1 Timotiya 6:17 - Testamente Leyimpsha Xichangana

¹⁷ Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

BIBELE Mahungu Lamanene

¹⁷ Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

Xitsonga (Bibele)

¹⁷ Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

1 Timotiya 6:17 Referans Kwoze

Timhaka 14:17

Hambi svilitano, axitshikanga kutikomba lesvi xinga svona, hi kuyendla lesvinene; ximinyikile timpfula tihuma tilweni, ni tinguva ta ntshovelo, ximiyandzisela ni svakuja, xitata timbilu ta n'wina hi kutsaka.”

1 Timotiya 4:10

Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

Matewu 19:23

Kutani Yesu aku ka vajondzisiwa va yena: “Nitiyisile nili ka n'wina: Svitanonon'hwa ka mufuwi kunghena Mfun'wini wa matilo.

Tito 2:12

tihijondzisa kutshika kusandza sva Xikwembu ni kunavela sva misava, kutani hihanya misaveni leyi hi kutikhoma, ni kululama, ni vukhongeli,

Vakolosa 3:16

Rito ra Kriste aritshame ka n'wina, riyandza. Jondzisanani, mikhongotelana hi vutlhari hinkwabzu, mitwalisa Xikwembu hi kuyimbelela tipisalma, ni tinsimu, ni kuyimbelela sva Moya, na mili karhi mikhensa timbilwini ta n'wina.

Luka 19:2

Doropeni lero akuli ni munhu lweyi avaku i Zakewu; aali murhangeli wa varhesisi, aafuwe ngopfu.

Varhoma 11:20

Hi svona; maphatluliwile hikolaho ka kukala kupfumela; kutani wena uyima na utiyile hikolaho ka kupfumela. Ungatshuki utikulisa ha svona, kambe chava!

2 Timotiya 4:10

Hikuva Demasi, hi kurhandza ngopfu sva misava leyi, anibalekile aya Thesalonika. Kreskene ayile Galatiya, na Tito ayile Dalmasiya.

1 Timotiya 6:13

Mahlweni ka Xikwembu lexinyikaka vutomi ka svilo hinkwasvu, ni le mahlweni ka Kriste Yesu lweyi avekeke vumboni lebzinene mahlweni ka Pontiyo Pilato, nakubzela nili:

1 Timotiya 1:3

Loko nahaya le Makedoniya, nikukhutazile kutshama le Efesa; ni svosvi nahahlaya svosvo, hikuva ku ni van'wana le Efesa lavajondzisaka mavunhwa; vabzele kuva vamatshika,

1 Vatesalonika 1:9

Vanhu lava hinkwavu varungula hilaha mihiyamukeleke hakona xikarhi ka n'wina, ni hilaha mingahundzuka hakona ka Xikwembu, mifularhela svikwembu sva hava, lesvaku mitirhela Xikwembu lexihanyaka, xa ntiyiso.

Vaefesa 5:5

Tivani mhaka leyi: Aku na munhu ni mun'we lweyi angatayaveliwa ndzhaka Mfun'wini wa Kriste ni wa Xikwembu, loko ahahanya hi vuwosvi, kumbe lweyi ayendlaka sva nsila, kumbe lweyi anga ni makwanga, hambi lweyi agandzelaka svikwembu sva hava.

Timhaka 17:25

nasvona axitirheliwi hi mavoko ya vanhu, ingi hi loko xingapfumala nchumu; hikuva hi xona lexinyikaka mun'wana ni mun'wana vutomi, ni kuhefemula, ni svilo hinkwasvu.

Timhaka 14:27

Akufikeni ka vona, vahlengeleta kereke, vavarungulela hinkwasvu lesvi Xikwembu xisviyendleke ha vona, ni hilaha xingapfulela vamatiko anyangwa yonghena kupfumeleni.

Marka 10:24

Vajondzisiwa vahlamala svinene hi marito ya yena. Kambe Yesu atlhela aku ka vona: “Vanakulorhi, svinonon'hwa ngopfu kunghena Mfun'wini wa Xikwembu.

Matewu 27:57

Kuteloko riya kupeleni, kuta mun'we wa mufuwi wa le Arimateya; vito ra yena aali Yosefa, nakona na yena aali mujondzisiwa wa Yesu.

Matewu 6:32

Hikuva svilo svosvo hinkwasvu svilaviwa hi vamatiko; kutani Tatana wa n'wina wa le tilweni wasvitiva lesvaku svilo lesvo hinkwasvu masvipfumala.

Tito 3:6

Xikwembu xichelile Moya lowu hi ntalu henhla ka hina ha Yesu Kriste Muponisi wa hina,

1 Timotiya 5:21

Mahlweni ka Xikwembu ni ka Kriste Yesu ni ka tintsumi letohlawuleka, nakukhongotela svinene kuhlayisa timfanelo leti, ungatekeli kuyavanyisa, nakona ungayi hi nghohe.

1 Timotiya 3:15

lesvaku loko nitshuka nihlwela, utasvikota kutiva hilaha munhu angahanyaka hakona loko ali njangwini wa Xikwembu, yinga kereke ya Xikwembu lexihanyaka, mhandze leyikulu ni xiseketelo xa lesvinga ntiyiso.

Matewu 12:32

mani na mani lweyi angatajohela N'wana-wa-Munhu hi kumusandza, atarivaleliwa; kambe lweyi angatajohela Moya Lowokwetsima hi kuwusandza, angakala angarivaleliwi, hambi kuli nkarhini wa svosvi, hambi kuli nkarhini lowutaka.

Luka 3:11

Ahlamula aku ka xona: “Lweyi anga ni mabanci mambirhi, aapambulele lweyi apfumalaka; ni lweyi anga ni svakuja, aayendlise svosvo na yena.”

1 Timotiya 6:9

Kambe lavanavelaka rifuwo, vawela ndzingweni, mintlhan'wini ya kunavela lesvotala lesvingapfuniki nchumu, kunga kunavela loku kudlayisaka vanhu, ni kuvapeta khombzeni ni le kuloveni.

2 Petro 1:11

Hi ndlela yoleyo, mitanyikiwa mfanelo hinkwayu ya kunghena Mfun'wini lowungaheliki wa Hosi ni muponisi wa hina Yesu Kriste.

Matewu 25:16

Lweyi anyikiweke titalanta ta ntlhanu, ahantla ayatibindzulisa, kutani akuma tin'wana ta ntlhanu.