1 Vakorinto 1:20 - Testamente Leyimpsha Xichangana

²⁰ Yi kwihi ntlhari ke? A kwihi mutsali xana? Lweyi atsakelaka kuphikizana ni van'wana hi sva misava leyi, a kwihi ke? Xana Xikwembu axikombanga lesvaku vutlhari bza misava leyi i vuhunguki ke?

BIBELE Mahungu Lamanene

²⁰ Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

Xitsonga (Bibele)

²⁰ U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?

1 Vakorinto 1:20 Referans Kwoze

Varhoma 1:22

Vali vatlharihile, kuve vahundzuke sviphukuphuku;

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”

1 Vakorinto 1:19

Hikuva kutsaliwile lesvaku: “Nitawonha vutlhari bza tintlhari, nibakanya vutivi bza tintivi.”

1 Vakorinto 2:6

Hambi svilitano, hivulavula hi sva vutlhari xikarhi ka lavakuleke moyeni, bzingali vutlhari bza minkama leyi, kumbe bza tihosi ta minkama leyi, hikuva va le kuhelisiweni;

Matewu 13:22

Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Timhaka 17:18

Kambe tintlhari tin'wana ta ntlawa wa Vaepikuro ni wa Svitoyika tikanetana na yena; van'wana vaku: “Xana munhu lweyi wa miharihari alava kuhibzela yini ke?” Van'wana vaku: “Ingi i mujondzisi wa ta svikwembu svin'wana.” Avavula svosvo, hikuva Pawulo aavabzela ta Yesu nitakupfuka kufeni.

Varhoma 1:20

Hikuva kusukela loko misava yitumbuluka, lesvingavonakiki sva Xikwembu, manga matimba ya xona lawa mangaheliki ni vukwembu bza xona, svavoneka svinene loko kutsundzukiwa mintirho ya xona; hi kolaho, vapfumala xotilandzula ha xona.

1 Vakorinto 1:26

Hikolaho vamakwerhu, yanakanyani lesvi amili xisvona loko mivitaniwa. Hi kuvona ka vanhu, lavatlhariheke, ni lavatiyeke, ni lavachavisekaka, avangatalanga xikarhi ka n'wina;

1 Vakorinto 1:27

kambe Xikwembu xihlawulile lesvi misava yisvivonaka svili “sva vuhunguki”, kukhomisa tingana tintlhari. Xikwembu xihlawulile lesvi misava yisvivonaka svili ni gome, kukhomisa tingana lesvinga ni matimba.

1 Vakorinto 1:28

Xikwembu xihlawulile lesvi misava yisvilangutelaka hansi ni kusvisola, lesvi ni kuva kona svingaliki kona, kuhelisa lesvinga kona,

1 Vakorinto 2:8

Aku na ni mun'we wa tihosi ta minkama leyi, lweyi abzitwisiseke; loko avabzitwisisile, ingi vangavambanga Hosi ya kudzuneka.

1 Vakorinto 3:18

Munhu angatshuki atixisa. Loko mun'we xikarhi ka n'wina ativona na ali lweyi atlhariheke hi kuya hi sva minkama leyi, aahundzuke xihunguki, lesvaku atava lweyi wotlhariha.

1 Vakorinto 6:2

Xana amisvitivi lesvaku vakwetsimi va Xikwembu vatayavanyisa misava ke? Kutani loko misava yiyavanyisiwa hi n'wina, xana asvimilulamelanga kuyavanyisa mintengonyana leyitsongo ke?

1 Vakorinto 11:32

kambe lesvi hiyavanyisiwaka hi Hosi, holayiwa lesvaku hitakala hingayavanyiseliwi makumu svin'we ni vanhu va misava.

Yakobo 4:4

N'wina vanhu va vuwosvi, xana amisvitivi lesvaku kurhandza sva misava svivula kulwa na Xikwembu xana? Hikolaho, lweyi atinyiketaka kurhandzeni ka sva misava, atiyendla nala wa Xikwembu.