1 Timotiya 1:16 - Testamente Leyimpsha Xichangana

¹⁶ Kambe ni tsetseleliwile, kuyendlela lesvaku mina lweyi ninga mujohi worhanga hi vubihi, Kriste Yesu atasvikota kukomba kuleha ka mbilu ya yena lokuhetisekeke, kutani xiva xikombiso ka lavangatapfumela ka yena, vakuma vutomi lebzingaheliki.

BIBELE Mahungu Lamanene

¹⁶ Kambe ndzi tsetseleriwile, ku endlela leswaku eka mina loyi a nga mudyohi wo rhanga hi ku biha, Kriste Yesu a ta swi kota ku komba ku leha loku hetisekeke ka mbilu ya yena, kutani xi va xikombiso eka lava nga ta pfumela eka yena, va kuma vutomi lebyi nga heriki.

Xitsonga (Bibele)

¹⁶ Kambe ndzi tsetseleriwile leswaku Yesu Kriste a ta kombisa ha mina lowo rhanga xivindzi xa yena hinkwaxo, yi ta va mitila ya hinkwavo lava nga ta pfumela eka yena, leswaku va va ni vutomi lebyi nga heriki.

1 Timotiya 1:16 Referans Kwoze

1 Timotiya 1:13

hambilesvi khale nitshamaka nimusandza, ni kumuxanisa, ni kumupfukela. Kambe nitsetseleliwile, hikuva aniyendla hi kupfumala vutivi, ningali na kupfumela.

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Luka 7:47

Hikolaho nili, lweyi arivaleliweke svijoho lesvotala, rirhandzu ra yena i rikulu, kasi lweyi arivaleliweke lesvitsongo, ni rirhandzu ra yena i ritsongo.”

2 Petro 3:15

Kutani, twisisani lesvaku loko Hosi ya hina yilehisa mbilu, yiyendlela kuhiponisa. Makwerhu Pawulo murhandziwa wa hina, na yena amitsalele hi yona ndlela leyi, hi kulandza vutlhari lebzi anyikiweke bzona.

2 Petro 3:9

Hosi ayihlweli kuyendla lesvi yingatshembisa svona, hilaha van'wana vatwisisaka “kuhlwela” hakona, kambe yilehisa mbilu hikolaho ka n'wina; ayilavi lesvaku ni mun'we wa n'wina alahleka, kambe yilava lesvaku hinkwavu vata kuhundzukeni.

1 Petro 3:20

leyi kusunguleni yikalaka yingayingisanga Xikwembu loko xilehisa mbilu xiyima xingayendli nchumu, nkameni lowu Nowa angayaka ha wona ngalawa. Ngalaweni leyi kunghenile vangali vangani, hi lesvaku vanhu va ntlhanu ni vanharhu, lavaponisiweke ha yona matini.

Yohane 20:31

Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

Yohane 3:36

Lweyi apfumelaka ka N'wana a ni vutomi lebzingaheliki; kambe lweyi angapfumeliki ka N'wana angakala angabzivoni vutomi; kambe avukarhi bza Xikwembu bzitshama ka yena.

Varhoma 6:23

Hikuva hakelo ra xijoho i rifu, kambe nyiko leyinyikiwaka ntsena, leyihumaka ka Xikwembu, i vutomi lebzingaheliki, ha Yesu Kriste Hosi ya hina.

Timhaka 13:39

svosvi mun'wana ni mun'wana lweyi apfumelaka warivaleliwa ka svona ha Yesu.

Yohane 6:54

Lweyi ajaka nyama ya mina ni kunwa ngati ya mina a ni vutomi lebzingaheliki, kutani mina nitamupfuxa hi siku ra makumu.

Yohane 6:40

Tatana wa mina alava lesvaku mani na mani lweyi alangutaka N'wana, ava apfumela ka yena, ava ni vutomi lebzingaheliki, kutani mina nitamupfuxa hi siku ra makumu.”

Vaheveru 7:25

Hikolaho, wasvikota minkarhi hinkwayu kuponisa lavatshinelelaka Xikwembu ha yena, lesvi ahanyaka hi masiku hinkwawu ni kuvakhongelela.

2 Vatesalonika 1:10

Hi siku rakona, loko Hosi yitela kutadzunisiwa xikarhi ka vahlawuliwa va yona, ni kuvoniwa hi vapfumeli hinkwavu, na n'wina mitava kona, hikuva vumboni lebzi mibzikumeke ka hina, mibzitwisisile.

Vaefesa 1:12

kuyendlela lesvaku hina hinga lavosungula kuva ni kutshemba ka Kriste, hidzunisa kutwala ka xona Xikwembu.

Vaefesa 1:6

kuyendlela lesvaku hixidzunisa ni kuxitwalisa hi mhaka ya timpsalu ta xona, leti xihinyikeke ka N'wana wa xona lweyi arhandzekaka.

2 Vakorinto 4:1

Hikolaho lesvi Xikwembu, hi timpsalu ta xona, xingahirhuma kutirha ntirho wolowo, ahiheli mbilu.

Varhoma 15:4

Hinkwasvu lesvi svitsaliweke hi lava va khale, svitsaliwile lesvaku hijondza ha svona, ni lesvaku hiva ni kulangutela, hikolaho ka kutiyisela ni kuchaveleliwa loku hikukumaka Matsalweni.

Yohane 6:37

Hinkwasvu lesvi Tatana aninyikaka svona, svitata ka mina; ni lweyi ataka ka mina, ningakala ningamucukumeti handle.

Yohane 5:24

“Nitiyisile nili ka n'wina lweyi ayingisaka rito ra mina, ava apfumela ka Lweyi anirhumeke, a ni vutomi lebzingaheliki; kutani angakala angayavanyisiwi, kambe ahumile kufeni ayanghena vuton'wini.

Luka 23:43

Yesu aku ka xona: “Nitiyisile nili ka wena: Namuntlha utava na mina Paradiseni.”

Luka 15:10

Namibzela lesvaku, hi mukhuva wolowo, tintsumi ta Xikwembu tatsaka svinene loko mujohi hambi alimun'we ahundzuka.”

1 Vakorinto 7:25

Hi tlhelo ra lava vangasikiteka kumbe kutekiwa; a ni na Nawu wohuma ka Hosi, kambe nihlaya ntsena mavonela ya mina, hikuva nili munhu lweyi ayamukeleke timpsalu ta Hosi kuva lweyi wa kutshembeka.