1 Vakorinto 1:18 - Testamente Leyimpsha Xichangana

¹⁸ Jondzo ya xihambanu i vuhunguki ka lavalovaka; kambe ka hina lavaponisiwaka i matimba ya Xikwembu.

BIBELE Mahungu Lamanene

¹⁸ Dyondzo ya xihambano i vuhunguki eka lava lovaka; kambe eka hina lava ponisiwaka i matimba ya Xikwembu.

Xitsonga (Bibele)

¹⁸ Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

1 Vakorinto 1:18 Referans Kwoze

1 Vakorinto 2:14

Munhu lweyi angaliki na Moya wa Xikwembu, angayamukeli sva Moya Lowokwetsima, hikuva ka yena i vuhunguki; kutani wahluleka kusvitwisisa, hikuva svifanele kuyanakanyiwa hi Moya.

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

2 Vatesalonika 2:10

atatirhisa tindlela hinkwatu letobiha ta vukanganyisi henhla ka lavayaka kulahlekeni, vanga lava vangayamukelangiki ntiyiso hikuva avangawurhandzi, vayala ni kuponisiwa.

2 Vakorinto 4:3

Hikuva loko Evhangeli ya hina yifihlekile, yifihlekile ntsena ka lava vayaka kuloveni;

1 Vakorinto 1:21

Hikuva, vutlharini bza xona, Xikwembu xiyendlile lesvaku vanhu va misava, hi vutlhari bza vona, vatsandzeka kuxitiva. Kutani svitsakisile Xikwembu kuponisa lavapfumelaka, hi kutirhisa lesvi vanhu vango i “vuhunguki”, loko hipaluxa Rito.

1 Vakorinto 3:19

Hikuva vutlhari bza misava leyi i vuhunguki mahlweni ka Xikwembu. Kutsaliwile lesvi: “Xikwembu xiphasa tintlhari ka maqhinga ya tona.”

1 Vatesalonika 1:5

Hikuva Evhangeli ya hina, ayifikanga ka n'wina hi marito ntsena, kambe hi matimba, ni Moya Lowokwetsima, ni kukholwisa ka yona loku kuhetisekeke, tani hilaha mitivaka hakona lesvi hihanyisaniseke xisvona na n'wina.

1 Vakorinto 2:2

kambe nitilulamisile lesvaku, loko nili xikarhi ka n'wina, ningalavi kutiva svin'wana loko angali Yesu Kriste, yena Kriste lweyi avambiweke.

Timhaka 13:41

“‘Langutani n'wina vasandzi, hlamalani, miva milova, hikuva ni le kutirheni minkameni leyi ya n'wina; ntirho wakona amingawukholwi, loko vamitivisa wona.’”

Vaheveru 4:12

Hikuva Rito ra Xikwembu rahanya, nasvona ratirha, rikariha kutlula tlhari lerilotiweke matlhelo ha mambirhi, ritlhava rikondza rihambanyisa ahefemulo ni moya, ni marhambu ni mongo, hi rona leri yavanyisaka miyanakanyu ni makungu ya mbilu.

2 Vakorinto 10:4

Hikuva matlhari lawa hilwaka ha wona, ahilawa matirhisiwaka hi vanhu va misava, kambe mani matimba ya Xikwembu ya kuhirimuxa makhokholo;

1 Vakorinto 15:2

mikarhi miponisiwa hi yona, loko kunene mihlayisa vumboni bza mina ka yona, ni loko kupfumela ka n'wina, ka yona kungavanga ka hava.

Timhaka 17:32

Loko vatwa ta kupfuka ka vafi, van'wana vahleka, kambe van'wana vaku: “Hahatakutwa nakambe mhakeni leyi.”

Timhaka 17:18

Kambe tintlhari tin'wana ta ntlawa wa Vaepikuro ni wa Svitoyika tikanetana na yena; van'wana vaku: “Xana munhu lweyi wa miharihari alava kuhibzela yini ke?” Van'wana vaku: “Ingi i mujondzisi wa ta svikwembu svin'wana.” Avavula svosvo, hikuva Pawulo aavabzela ta Yesu nitakupfuka kufeni.

Timhaka 2:47

na vali karhi vadzunisa Xikwembu, vatsakeliwa hi tiko hinkwaru. Kutani siku rin'wana ni rin'wana Hosi ayiyengetela nhlengeletanu ya vona hi lava avali karhi vaponisiwa.

1 Vakorinto 4:10

Anili, mili hi svihunguki hina hikolaho ka Kriste, kambe n'wina mi vanhu va vutlhari ka Kriste! Anili, mili hina ahi na ntamu, n'wina mi na wona; anili, mili n'wina machaviseka ngopfu, hina hasoleka!

Vaheveru 12:2

Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.