1 Timotiya 2:5 - Testamente Leyimpsha Xichangana

⁵ Hikuva ku ni Xikwembu xin'we, nasvona ku ni Muyimeli mun'we lweyi ahlanganisaka Xikwembu ni vanhu, yena Kriste Yesu munhu wa ntiyiso,

BIBELE Mahungu Lamanene

⁵ Hikuva ku ni Xikwembu xin'we, naswona ku ni Muyimeri un'we loyi a hlanganisaka Xikwembu ni vanhu, yena Kriste Yesu munhu wa xiviri,

Xitsonga (Bibele)

⁵ hikuva Xikwembu i xin'we ntsena, ni Muhlanganisi i un'we ntsena exikarhi ka vanhu ni Xikwembu, a nga Yesu Kriste, munhu

1 Timotiya 2:5 Referans Kwoze

Vagalatiya 3:20

Loko kuli ni muhlanganisi, svihlaya lesvaku munhu ahi mun'we mhakeni, kasi Xikwembu xona i xin'we.

1 Vakorinto 8:6

kambe ka hina ku ni Xikwembu xin'we ntsena, Tatana lweyi svilo hinkwasvu svihumaka ka yena, na hina hihanyelaka yena; nasvona ku ni Hosi yin'we ntsena, Yesu Kriste lweyi hinkwasvu svitumbulukaka hi le ka yena, na hina hihanyaka hikolaho ka yena.

Vaheveru 9:15

Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

Vaheveru 12:24

mitile ka Yesu, muyimeli wa ntwananu lowumpsha, ni le ngatini leyin'watsekiweke, leyivulavulaka lesvikulu kutlula ngati ya Abele.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Varhoma 10:12

Aku na kuhambana xikarhi ka Muyuda ni wamatiko, hikuva hinkwavu va ni Hosi yin'we, leyi minkateko ya yona yitalelaka hinkwavu lava vayikhongelaka.

Yohane 17:3

Kambe vutomi lebzingaheliki, hi lesvaku vakutiva, wena ntsena unga Xikwembu xa ntiyiso, na Yesu Kriste lweyi umurhumeke.

Vaheveru 8:6

Kambe hilaha timhaka tiyimeke hakona, Kriste akumile vutirheli lebzitlulaka ngopfu lebza khale hi kusaseka, hikuva ntwananu lowu anga muyimeli wa wona wutlakukile kutlula lowa khale, hikuva lowumpsha wubohiwile hi svitshembiso lesvitlakukeke.

Vaefesa 4:6

ku ni Xikwembu xin'we, Tatana wa vanhu hinkwavu, lexi xivafumaka hinkwavu, lexitirhaka hi vona ni kutshama ka vona hinkwavu.

1 Vakorinto 8:4

Loko kuli kuja lesvihumeseliweke svikwembu sva hava, hitiva lesvaku “xikwembu xa hava ahi xilo xanchumu misaveni” ni lesvaku “ku ni Xikwembu xili xin'we ntsena, axi kona xin'wana.”

Matewu 1:23

“Masvivo, wanhwanyana atakuma nyimba, ataveleka n'wana wa mufana; vatamuchula vito ra ‘Emanuwele’ (hi lesvaku: ‘Xikwembu xi na hina.’”)

Nhlavutelo 1:13

ni mun'we wofana ni N'wana-wa-Munhu na ayimile xikarhi ka svona, ayambale xiyambalu lexifikaka milengeni ya yena, na ali ni bandi ra golidi xifuveni xa yena.

Matewu 1:1

Leyi i buku ya nxaxameto wa rixaka ra Yesu Kriste, N'wana Davhida, N'wana Abrahamu:

Timhaka 4:12

“Kutani kuponisiwa aku kumeki ka munhu mun'wana, hikuva vanhu avanyikiwanga vito rin'wana laha misaveni, handle ka vito ra Yesu, leri hifanelaka kuponisiwa ha rona.”

Varhoma 1:3

yivulavula hi N'wana wa xona, Hosi ya hina Yesu Kriste, lweyi angahuma rixakeni ra Davhida hi tlhelo ra kuva munhu wa nyama;

1 Timotiya 6:13

Mahlweni ka Xikwembu lexinyikaka vutomi ka svilo hinkwasvu, ni le mahlweni ka Kriste Yesu lweyi avekeke vumboni lebzinene mahlweni ka Pontiyo Pilato, nakubzela nili:

1 Yohane 2:1

Vananga, nimitsalela timhaka leti hinkwatu akuva mingajohi; kambe loko munhu atshuka ajoha, hina yena muyimeli ka Tatana, anga Yesu Kriste, lweyi alulameke;

Luka 14:22

Kutani mutirhi aku: ‘Hosi, kuyendliwile hilaha uleriseke hakona, kambe ndhawu yahali kona.’