1 Timotiya 4:6 - Testamente Leyimpsha Xichangana

⁶ Loko uyandlala timhaka leti mahlweni ka vamakwerhu, utava nandza lwenene wa Kriste Yesu, utava lweyi awundliweke maritweni ya vupfumeli ni ya tijondzo letinene leti ufambeke ha tona.

BIBELE Mahungu Lamanene

⁶ Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

Xitsonga (Bibele)

⁶ Loko u hlamusela timhaka leti, u ta va nandza lonene wa Yesu Kriste, ni la kurisiweke hi marito ya ku pfumela, ni dyondzo leyinene, leyi u yi landzeleleke swinene.

1 Timotiya 4:6 Referans Kwoze

Vakolosa 3:16

Rito ra Kriste aritshame ka n'wina, riyandza. Jondzisanani, mikhongotelana hi vutlhari hinkwabzu, mitwalisa Xikwembu hi kuyimbelela tipisalma, ni tinsimu, ni kuyimbelela sva Moya, na mili karhi mikhensa timbilwini ta n'wina.

Tito 2:1

Kambe wena, ufanela kujondzisa lesvi jondzo leyinga yona ya ntiyiso yilavaka svona.

Vakolosa 4:7

Tikiko, makwerhu lweyi arhandzekaka, mutirhi lweyi atshembekeke ni mutirhikulorhi ntirhweni wa Hosi, atamitivisa timhaka hinkwatu ta mina, hilaha tiyimeke hakona.

Matewu 13:52

Aku ka vona: “Hilaha ninge: Mutsali mun'wana ni mun'wana lweyi ajondzisiweke hi ta Mfumu wa matilo, afana ni n'winyi wa yindlo lweyi ahumesaka vuhosini bza yena svilo lesvimpsha ni lesvi sva khale.”

Yuda 1:5

Hambilesvi mitivaka svinene timhaka leti, ninavela kumitsundzuxa lesvaku Hosi yiponisile Vaisrayele, yivahumesa tikweni ra Gibita, kambe ndzhaku ka svosvo, yihelisile lava vangapfumelangiki.

2 Yohane 1:9

Mani na mani lweyi ayaka mahlweni hi kutsandzeka, angatiyiseli jondzweni ya Kriste, anga Xikwembu; lweyi atiyiselaka jondzweni ya Kriste, lweyo ana Tatana ni N'wana.

1 Petro 2:2

Kufana ni vatsongwana lava vahakuvelekiwaka, mifanele kunavela ntswamba lowubaseke wa moya, lesvaku ha wona mitakota kukula miya kuponisiweni,

2 Timotiya 4:3

Hikuva nkama wata, lowu vanhu vangatakala vangayamukeli jondzo leyinga yona ya ntiyiso; kambe lesvi tindleve ta vona tinwayisaka, vatatihlengeletela vajondzisi lavangatavajondzisa lesvi vasvitsakelaka.

2 Timotiya 3:10

Svosvi-ke, ulandzelelile kujondzisa ka mina ni mahanyela ya mina, makungu ya vutomi bza mina ni vupfumeli bza mina, kulehisa ka mina mbilu, ni rirhandzu ra mina ni kutiyisela ka mina.

2 Timotiya 1:6

Hikolaho nakutsundzuxa kupfuxeta nyiko ya Xikwembu, leyinga ka wena, leyi uyikumeke siku leri nikutlhantekeke mavoko.

1 Timotiya 6:3

Loko munhu mun'wana ajondzisa svotiviwa hi yena, lesvihambaneke ni marito lawa mahanyaka ya ntiyiso ya Hosi ya hina Kriste Yesu, ni jondzo leyifambelanaka ni vukhongeli,

1 Timotiya 4:16

Tikambisise hi wexe, ni jondzo leyi uyijondzisaka. Tiya ka svona, hikuva loko uyendlisa svosvo, utatiponisa ni kuponisa vayingisi va wena.

1 Timotiya 1:10

ni vawosvi ni vavanuna lavativanaka hi xinuna kulobze, ni lavayivaka vanhu, ni vahembi, ni lava vokala vangavulavuli ntiyiso, ni lavayendlaka hinkwasvu lesvihambaneke ni jondzo leyinga yona ya ntiyiso.

