1 Vakorinto 1:17 - Testamente Leyimpsha Xichangana

¹⁷ Kriste anirhumile, kungali kutakhuvula, kambe kupaluxa Evhangeli; na svona, kungali hi vutlhari kuvulavuleni, lesvaku xihambanu xa Kriste xingatshuki xihundzuka sva hava.

BIBELE Mahungu Lamanene

¹⁷ Kriste ú ndzi rhumile, ku nga ri ku ta khuvula, kambe ku ta twarisa Mahungu Lamanene; naswona, ku nga ri hi vutlhari eku vulavuleni, leswaku xihambano xa Kriste xi nga tshuki xi hundzuka swa hava.

Xitsonga (Bibele)

¹⁷ hikuva Kriste u ndzi rhumile, ku nga ri ku khuvula, kambe ku vula Evhangeli, ku nga ri hi vutlhari bya ku vulavula, leswaku xihambano xa Kriste xi nga tshuki xi endliwa swahava.

1 Vakorinto 1:17 Referans Kwoze

1 Vakorinto 2:1

Hikolaho vamakwerhu, mina loko nitile ka n'wina, anitanga hi kutiyendla lweyi ahlamalisaka hi kuvulavula kumbe hi vutlhari, nkarhi lowu nimitiviseke xihundla xa makungu ya Xikwembu;

1 Vakorinto 2:13

Lesvi, hi svona lesvi hivulavulaka hi svona, kungali hi marito lawa majondzisiweke hi vutlhari bza vanhu, kambe hi marito lawa majondzisiweke hi Moya, na hili karhi hihlamusela sva Moya ka lava vanga ni Moya.

2 Petro 1:16

Ahilandzanga svihitana svoyendliwa hi vutlhari, loko himitivisile ta kuhumelela ka Hosi ya hina Yesu Kriste hi matimba; hina hi timboni ta vukulukumba bza yena, lebzi hingabzivona hi mahlo.

2 Vakorinto 10:10

Mun'wana angavula aku: “Mapapela ya Pawulo matika, matlhava, kambe loko alixikarhi ka hina himuvona asolekile, nasvona asvitikombi lesvaku angava muvulavuli.”

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

Yohane 4:2

(hambilesvi aa ngali yena Yesu hi ntiyiso lweyi aakhuvula, kambe akukhuvula vajondzisiwa va yena).

2 Vakorinto 11:6

Ningava lweyi angaliki xivulavuli xotlhariha, kambe vutivi ni na bzona; himitivisile svilo lesvi hinkwasvu hi matlhelo hinkwawu, hilaha hi svikoteke hakona.

Timhaka 10:48

Kutani aleleta lesvaku vakhuvuliwa hi vito ra Yesu Kriste. Vona vamukombela lesvaku axwa na vona masiku mangali mangani.

Yohane 4:1

Kuteloko Hosi yitivile lesvaku vafarisi vatwile vanhu vaku: “Yesu atlula Yohani hi kukuma vajondzisiwa ni kukhuvula,”

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.