1 Timotiya 4:2 - Testamente Leyimpsha Xichangana

² ni hikolaho ka kukanganyisiwa hi vahembi lava vafeke mapfalu.

BIBELE Mahungu Lamanene

² ni hikokwalaho ka ku xiseteriwa hi vahembi lava mapfalo ya vona ma tlanyaleke.

Xitsonga (Bibele)

² hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

1 Timotiya 4:2 Referans Kwoze

Vaefesa 4:19

kutani avahali na tingana; vatinyiketile ka mikhuva ya manyala, vayendla sva nsila hinkwasvu, vangakoti kutikhoma.

Varhoma 16:18

hikuva lavotano avatirheli Hosi ya hina Kriste, kambe vatirhela kunavela ka vona ntsena; hi kunandzihisa marito ni kusasekisa mavulavulela, vahambukisa kuyehleketa ka lava vangativiki nchumu.

Timhaka 20:30

na svona, nitiva lesvaku kutahuma van'wana xikarhi ka n'wina lavangatahlaya mavunhwa kutilavela vajondzisiwa.

Nhlavutelo 16:14

Leyi i mimoya ya madimoni leyiyendlaka masingita, leyirhendzelekaka ka tihosi ta misava hinkwayu, yirhamba nyimpi, kuyalwa ni Xikwembu xa matimba hinkwawu hi siku lerikulu leritaka.

2 Timotiya 3:5

Vatatiyendla ongi hi loko vali ni vukhongeli, kambe vatayala matimba ya bzona. Fambela kule ni vanhu lavotano

Varhoma 1:28

Kutani lesvi vanhu lava vangayala kutiva nchumu hi tlhelo ra Xikwembu, Xikwembu xivanyiketile kupimiseni lokungalavekiki, vakondza vayendla ni lesvingafaneliki.

Matewu 24:24

Hikuva kutahumelela va kriste va mavunhwa, ni vaprofeta va mavunhwa, vatayendla mahlori lamakulu ni svihlamaliso, kukanganyisa hambi valivona vahlawuliwa va Xikwembu, loko svikoteka.

Matewu 7:15

Tivoneleni ka vaprofeta va mavunhwa lavataka ka n'wina na vayambalile svikhumba sva tinyempfu, kasi atimbilwini ta vona, i mahlolwa lawa malevaka.

Vaefesa 4:14

Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.