1 Petro 4:10 - Testamente Leyimpsha Xichangana

¹⁰ Lesvi mun'wana ni mun'wana anyikiweke nyiko ya yena, tirhisani tinyiko leti, mipfunana ha tona, miva valanguteli lavanene va tinyiko ta Xikwembu ta tinxakaxaka.

BIBELE Mahungu Lamanene

¹⁰ Leswi un'wana ni un'wana a nyikiweke nyiko ya yena, tirhisani tinyiko leti mi pfunana ha tona, mi va valanguteri lavanene va tinyiko ta Xikwembu ta tinxaka-xaka.

Xitsonga (Bibele)

¹⁰ Un'wana ni un'wana hilaha a averiweke ku nyika hakona, a a tirhele van'wana hakona, kukotisa swiaveri leswinene swa tintswalo leto tala ta Xikwembu.

1 Petro 4:10 Referans Kwoze

Marka 10:45

hikuva na yena N'wana-wa-Munhu, angatelanga kutatirheliwa, kambe kutirhela van'wana ni kunyiketa vutomi bza yena kuponisa lavotala.”

Vaheveru 6:10

Hikuva Xikwembu axi na mona, xingakala xingarivali ntirho wa n'wina ni rirhandzu leri mirikombeke hi vito ra xona, hi kutirhela vahlawuliwa va xona, hilaha misviyendlaka hakona ni svosvi.

1 Vakorinto 15:10

Kambe ni lesvi ningaxisvona hi timpsalu ta Xikwembu, kutani timpsalu takona, leti Xikwembu xinikombeke tona, atiwelanga hansi. Ntiyiso wakona hi lesvaku nitirhile ngopfu kuvatlula hinkwavu; hambi svilitano, akutirhanga mina, kambe kutirhile timpsalu ta Xikwembu leti tinga ka mina.

1 Vakorinto 3:10

Hi timpsalu leti Xikwembu xiniyaveleke tona, mina nivekile masungulu kukota muyaki lowotlhariha; svosvo mun'wana ayaka henhla ka wona. Mun'wana ni mun'wana aayake henhla ka wona hi kuxiyaxiya.

Vaefesa 4:11

Nasvona, hi yena “lweyi anyikeke vanhu tinyiko”, van'we kuva vapostola, van'wana kuva vaprofeta, van'wana kuva vavuli va Evhangeli, van'wana kuva vafundhisi ni vajondzisi.

Varhoma 15:27

Vatibohile hi ndlela yoleyo, kambe nasvona va ni timfanelo ka va le Yerusalema. Hikuva lesvi vamatiko vayaveliweke minkateko ya Moya leyinga ya Vayuda, na vona vafanele kutirhela Vayuda hi minkateko ya vona ya sva misava.

Tito 1:7

hikuva bixopo wa kereke afanela kuva munhu wopfumala xisandzu, lesvi anga mulanguteli wa ntirho wa Xikwembu. Angatshuki ava munhu lweyi atikulisaka, kumbe munhu wa xikwatisana. Angavi lweyi atinyiketaka bzaleni, kumbe munhu wa vukarhi, hambi kunavela sva van'wana;

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Luka 12:42

Yesu ahlamula aku: “Xana i mani mulanguteli lweyi atshembekeke ni kululama, lweyi Hosi yimuvekeke lesvaku anyika svakuja svoringana ka vatirhi va yona?”

1 Vakorinto 4:7

Hikuva i mani lweyi akutlakuseke kutlula van'wana xana? Xana u na yini lexi unganyikiwangiki ke? Kutani loko unyikiwile, hikolaho ka yini utidzunisa, wonge hi loko ungasvikumanga hi kunyikiwa xana?

Luka 19:13

Kutani avitana malandza ya yena ya khume, anyika mina yin'we ka mun'wana ni mun'wana, wa vona aku ka vona ‘Bindzulani ha yona nikondza nivuya.’

Luka 8:3

na Jowana, nkata Khuza ndhuna ya Heroda, na Suzana, ni vavasati van'wana lavotala lava avatirhisa sva vona kupfuna Yesu ni vajondzisiwa va yena.

2 Vakorinto 6:1

Hina hitirhisanaka ni Xikwembu, ha mikhongotela nakambe, hili: Lesvi miyamukeleke timpsalu ta Xikwembu, mingatitshikeni tiwa!

Varhoma 15:25

Kambe svosvi, nahaya le Yerusalema, niyatirhela vahlawuliwa va Xikwembu kona;

Matewu 25:44

“Hilaha na vona vangatahlamula, vaku: ‘Hosi, hitshama hikuvona kwihi na uli ni ndlala, kumbe na uvabza, kumbe na uli ni torha, kumbe na wuli muyendzi, kumbe na wupfumala svoyambala, kumbe na uli jele, kutani hingakupfuni ke?’

Matewu 20:28

tani hi lesvi N'wana-wa-Munhu angatelangiki kutirheliwa, kambe kutirhela van'wana ni kunyiketa vutomi bza yena kuponisa lavotala.”

2 Timotiya 1:18

Ingi Hosi yingayendla lesvaku akuma kutsetseleliwa mahlweni ka yona sikwini lerikulu. Na wena wayitiva svinene mintirho leyi aniyendleleke le Efesa.

Matewu 24:45

Xana i mani mutirhi lweyi atshembekeke, ni kutlhariha, lweyi n'winyi wa yena amuvekeke kuhlayisa vatirhikulobze va munti, avaphamela svakuja hi nkarhi wakona?

Matewu 24:14

Kutani Evhangeli leyi ya Mfumu yitachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.

2 Vakorinto 9:1

Hi tlhelo ra xipfunu lexihumeseliwaka vahlawuliwa va Xikwembu, kungava kuheta nkama loko nimitsalela hi ta xona.

Matewu 24:21

hikuva nhlomulu wutava lowukulu nkarhini wolowo; nhlomulu lowotano awusiva kona hi mpfhuka misava yitumbulukile kutafika namuntlha, nasvona awungahavi kona ni siku ni rin'we.

1 Petro 5:10

Kutani ndzhaku ka loko mitava mixanisiwile nkamanyana. Xikwembu xa timpsalu hinkwatu lexi ximivitaneke kunghena kukwetsimeni ka xona lokungaheliki, ka Kriste, xona hi xoxe xitamipfuxa, ximiyaka ni kumitiyisa, mingatsekatseki.

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

Matewu 25:17

Na yena lweyi anyikiweke titalanta timbirhi, ayatibindzulisa, kutani akuma tin'wana timbirhi.