1 Timotiya 6:12 - Testamente Leyimpsha Xichangana

¹² Lwana nyimpi leyinene ya kupfumela; khoma svitiya, vutomi lebzingaheliki, lebzi ungavitaniwa hikolaho ka bzona ni kuveka vumboni lebzinene henhla ka bzona, mahlweni ka vanhu lavotala lavangakutwa.

BIBELE Mahungu Lamanene

¹² Lwana nyimpi leyinene ya ku pfumela; tamela hi mandla mambirhi vutomi lebyi nga heriki, lebyi u nga vitaniwa hikwalaho ka byona ni ku veka vumbhoni lebyinene ehenhla ka byona, emahlweni ka vanhu lavo tala lava nga ku twa.

Xitsonga (Bibele)

¹² Lwana nyimpi leyinene ya ku pfumela, khoma vutomi lebyi nga heriki, lebyi u byi vitaneriweke, hilaha u nga tivula hakona hi ku tivula lokunene emahlweni ka timbhoni leto tala.

1 Timotiya 6:12 Referans Kwoze

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

1 Timotiya 1:18

Timotewu n'wananga, niveka milawu leyi mavokweni ya wena, hikuva utsundzuka lesvaku ku ni lavangaprofeta lesvi ungatava svona; marito lawa amakutiyise, utakota kulwa nyimpi leyinene,

2 Timotiya 4:7

Nilwile nyimpi leyinene, nihetile mpfhuka wa mina wa kutsutsuma, nihlayisile kupfumela.

Nhlavutelo 3:3

Svosvi-ke, tsundzuka lesvi usviyamukeleke ni kusvitwa; svihlayise, uva uhundzuka. Loko ungapfuki uhiteka, nitata kufana ni muyivi, kutani awungatawutiva nkarhi lowu ningatata ka wena ha wona.

1 Timotiya 6:13

Mahlweni ka Xikwembu lexinyikaka vutomi ka svilo hinkwasvu, ni le mahlweni ka Kriste Yesu lweyi avekeke vumboni lebzinene mahlweni ka Pontiyo Pilato, nakubzela nili:

1 Yohane 2:25

Lexi i xitshembiso lexi angahitshembisa xona; anga vutomi lebzingaheliki.

Vaheveru 6:18

Lesvaku, hi svilo svimbirhi lesvingacinciki, lesvi ka svona svingayendlekiki lesvaku Xikwembu xikumeka na xili muhembi. Kutani hina lava hitsutsumeleke kuyatumbela ka xona, hitiya nhlana svinene, hiyamukela hi mandla mambirhi kulangutela loku kuvekiweke mahlweni ka hina.

2 Timotiya 1:9

Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

Vakolosa 3:15

Kutani yendlani lesvaku kurhula ka Kriste kufuma timbilwini ta n'wina, kunga kurhula loku mivitaneliweke kona, mirini wun'we ntsena. Nasvona jondzani kukhensa.

1 Timotiya 6:19

Hi ndlela leyi vatihlengeletela xuma lexinene, lexitiyeke, xa minkama leyitaka, lesvaku vatayamukela vutomi bza ntiyiso.

Vaheveru 3:14

Hikuva hi ni kuyaveliwa ka Kriste ntsena loko hikhoma hitiya kuyisa makumu, kutshembeni ka hina loku kosungula,

1 Vatesalonika 2:12

hi mikhutazile, hi mitiyisile ni kumisusumeta lesvaku mihanya hi ndlela leyitsakisaka Xikwembu lexi ximivitanelaka kuyaveliwa kufuma ka xona ni kutwala ka xona.

1 Petro 3:9

Mingatlheliseleni vubihi hi vubihi, kumbe kurhuka hi kurhuka, kambe matshan'wini ya svosvo, katekisani, hikuva hi lesvi mingavitaneliwa kuyendla svona, lesvaku mitakuma nkateko na n'wina.

2 Vatesalonika 2:14

Xikwembu ximivitanele svona hi Evhangeli leyi himitiviseke yona, lesvaku miyaveliwa kukwetsima ka Hosi ya hina Yesu Kriste.

2 Vakorinto 9:13

Ntirho lowu i xikombiso xa kupfumela ka n'wina, kutani vadzunisa Xikwembu hikolaho ka svona: Evhangeli ya Kriste, miyipaluxile, mitlhela miyendla lesvi yihlayaka svona, loko mili karhi miyavelana ni vahlawuliwa hinkwasvu lesvi minga na svona, miyavela ni vanhu van'wana, hi kunyika lokukulu.

Vaheveru 13:23

Mifanela kutwisisa lesvaku Timotewu makwerhu ahumesiwile jele; loko ahantla afika, nitatamivona na nili na yena.

2 Vakorinto 6:7

na hivulavula ntiyiso, na hili ni matimba ya Xikwembu. Matlhari ya hina i kululama, himatamela hi voko ra xinene ni leri ra ximatsi.

Vafilipiya 1:30

Svosvi, n'wina na mina hilwa nyimpi yin'we leyi minivoneke nilwa yona, leyi mitwaka lesvaku nahalwa yona ni svosvi.

1 Timotiya 1:19

uhlayisa kupfumela hi ripfalu leritshunxekeke. Hi kudlaya mapfalu ya vona, van'wana valahlekeliwile hi kupfumela.

1 Timotiya 4:14

Ungatlangi hi nyiko leyi unga na yona, leyi uyikumeke siku leri vakulukumba vakutlhantekeke mavoko, vaprofeta lesvi ungatava svona.

2 Timotiya 2:2

Kutani lesvi usvitweke ka mina mahlweni ka timboni letotala, svihundzisele ka vanhu lavotshembeka, lava na vona vangatakota kujondzisa van'wana.

Yuda 1:3

Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.