1 Timotiya 5:1 - Testamente Leyimpsha Xichangana

¹ Ungaholoveli xijuhati, kambe xikhutaze kufana ni tatana wa wena; ka majaha ufanele kumakhoma kufana ni vamakwenu vaxinuna.

BIBELE Mahungu Lamanene

¹ U nga holoveli munhu nkulukumba, kambe n'wi khongotele tanihi tata wa wena; vavanuna lavantshwa u fanele ku va khoma tanihi vamakwenu va xinuna.

Xitsonga (Bibele)

¹ U nga holoveri xidyuhati hi matimba, kambe u n'wi khongotela kukotisa loko a ri tata wa wena; lavantshwa, va khongotele kukotisa vamakwenu;

1 Timotiya 5:1 Referans Kwoze

Tito 2:2

Vavanuna lava vajuhaleke vafanela kutiva kutikhoma vava lava vaxiximekaka, vava ni kuyehleketa lokunene, vava ni rirhandzu ni kupfumela loku kuhanyaka ni kulehisa mbilu.

1 Petro 5:1

Svosvi-ke, ni khongotela vakulukumba lavanga mahlweni ka n'wina, lesvi na mina ninga mun'we wa vona; ningamboni ya kuvaviseka ka Kriste, ni lweyi atshembaka kuyaveliwa kukwetsima lokungatahumelela, kutani nili:

Vagalatiya 6:1

Vamakwerhu, loko mun'wana akumiwa na ali karhi ayendla xihoxo, n'wina lava minga va Moya, muvuyiseni hi moya wa musa. Ka mun'wana ni mun'wana wa n'wina, nili, tivonele lesvaku na wena ungaringiwi.

Tito 2:6

Hi mukhuva wolowo, khutaza majaha lesvaku makota kutikhoma.

Matewu 23:8

“Loko mili n'wina, mingatshukeni mitivitanisa hi vito ra ‘Mujondzisi’, hikuva Mujondzisi wa n'wina i mun'we ntsena; n'wina hinkwenu mi vamakwavu.

1 Timotiya 5:17

Yendla lesvaku vakulukumba lavatirhaka khwatsi ntirho wa vufambisi vaxiximiwa svinene, ngopfungopfu lavatikarhatelaka Rito ni kujondzisa,

Varhoma 13:7

Nyikani hinkwavu timfanelo ta vona; lweyi afanelaka kuyamukela rhesa, aanyikiwe; lweyi afanelaka nyiko, aanyikiwe, lweyi afanelaka kuxiximiwa, aaxiximewe; lweyi afanelaka kuchaviwa, aachaviwe.

Timhaka 15:4

Kuteloko vafikile Yerusalema, vayamukeliwa hi kereke ni vapostola ni vakulukumba; kutani vavarungulela hinkwasvu lesvi Xikwembu xisviyendleke ha vona.

Timhaka 14:23

Vavahlawulela vakulukumba akerekeni yin'wana ni yin'wana; kutani, hi kukhongela ni kutitsona svakuja, vavaveka mavokweni ya Hosi leyi avapfumelile ka yona.

Nhlavutelo 4:4

Xiluvelo axirhendzeliwile hi sviluvelo svin'wana sva makume mambirhi ni mune, na kutshamile vakulukumba va makume mambirhi ni mune ka svona, lava avayambele sviyambalu lesvobasa, na vali ni tihari ta golidi tinhlokweni.

3 Yohane 1:1

Mina mukulukumba nitsalela wena Gayo murhandziwa, lweyi mina nimurhandzaka hi ntiyiso.

2 Yohane 1:1

Mina mukulukumba nitsalela muhlawuliwa waxisati, ni vana va yena, lava mina nivarhandzaka hi ntiyiso, ingali mina ntsena, kambe ni hinkwavu lava vativaka ntiyiso.

Yakobo 5:14

Xana ku ni lweyi avabzaka xikarhi ka n'wina? Aavitane vakulukumba va kereke lesvaku vatamukhongelela, vamutota mafurha hi vito ra Hosi;

Yakobo 3:17

Kambe vutlhari bzota hi le henhla, bzi ni kurhula, ni kuwolova, ni kuyingiseta, bzitele musa ni mihandzu leyinene; kambe ngopfungopfu bzitengile; abziyi hi nghohe, kumbe kukanganyisa.

Timhaka 20:17

Loko Pawulo ali Mileto, arhumela rito le Efesa kuyavitana vakulukumba va kereke.

Timhaka 15:6

Kutani vapostola ni vakulukumba vahlengeletana kukamba mhaka leyi.

1 Timotiya 5:2

Vavasati lavajuhaleke uvalanguta kufana ni vamamana, ni vanhwanyana kufana ni vamakwenu vaxisati, hi ndlela ya kubasa matlhelo hinkwawu.