1 Petro 3:4 - Testamente Leyimpsha Xichangana

⁴ Kutibombisa ka n'wina, akuve ka vumunhu bza n'wina lebzinga xihundleni xa mbilu; akuve ka moya lowungawonhekiki wa kunabzala ni kurhula, lowunga ni risima lerikulu mahlweni ka Xikwembu.

BIBELE Mahungu Lamanene

⁴ Ku tibombisa ka n'wina, a ku ve ka vumunhu bya n'wina lebyi nge xihundleni xa mbilu; a ku ve ka moya lowu nga onhakiki wa ku olova ni ku rhula, lowu nga ni nkoka lowukulu emahlweni ka Xikwembu.

Xitsonga (Bibele)

⁴ kambe a ku ve hi munhu wa xihundla xa mbilu, la nga onhakiki, a nga ni moya wa ku olova ni ku rhula lowo pfumariwaka ngopfu emahlweni ka Xikwembu.

1 Petro 3:4 Referans Kwoze

Vakolosa 3:12

Hikolaho, lesvi mingavitaniwa hi Xikwembu kuva vahlawuliwa va xona lavarhandziwaka, yambalani moya wa timpsalu, ni vunene, ni kutitsongahata, ni kurhula, ni kuleha mbilu.

Varhoma 2:29

Kambe Muyuda wa xiviri, hi lweyi anga yena xihundleni xa mbilu, ni kuyimba ka xiviri, i kuyimba ka mbilu, loku kuyendliwaka moyeni, kungali hi lesvitsaliweke sva Nawu; kudzunisiwa ka munhu lweyi akuhumi ka vanhu, kambe kuhuma ka Xikwembu.

Matewu 11:29

Rhwalani mpingu wa mina, mijondza ka mina, hikuva ni ni mbilu yorhula ni ya timpsalu; kutani mimoya yitakuma kuwisisiwa;

Tito 3:2

vangatshuki vavulavula svobiha hi van'wana, kambe vava lavorhula, vava ni vuxaka masiku hinkwawu, vava ni musa ni vanhu hinkwavu.

Matewu 23:26

Mufarisi wa kufa mahlo! Rhanga hi kuhlampsa ndzheko ni nkambana hi le ndzeni ka svona kubasa, hi kona ni le handle kungatahlampseka kubasa.

Varhoma 7:22

Moyeni wa mina nitsakela Nawu wa Xikwembu;

2 Vakorinto 4:16

Hikolaho ahiheli mbilu; hambilesvi hihlakalaka hi tlhelo ra munhu wa hina wa le handle, hi tlhelo ra munhu wa hina wa le ndzeni, hihundzuka lavampsha siku rin'wana ni rin'wana.

1 Vatesalonika 4:11

Kunavela ka n'wina lokukulu akuve kuhanya hi kurhula, mitikarhatela sva n'wina, mitirha hi mavoko ya n'wina, hilaha hingarhanga hi mitsundzuxa hakona.

Vaefesa 4:2

Masiku hinkwawu, titsongahateni, miva ni musa, milehisa mbilu; kombani rirhandzu ra n'wina hi kuyingiselana.

1 Petro 3:15

Timbilwini ta n'wina, kombisani xichavu ka Kriste, lesvi anga Hosi; masiku hinkwawu tilungiseleni kutihlamulela ka mun'wana ni mun'wana lweyi amivutisisaka henhla ka kulangutela loku minga nakona,

1 Timotiya 2:2

sviyendleliwa ni tihosi ni hinkwavu lavanga svitshan'wini sva le henhla, lesvaku hikota kuhanya vutomi bza kurhula ni kutsaka, lebzinga bza vukhongeli ni lebzi bzixiximekaka hi matlhelo hinkwawu.

Luka 11:40

Svihunguki ndzin'wina! Lweyi angayendla sva le handle, xana angayendlanga ni sva le ndzeni ke?

Yakobo 1:21

Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa.

2 Timotiya 2:25

alaya khwatsi vakaneti va yena; hikuva kumbexana Xikwembu xingayendla lesvaku vatisola vahundzuka, vafika laha vangativaka lesvinga ntiyiso.

2 Vatesalonika 3:12

Kutani vanhu va kufana ni lavo havarhuma ni kuvatsundzuxa hi vito ra Hosi Yesu Kriste, lesvaku vatirha ntirho wa vona hi kurhula, vatakota kuja svakuja lesvinga sva vona.

Matewu 5:5

Kukatekile lavorhula, hikuva vataja ndzhaka ya misava.

Varhoma 6:6

Lesvi hisvitivaka hi lesvaku munhu wa hina wa khale avambiwile na Kriste xihambanwini lesvaku matimba ya munhu lweyi wa kujoha mahelisiwa, ni lesvaku hitakala hingahavi svitirhi sva kujoha.

Luka 16:15

Yena aku ka vona: “Loko mili n'wina, mitiyendla lavalulameke mahlweni ka vanhu; kambe Xikwembu xitiva timbilu ta n'wina; hikuva lesvi vanhu vasvitekaka svili sva le henhla, mahlweni ka Xikwembu ahi nchumu.

1 Petro 1:23

Mipsaliwile ra vumbirhi, kungali hi mbewu leyibolaka, kambe hi leyingaboliki, ringa Rito ra Xikwembu lerihanyaka, leritshamaka hi masiku hinkwawu.

Vakolosa 3:3

Hikuva mifile, kutani vutomi bza n'wina bzitumbetiwile na Kriste ka Xikwembu.

Vagalatiya 5:23

ni timpsalu ni kutikhoma. Awukona Nawu lowulwaka ni svofana ni lesvo.

2 Vakorinto 10:1

Mina Pawulo hanoxe, na mikhongotela hi musa ni vunene bza Kriste, mina Pawulo lweyi minge ni ntsongo loko nili xikarhi ka n'wina, kasi loko nili kule na n'wina mili ni nhenha!

Matewu 21:5

“Bzelani va le Siyoni, miku: ‘Hosi ya n'wina hi leyi yata!’ Yita na yirhulile, Yigadile mbongolo Leyinga ni ximbongolwana, n'wana wa yona.”

Varhoma 1:23

kutani vatshikile kukwetsima ka Xikwembu lexingafiki, vatiyendlela svifaniso lesvinga ni xivumbeko xa munhu lweyi afaka, ni xa tinyanyana, ni xa sviharhi, ni xa tinyoka.