1 Vakorinto 1:10 - Testamente Leyimpsha Xichangana

¹⁰ Namikhongotela vamakwerhu, hi vito ra Hosi ya hina Yesu Kriste, nili: Twananani hinkwenu kuvulavuleni. Kungatshuki kuva ni kuhambana xikarhi ka n'wina, kambe mihlangana miva van'we kupimiseni ni le makungwini ya n'wina;

BIBELE Mahungu Lamanene

¹⁰ Ndza mi khongotela vamakwerhu, hi vito ra Hosi ya hina Yesu Kriste, ndzi ri: Twananani hinkwenu eku vulavuleni. Ku nga tshuki ku va ni ku avana exikarhi ka n'wina, kambe mi hlangana mi va van'we eku anakanyeni ne makungwini ya n'wina;

Xitsonga (Bibele)

¹⁰ Kambe ndza mi khongotela, vamakwerhu, hi vito ra Hosi ya hina Yesu Kriste, ndzi ri: Vulani mhaka yi ri yin'we: Ku hambana ku nga tshuki ku va kona exikarhi ka n'wina, ntsena mi hlangana eku anakanyeni kun'we, ni le ku ehleketeni kun'we;

1 Vakorinto 1:10 Referans Kwoze

1 Vakorinto 12:25

Xiyendle lesvaku kungavi na kuyavana mirini, kambe svirho hinkwasvu svitirhelana.

Varhoma 12:16

Hanyisanani hi moya wun'we; mingatshukeni minavela lesvitlakukeke, kambe mitolovelana ni lavatitsongahataka; mingativoneni na mili lava vatlhariheke.

2 Vakorinto 13:11

Svosvi-ke, vamakwerhu, nili: Salani! Vanani lavahetisekeke; yamukelani kuchaveleliwa; miva ni kuyanakanya kun'we; mihanya hi kurhula; kutani Xikwembu xa rirhandzu ni xa kurhula xitava na n'wina.

1 Vakorinto 11:18

Xorhanga: Nitwa lesvaku ku ni kuhambana xikarhi ka n'wina loko minghena tinhlengeletanu ta n'wina; mhaka leyi, hi tlhelo rin'wana nikholwa lesvaku yingava yona.

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

Varhoma 16:17

Namikhongelela vamakwerhu, nili: Mitivonela ka lavapfuxaka kuhambana, ni kukwatisana, lava vamihambukisaka tijondzweni leti mitikumeke; hambanani na vona;

2 Vakorinto 5:20

Hikolaho, hi varhumiwa va Kriste; Xikwembu hi xoxe xamikhongotela ha hina; hamikhongotela hi matimba hikolaho ka Kriste, hili:

1 Vakorinto 4:16

Hikolaho, namikhongotela lesvaku mitekelela mina.

Timhaka 4:32

Nhlengeletanu ya lava vapfumeleke ayili mbilu yin'we ni moya wun'we; akungali na munhu ni mun'we lweyi aavula lesvaku svilo lesvi anga na svona hambi xili xin'we xa svona, i sva yena ntsena; kambe svilo hinkwasvu avaku, i sva vona hinkwavu.

Yohane 17:23

Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.

1 Vatesalonika 5:13

mivaxixima svinene hi rirhandzu, hikolaho ka ntirho wa vona. Hanyani svin'we hi kurhula.

Varhoma 12:1

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

Yohane 10:19

Kuyavana kutlhela kuva kona xikarhi ka Vayuda hikolaho ka marito wolawo.

1 Petro 2:11

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina.

2 Timotiya 4:1

Mahlweni ka Xikwembu ni le ka Kriste Yesu lweyi angatayavanyisa lavahanyaka ni lavafeke, ni hikolaho ka kuhumelela ka Yesu ni Mfumu wa yena, na kukhongotela svinene nili:

Vafilipiya 3:16

Ntsena ahikhomeni svitiya ka lesvi hingafika ka svona.

2 Vakorinto 10:1

Mina Pawulo hanoxe, na mikhongotela hi musa ni vunene bza Kriste, mina Pawulo lweyi minge ni ntsongo loko nili xikarhi ka n'wina, kasi loko nili kule na n'wina mili ni nhenha!

Yohane 7:43

Hikolaho kupfuka kuyavana xikarhi ka xitshungu hi mhaka ya yena.

Marka 2:21

Aku na munhu lweyi arhungelaka xiziva leximpsha ka nguvu ya khale; hikuva loko ayendlisa svosvo xiziva leximpsha xitahandzula nguvu leyi ya khale, kutani kuhandzuka kakona kutaya kuyengeteleka.

Matewu 9:16

Aku na munhu lweyi arhungelaka xiziva xa nguvu xa ximpsha ka nguvu ya khale, hikuva xiziva xakona xitahandzula nguvu, kutani kuhandzuka kakona kutaya kuyengeteleka.

1 Timotiya 5:21

Mahlweni ka Xikwembu ni ka Kriste Yesu ni ka tintsumi letohlawuleka, nakukhongotela svinene kuhlayisa timfanelo leti, ungatekeli kuyavanyisa, nakona ungayi hi nghohe.

2 Vatesalonika 2:1

Loko tili ta kuvuya ka Hosi ya hina Yesu Kriste, ni ta kuhlengeletana ka hina, hiya ka yena, hamikombela hi matimba vamakwerhu:

Vagalatiya 4:12

Na mikombela vamakwerhu, hundzukani lavafanaka na mina, hikuva na mina nihundzukile lweyi afanaka na n'wina. Aminihoxelanga ha nchumu;

2 Vakorinto 6:1

Hina hitirhisanaka ni Xikwembu, ha mikhongotela nakambe, hili: Lesvi miyamukeleke timpsalu ta Xikwembu, mingatitshikeni tiwa!

Varhoma 15:30

Kutani na mikhongotela, vamakwerhu, hi Hosi ya hina Yesu Kriste ni rirhandzu ra Moya, lesvaku miniseketela hi matimba, mikhongelweni ya n'wina leyi minikhongelelaka ha yona ka Xikwembu

Yohane 9:16

Van'wana xikarhi ka vafarisi vaku: “Lweyi ayendleke svilo lesvi angahumi ka Xikwembu, hikuva anga na mhaka ni siku ra Savata.” Van'wana vaku: “Xana munhu wa mujohi angasvikotisa kuyini kuyendla mahlori lawa yotanu ke?” Kutani kuva ni kuyavana xikarhi ka vona.

Varhoma 1:13

Nilava lesvaku mitiva mhaka leyi, vamakwerhu: Minkama leyinyingi, nibohile makungu ya kuta ka n'wina, kutaringeta kuhundzula vanhu vangali vangani va ka n'wina lesvaku vapfumela, kukotisa lesvi nisviyendleke matikweni man'wana; kambe kufika svosvi nisiveliwile hi svin'wana.

1 Vakorinto 1:11

hikuva, vamakwerhu, nibzeliwile ta n'wina hi va ka Klowe, vaku kuphikizana ku kona xikarhi ka n'wina.

1 Vakorinto 3:3

hikuva mahali va nyama ntsena. Hikuva, loko mavondzo ni kuholova svili kona xikarhi ka n'wina, xana amifani ni vanhu ntsena ke? Xana amihanyi kufana na vona ke?

2 Vakorinto 13:9

Hitsakile loko hitsanile, ni loko n'wina mitiyile; kutani lesvi hisvikombelaka, hi lesvaku n'wina miva lavahetisekeke.

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

Marka 3:24

Nasvona, loko mfumu wuyavana hi le xikarhi, mfumu lowu awukoti kutiya.