1 Vakorinto 1:21 - Testamente Leyimpsha Xichangana

²¹ Hikuva, vutlharini bza xona, Xikwembu xiyendlile lesvaku vanhu va misava, hi vutlhari bza vona, vatsandzeka kuxitiva. Kutani svitsakisile Xikwembu kuponisa lavapfumelaka, hi kutirhisa lesvi vanhu vango i “vuhunguki”, loko hipaluxa Rito.

BIBELE Mahungu Lamanene

²¹ Hikuva, evutlharini bya xona, Xikwembu xi endlile leswaku vanhu va misava, hi vutlhari bya vona, va tsandzeka ku xi tiva. Kutani swi tsakisile Xikwembu ku ponisa lava pfumelaka, hi ku tirhisa swo sweswi vanhu va nge i “vuhunguki”, loko hi twarisa Rito.

Xitsonga (Bibele)

²¹ Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

1 Vakorinto 1:21 Referans Kwoze

Luka 10:21

Nkarhini wolowo Yesu adzunisa hi matimba ya Moya Lowokwetsima, aku: “Naku khensa Tatana, Hosi ya tilo ni misava, hikuva timhaka leti, utifihlile ka tintlhari ni ka lavajondzeke, kambe utikombisa ka svivanana lesvitsongo. Ina, Tatana, hikuva loku kuvile kurhandza ka wena.

Matewu 11:25

Nkarhini wolowo Yesu avulavula aku: Nakukhensa Tatana, Hosi ya tilo ni misava, hikuva timhaka leti, utifihlele lava votlhariha, ni lava va vutivi, kambe utitivisile ka lavatsongo.

Vaefesa 3:10

lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

1 Vakorinto 1:24

kambe ka lavavitaniweke, hambi vali Vayuda, hambi vali Vagirika, Kriste i matimba ya Xikwembu ni vutlhari bza xona.

Varhoma 1:28

Kutani lesvi vanhu lava vangayala kutiva nchumu hi tlhelo ra Xikwembu, Xikwembu xivanyiketile kupimiseni lokungalavekiki, vakondza vayendla ni lesvingafaneliki.

Varhoma 11:33

Vukosi bza Xikwembu, ni vutlhari bza xona, ni vutivi bza xona, ahikuyeta ka svona! Makungu ya xona mangapimisiwa kuyini, ni tindlela ta xona tingatwisisiwa kuyini xana?

Luka 12:32

“Ungachavi wena ntlhambinyana, hikuva Tatana wa n'wina atsakele kuminyika Mfumu.

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

1 Vakorinto 1:18

Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

1 Vakorinto 1:23

kambe loko ali hina hitwalisa Kriste lweyi avambiweke, lweyi anga xikhunguvanyiso ka Vayuda ni vuhunguki ka vamatiko;

1 Vakorinto 1:25

Hikuva lesvi vanhu vango i “vuhunguki bza Xikwembu”, svi ni vutlhari kutlula vutlhari bza vanhu, ni lesvi vango i “kutsana ka Xikwembu”, svi ni matimba kutlula matimba ya vanhu.

1 Vakorinto 1:27

kambe Xikwembu xihlawulile lesvi misava yisvivonaka svili “sva vuhunguki”, kukhomisa tingana tintlhari. Xikwembu xihlawulile lesvi misava yisvivonaka svili ni gome, kukhomisa tingana lesvinga ni matimba.

1 Vakorinto 2:14

Munhu lweyi angaliki na Moya wa Xikwembu, angayamukeli sva Moya Lowokwetsima, hikuva ka yena i vuhunguki; kutani wahluleka kusvitwisisa, hikuva svifanele kuyanakanyiwa hi Moya.

1 Vakorinto 4:10

Anili, mili hi svihunguki hina hikolaho ka Kriste, kambe n'wina mi vanhu va vutlhari ka Kriste! Anili, mili hina ahi na ntamu, n'wina mi na wona; anili, mili n'wina machaviseka ngopfu, hina hasoleka!

1 Vakorinto 6:2

Xana amisvitivi lesvaku vakwetsimi va Xikwembu vatayavanyisa misava ke? Kutani loko misava yiyavanyisiwa hi n'wina, xana asvimilulamelanga kuyavanyisa mintengonyana leyitsongo ke?

1 Vakorinto 11:32

kambe lesvi hiyavanyisiwaka hi Hosi, holayiwa lesvaku hitakala hingayavanyiseliwi makumu svin'we ni vanhu va misava.

Vagalatiya 1:15

Kambe Xikwembu lexi xinihlawuleke na ningasi velekiwa, xinivitanile hi timpsalu ta xona;

Vagalatiya 4:8

Khale, loko mingasitiva Xikwembu, amili svikarawa mitirhela svikwembu lesvi hi ntumbuluku svinga sva hava.

Vaefesa 1:9

Xikwembu xiyendlile lesvi kusukela khale axilava kusviyendla ha Kriste: Xihitivisile kurhandza ka xona loku akufihliwile,

Vakolosa 1:19

Hikuva svitsakisile Xikwembu lesvaku kuhetiseka hinkwaku ka xona kutshama ka yena,

Vaheveru 1:14

Xana tintsumi hinkwatu ahi mimoya leyitirhelaka Xikwembu, leyirhumiweke kupfuna vanhu lavafanelaka kukuma kuponisiwa ke?

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.

Yakobo 5:15

kutani xikhongelo lexiyendliwaka hi kupfumela xitahanyisa muvabzi; Hosi yitamupfuxa, kutani loko ali ni svijoho lesvi asviyendleke, atarivaleliwa svona.

Yakobo 5:20

tsundzukani lesvi: Mani na mani lweyi avuyiselaka ndleleni mujohi lweyi aalahlekile, ataponisa moya wa munhu lweyo kufeni, kutani atafunengeta svijoho lesvotala.