1 Timotiya 5:17 - Testamente Leyimpsha Xichangana

¹⁷ Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

BIBELE Mahungu Lamanene

¹⁷ Endla leswaku vakulukumba lava tirhaka swinene ntirho wa vurisi va kombisiwa xichavo lexikulu, ngopfu-ngopfu lava tikarhataka ku twarisa Rito ni ku dyondzisa,

Xitsonga (Bibele)

¹⁷ Vakulukumba lava risaka swinene a va faneriwe hi ku dzunisiwa kambirhi; ngopfu lava tirhaka hi matimba eritweni ni le ku dyondziseni.

1 Timotiya 5:17 Referans Kwoze

Vaheveru 13:17

Yingisani varhangeli va n'wina, mititsongahata ka vona, hikuva vahitekela mimoya ya n'wina, kufana ni vanhu lavangatavutisiwa henhla ka yona. Mivona lesvaku valandza ntirho wa vona hi kutsaka, vangawuyendli hi kuvilela, hikuva loko vavilela, asvingamipfuni nchumu n'wina.

Vagalatiya 6:6

Lweyi ajondzisiwaka Rito, aapambulele mujondzisi wa yena svilo svosaseka hinkwasvu lesvi anga na svona.

Luka 10:7

Tshamani muntini wolowo, mija ni kunwa lesvi vaminyikaka svona, hikuva lweyi atirhaka alulameliwe hi hakelo ya yena. Mingafambeni hi munti ni munti.

Vaheveru 13:7

Yanakanyani vafambisi va n'wina, lavangamijondzisa rito ra Xikwembu; yehleketani vutomi bza vona ni makumu ya bzona, milandza ntila wa kupfumela ka vona.

2 Timotiya 2:6

Mutirhi lweyi atirheke hi matimba masin'wini, hi yena lweyi afanelaka kurhanga akuma mihandzu yakona.

Vafilipiya 2:29

Loko svilitano, muyamukeleni hi kutsaka hinkwaku kukota makwenu Hosini. Xiximani vanhu lavotano,

Varhoma 12:8

lweyi anga ni nyiko ya kukhongotela, aakhongotele; lweyi anyikaka, aanyike hi mbilu leyobasa; lweyi afambisaka van'wana, aavafambise hi kutivonela; lweyi ayendlaka mintirho ya timpsalu, aayiyendle hi kutsaka.

Timhaka 28:10

Vahikhensa hi kuhumesa tinyiko tinyingi; kutani siku leri hisukaka, vahilongelela lesvi hingatasvilava ariyendzweni.

2 Vakorinto 6:1

Hina hitirhisanaka ni Xikwembu, ha mikhongotela nakambe, hili: Lesvi miyamukeleke timpsalu ta Xikwembu, mingatitshikeni tiwa!

Varhoma 16:12

Nirunguleleni Trifena na Trifoza, vamamana lavatirhelaka Hosi. Nirunguleleni Persida, mamana lweyi arhandziwaka, lweyi atirheleke Hosi hi lesvinyingi.

Varhoma 15:27

Vatibohile hi ndlela yoleyo, kambe nasvona va ni timfanelo ka va le Yerusalema. Hikuva lesvi vamatiko vayaveliweke minkateko ya Moya leyinga ya Vayuda, na vona vafanele kutirhela Vayuda hi minkateko ya vona ya sva misava.

Vafilipiya 4:3

Nakukombela na wena mutirhikulorhi lweyi atshembekaka: Pfuna vamamana lava; vaniseketelile svinene ntirhweni wa Evhangeli, na vali na Klemente, ni vatirhikulorhi lavan'wana, lava mavito ya vona matsaliweke bukwini ya vutomi.

1 Vakorinto 16:16

Namikhongotela svinene kutiveka hansi ka vanhu lava, ni ka mun'wana ni mun'wana lweyi atinyiketeke kutirha ntirho wolowo, atikarhatela wona.

Timhaka 11:30

Kunene vayendlisa svosvo, kutani varhumela tinyiko takona ka vakulukumba, tifamba na Barnaba na Sawulo.

2 Timotiya 4:2

Chumayela Rito, uhiseka hi nkama wakona, hambi kuli handle ka nkama; kholwisa, ulaya ni kukhutaza; ungatsandzeki hi tlhelo ra kulehisa mbilu ni le kujondziseni.

1 Timotiya 4:16

Tikambisise hi wexe, ni jondzo leyi uyijondzisaka. Tiya ka svona, hikuva loko uyendlisa svosvo, utatiponisa ni kuponisa vayingisi va wena.

1 Timotiya 3:5

Hikuva loko munhu angakoti kufambisa njangu wa yena, atasvikotisa kuyini kufambisa kereke ya Xikwembu xana?

Vafilipiya 2:16

na mili karhi minamarhela Rito ra vutomi, kutani sikwini ra Kriste, nitakota kutidzunisa loko nikuma lesvaku kutikarhata ka mina ntirhweni wa mina akuvanga ka mahala.

Matewu 24:25

“Masvivo, nimitlharihisa ka timhaka leti, tingasihumelela;

Vaheveru 13:24

Rungulani varhangeli va n'wina hinkwavu ni vahlawuliwa va Xikwembu hinkwavu. Lava vahumaka tikweni ra Italiya vamirungula.

1 Timotiya 4:10

Hitirha svinene ni kutikarhatela svona, hikuva hivekile kutshemba ka hina ka Xikwembu lexihanyaka, lexinga muponisi wa vanhu hinkwavu, ngopfungopfu wa lavapfumelaka.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

Timhaka 20:35

Svilo hinkwasvu ni mikombisile, lesvaku hi kutikarhata hi ndlela leyi, hifanele kupfuna lavatsaneke, nasvona hitsundzuka marito ya Hosi Yesu, lawa angamahlaya hi xiviri xa yena loko aku: ‘Kunyika i nkateko lowutlulaka kunyikiwa.’”

Yohane 4:38

Mina nimirhumile kutshovela lomu n'wina mingatirhangiki kona; van'wana vatirhile, kasi n'wina misvikuma hi kutshovela, sva nyuku wa vona.”

Luka 12:42

Yesu ahlamula aku: “Xana i mani mulanguteli lweyi atshembekeke ni kululama, lweyi Hosi yimuvekeke lesvaku anyika svakuja svoringana ka vatirhi va yona?”

1 Timotiya 5:3

Xixima vafelakazi lavanga vona hi ntiyiso.

1 Timotiya 4:6

Loko uyandlala timhaka leti mahlweni ka vamakwerhu, utava nandza lwenene wa Kriste Yesu, utava lweyi awundliweke maritweni ya vupfumeli ni ya tijondzo letinene leti ufambeke ha tona.

1 Vakorinto 3:9

Hikuva hina hi vatirhikulobze ni Xikwembu, n'wina mi nsimu ya Xikwembu, mi yindlo ya Xikwembu.

1 Timotiya 4:14

Ungatlangi hi nyiko leyi unga na yona, leyi uyikumeke siku leri vakulukumba vakutlhantekeke mavoko, vaprofeta lesvi ungatava svona.

1 Timotiya 5:19

Ungayamukeli mhaka ya kumangalela mukulukumba, handle ka vumboni bza vanhu vambirhi kumbe vanharhu.