama, kutani vaveka mimoya ya vona mavokweni ya Muvumbi lweyi atshembekaka.

1 Yohane 1:9

Kambe loko hitisola svijoho sva hina, xona xitshembekile, nasvona xilulamile akuva xihirivalela svijoho sva hina, ni kuhibasisa xihisusela kuhomboloka hinkwaku.

1 Vakorinto 1:9

Xikwembu xatshembeka, xona lexi ximivitaneleke kuva miva ni kuhlangana ni N'wana wa xona Yesu Kriste, Hosi ya hina.

Vaheveru 11:11

Hi kupfumela, Sara hi xiviri asvikotile kuxurha nyimba hambilesvi aali mhika, na ahundzeliwile hi nkarhi, hikuva ativile lesvaku lweyi amutshembiseke watshembeka.

Vaheveru 10:23

Ahikhomeni svitiya kulanguteleni loku hikutwalisaka, na hingakanakani, hikuva lweyi ahitshembiseke watshembeka.

Luka 11:4

hirivalele svijoho sva hina, hikuva na hina hirivalela mani na mani lweyi anga ni nandzu ka hina; ungahiyisi miringweni.’”

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

Nhlavutelo 19:11

Ndzhaku ka svona, nivona tilo ripfuliwile, kan'wekan'we, kuvoneka hanchi robasa. Lweyi agadeke rona, mavito ya yena vali i “Mutshembeki” ni “Ntiyiso”. Ayavanyisa ni kulwa hi kululama.

Luka 16:26

Handle ka lesvi hinkwasvu, ku ni khele lerikulu rokala makumu, leriyahlameke xikarhi ka hina na n'wina, lesvaku lavanavelaka kusuka halenu, vata koseyo ka n'wina vangasvikoti; na vona lavanga koseyo ka n'wina loko vanavela kuta halenu, vatsandzeka.’

Timhaka 27:44

van'wana yivabzela kutipfuna hi timhandze, van'wana hi mapulangu ya ngalawa; kutani hi mukhuva wolowo vafika ribuweni na vaponile hinkwavu.

Matewu 6:13

ungahitshiki hiwela amiringweni, kambe hiponise ka lesvobiha, [hikuva kufuma, ni matimba, ni kutwala, i sva wena hi masiku ni masiku. Amen.]