1 Vatesalonika 3:2

Kutani hi mirhumele Timotewu makwerhu, lweyi atirhelaka Xikwembu kufana na mina ntirhweni wa Evhangeli ya Kriste; lesvaku atamitiyisa ni kumikhutaza kupfumeleni ka n'wina;

Vakolosa 2:19

munhu wotanu anganamarheli nhloko leyi ha yona miri hinkwawu wuphameliwaka ni kuhlanganisiwa svinene, hi minsiha ni tinyama ta wona, kutani wukula hi kukula loku kuhumaka ka Xikwembu.

Vafilipiya 3:16

Ntsena ahikhomeni svitiya ka lesvi hingafika ka svona.

Vaefesa 6:21

Tikiko, makwerhu lweyi arhandzekaka ni mupfuni lweyi atshembekeke ntirhweni wa Hosi, atamitivisa mahungu hinkwawu ya mina, lesvaku na n'wina mitativa hinkwasvu sva kuhanya ka mina ni lesvi nisviyendlaka.

2 Vakorinto 6:4

Timhakeni hinkwatu hitikombile na hili malandza ya Xikwembu hi kutiyisela ka hina lokukulu kuxanisekeni, ni le vusiwanini, ni le makhombzeni;

2 Vakorinto 3:6

Hi xona lexi xihinyikeke hinkwasvu lesvi ahisvipfumala, loko xihiyendlile malandza ya ntwananu lowumpsha, lowunga wa Moya, wungali wa milawu ya kutsaliwa; hikuva milawu ya kutsaliwa yadlaya, kambe Moya wona wahanyisa.

1 Vakorinto 4:17

Hi svona lesviyendlaka lesvaku nimirhumela Timotewu, n'wana wa mina lweyi nimurhandzaka, lweyi atshembekeke Hosini; atamitsundzuxa mahanyela ya mina ka Yesu Kriste, hilaha nijondzisaka hakona ka kereke yin'wana ni yin'wana.

Varhoma 15:15

Hambi svilitano, nitinyikile matimba kumitsalela hi timhaka tin'wana, kutamitsundzuxa ha tona; niyendlile svosvo hikolaho ka timpsalu leti Xikwembu xininyikeke tona,

Timhaka 20:35

Svilo hinkwasvu ni mikombisile, lesvaku hi kutikarhata hi ndlela leyi, hifanele kupfuna lavatsaneke, nasvona hitsundzuka marito ya Hosi Yesu, lawa angamahlaya hi xiviri xa yena loko aku: ‘Kunyika i nkateko lowutlulaka kunyikiwa.’”

Timhaka 20:31

Loko svilitano, lavelelani, mitsundzuka lesvaku, vusiku ni nhlekanhi, anirhutelanga kujondzisa hi minhloti mun'wana ni mun'wana wa n'wina, hi nkarhi woringana malembe manharhu.

Luka 1:3

hi kolaho ke, na mina nikambisisile timhaka leti hinkwatu kusukela masungulweni ya tona, kutani nivonile lesvaku svingasaseka loko nikulongoloxela tona hi kukutsalela, wena Teyofilo lweyi axiximekaka,

Timhaka 1:15

Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

2 Vakorinto 11:23

Xana i malandza ya Kriste? Na mina ni nandza wa yena, kutlula vona (nivulavula tani hi loko nili munhu wa rihuhe). Nixanisekile kuvatlula, hi kutirha svononon'hwa, ni kupfaleliwa majele, ni kubiwa kutlulisa mpimo, ni kuva kusuhi ni kudlayiwa minkama yotala.

Vafilipiya 2:20

Ani na mun'wana lweyi afanaka na yena, lweyi ahisekelaka kumipfuna hi mbilu hinkwayu ya yena.

Vafilipiya 2:22

Kambe kutshembeka ka Timotewu makutiva, ni hilaha angatirhisana na mina hakona ntirhweni wa Evhangeli, afana ni n'wana lweyi atirhaka svin'we ni tatana wa yena.